“قازاق” ءسوزى تۋرالى 1245 جىلعى قىپشاق-اراب سوزدىگىندە نە ايتىلعان؟
قالدىباي قىدىرباەۆ. «قازاق» ءسوزىنىڭ ماعىناسىنا قاتىستى زەرتتەۋ جۇمىستارى ەكى جارىم عاسىرعا جۋىق ۋاقىت جۇرگىزىلىپ كەلە جاتسا دا، زەرتتەۋ جۇمىستارىنىڭ كوپشىلىگى «قازاق» سوزىنە قاتىستى جازىلعان ماقالالارعا شولۋلار بويىنشا جاسالعان كوزقاراستار مەن پايىمداۋلاردان تۇرادى. كوزقاراستاردىڭ كەيبىرى كوڭىلگە قونىمدى بولجامدار بولسا، ەندى بىرەۋلەرى اڭىز-اڭگىمەلەرگە سۇيەنىپ جاسالعان ەتيمولوگيالار بولىپ كەلەدى. قازاق حاندىعىنىڭ 550 جىلدىعىنا وراي وسى سۇراقتىڭ شەشىمىن تابۋعا ءوز ۇلەسىمىزدى قوسساق دەگەن نيەتپەن، «قازاق» سوزىنە اراب تىلىندە تۇسىندىرمە جاسالعان 1245 جىلى مىسىرداعى ماملۇك قىپشاقتارى تاراپىنان جارىققا شىققان «قىپشاق-اراب سوزدىگى» قولجازباسىنىڭ تۇپنۇسقاسى نەگىزىندە زەرتتەۋ جۇمىستارىن جاساعان ەدىك. جازباشا دەرەكتەمەلەر ىشىندە «قازاق» ءسوزى وسى «قىپشاق-اراب ءسوزدىگىندە» ءبىرىنشى رەت قولدانىلىپ، وعان العاش رەت تۇسىنىكتەمە بەرىلگەنى ايتىلىپ ءجۇر. سوزدىكتىڭ قولجازباسىن 1894 جىلى گوللانديالىق شىعىستانۋشى عالىم م.ت.حوۋتسما ەڭ
