Сапарбаев Нұрлан Смағұловпен арасындағы «араздыққа» қатысты жауап берді
Президент жанындағы Орталық коммуникациялар қызметінің баспасөз мәслихатында премьер-министрдің орынбасары Бердібек Сапарбаев тілшілердің бизнесмен Нұрлан Смағұлов екеуінің арасындағы «араздыққа» қатысты сауалына жауап берді, деп хабарлайды BNews.kz. «Нұрлан Смағұловқа менің ешқандай ренішім жоқ. Біздің арамыздан ешқандай ала мысық жүгіріп өткен жоқ. Мұны Өскеменмен байланыстырудың қажеті жоқ. Кейбіреулер ЭКСПО-2017 нысандарымен байланыстыра бастады. Алматы әкімінің орынбасарына жай ғана сұрақ қойдым. Бүгінде қалада балабақшалар, мектептер жетіспейді. Мен Алматыда кәсіпкерлер, бизнесмендер өте көп екенін, оларға балабақшалар, мектептер мен спорттық нысандар салу туралы ұсыныс неге айтпасқа дедім. Бұл жұмысқа барлығының атсалысқаны жөн», – деді Сапарбаев. Үкімет басшысының орынбасарының айтуынша, әрбір қазақстандық өз туған жерін ұмытпай, шама-шарқынша көмек көрсетуі тиіс. Бірақ мәжбүрлеп, көндіріп жатқан ешкім жоқ. «Егер мүмкіндік
