Қытай танкшілері бірлесіп жаттығу үшін Қазақстанға келді
«Шығыс» өңірлік қолбасшылығына қарасты Аягөз қаласындағы 10810 әскери бөліміне Қытай Халық-Азаттық Армиясының танкшілері келді. Қытай Халық Республикасынан келген делегацияны әуеайлақта Аягөз гарнизонының әскери бөлім командирлері мен мекеме басшылары қарсы алды. Меймандар Ресей Федерациясының «Алабино» полигонында өтетін танк биатлонынан әлем чемпионатына бірлескен даярлық бағдарламасымен танысты. Осыдан кейін Қытай армиясының өкілдері жақында танк биатлонынан Қазақстан Республикасы Қарулы Күштерінің чемпионаты өткен «Майлино» трассасын көрді. Аспан асты елінің әскери қызметшілері шамамен бір апта қазақстандық әріптестерімен бірге жаттығатынын атап өткен жөн. Естеріңізге сала кетсек, жуырда Қазақстан Республикасы Қарулы Күштері Құрлық әскерлерінің үздік экипаждары мен жарыстың әлемдік кезеңіне қатысушылар анықталған болатын. Бұл жарыс екі күн бойы өтті. Экипаждар екі кезеңде – жеке сайыс және эстафета бойынша
