Мәдениет министрі қауқары жететін қалталы азаматтарды көмекке шақырды
Мәдениет және спорт министрі Арыстанбек Мұхамедиұлы BNews.kzпорталының студиясында өткізген онлайн конференция барысында Қазақ хандығы туралы сериал түсіру жұмыстары айналасында туындаған мәселелерге тоқталды. «Былтыр болжамдық жоспар құрып, алдымызға он сериялы телехикая түсіру мақсатын қойған едік. «Қазақфильм» киностудиясының басшылығы 1 млрд 120 млн теңгенің сметасын құрып, режиссер Рүстем Әбдірашев, продюсер Арман Асенов, сценарийст Смағұл Елубаев бастаған түсірілім тобы осы жұмысқа кірісіп кетті. Мен, әрине, бұл шығармашылық топты жақсы сыйлаймын. Олар түсірілім жұмыстары бір павильонның айналасында, белгілі бір ғимараттарда жүзеге асатын, тарихи оқиғалармен, монологтармен сүйемелденетін жай ғана телесериал емес, ауқымы әлдеқайда кең сапалы көркем фильм түсіргілері келеді. Мәселен, түсірілім аясында 500 жылқы пайдаланып, Сығанақ, Сарайшық сынды тарихи қалаларда болған оқиғаларды табиғат аясында
