Елбасы Білім және ғылым министрі Ерлан Сағадиевті қабылдады
Елбасы Білім және ғылым министрі Ерлан Сағадиевті қабылдады-деп хабарлайды Ақорда баспасөз қызметі. Кездесу барысында Мемлекет басшысына Білім және ғылым министрлігінің 2016 жылғы жұмысының қорытындылары жөнінде есеп берілді. Нұрсұлтан Назарбаев білім және ғылым жүйесінің алдағы реформаларды, Қазақстан Президентінің «Қазақстанның үшінші жаңғыруы: жаһандық бәсекеге қабілеттілік» атты жолдауын іске асырудағы маңызды рөлін атап өтті. – Біз ел ішінде де, шетелдік оқу орындары қабырғасында да кадрлар даярлау ісі бойынша ауқымды жұмыстар жүргіздік. Үш тілде білім беруге, цифрлық оқыту әдісіне көшіп жатырмыз. Білім және ғылым министрлігі алдында бұл саланы одан әрі дамытуға байланысты зор міндеттер тұр. Қажетті адам ресурстарынсыз жолдауда алға қойылған міндеттерді орындау, соның ішінде технологиялық жаңғыруды жүзеге асыру, «Цифрлық Қазақстан» мемлекеттік бағдарламасын іске
