Қайғылы терактіден соң «Музарт» тобы Ақтөбеге арнайы келіп, тегін концерт қойды

| Jun 21, 2016

Қайғылы терактіден соң «Музарт» тобы Ақтөбеге арнайы келіп, тегін концерт қойды

Терракт оқиғасынан кейін қазақстандық өнер жұлдыздарының ішінде «Музарт» тобы алғашқылардың бірі болып, Ақтөбеге арнайы келді. Танымал топ халықтың еңсесін көтеру үшін тегін концерт қойып кетті.

Орталық саябаққа ағылған ақтөбеліктердің санында есеп жоқ деп хабарлайды NUR.KZ тілшісі.

«Қазалы отбасыларға қайғырып көңіл айтамыз. Жазықсыз жапа шеккен жандардың барлығына сіздермен бірге екенімізді білдірейік деген ниетіміз бар. Біз сіздерді жылатуға емес, жұбатуға келдік, ағайын. Тәуелсіздігіміздің 25 жылдығы құтты болсын! Баршамызға тыныш мемлекетте ғұмыр кешуге нәсіп етсін. Ұрпақтарымыз адаспасын, болашағы жарқын болсын! Көзімізден шыққан жас тек қуаныштың жасы, қуаныштың тамшысы болсын дегіміз келеді», – деді Сәкен Майғазиев.

Бес мыңнан аса тұрғын «Музарт» әндеріне биледі. Халықтың ықыласы шексіз. Ақ жаулықты аналар, жастар, бүлдіршіндер бейбіт күннің әндерін тыңдады. Жұлдызды топ 15 жылдықтарына арналған концерттерін Ақтөбеден бастап жатқандарын айтты.

«Биыл біздің топқа 15 жыл. Қуанышымызды Ақтөбе қаласынан бастап жатырмыз. Сіздердің ақ баталарыңызды алуға келдік. Еңселеріңізді көтеруге, жақсылықты, бейбітшілікті насихаттауға келдік. Исламға кір келтіріп жүрген түрлі ағымдардан аулақ болайық. Ата-бабаларымыз тер төгіп жеткен Тәуелсіздігімізді құрметтейік»,- деді “музарттықтар”.

Концертке Бердібек Сапарбаевтың өзі арнайы келіп, «Музарт» тобына ақтөбеліктердің атынан алғысын айтты.

«Елдегі болып жатқан жағдайға бей-жай қарамай, ақтөбеліктердің көңілін көтеруге келген сіздерге рахмет. Кешегі оқиғадан кейін бұл жігіттердің өздері «Ақтөбе жұртына тегін концерт жасайық» деген ұсыныс жасады. «Халықтың көңілін көтерейік, қасында болайық» дегендері біздің, елдің мерейін өсіреді. Сондықтан сіздердің аттарыңыздан осы топқа шығармашылық табыс тілейміз. Мемлекетіміздің абыройын арттыра беріңіздер. Елімізде тыныштық, берекет болсын. Әр отбасы балаларына жақсы тәрбие, білім берсе, бізде тыныштық та, берекет те, абырой да болады», – деді Ақтөбе қаласының әкімі Бердібек Сапарбаев.

«Музарт» тобы Оңтүстік Астананың жалынды салемін ақтөбеліктерге әнмен жеткізді.

ЖАСТАР ҚАЛАСЫНДАҒЫ РУХАНИ КЕШ: АЛМАТЫ АСПАНЫ АБАЙ ӘНДЕРІМЕН КӨМКЕРІЛДІ

kerey.kz

Әмірболат Құсайынұлы Абай күні қарсаңында Алматы қаласында ашық аспан астындағы сахнада мыңдаған көрермендер Қазақстан Республикасы Мәдениет және ақпарат министрлігінің «Ұлттық киноны қолдау мемлекеттік орталығы» қолдауымен түсірілген Абайдың тұңғыш шығармалар жинағының жарық көру тарихын баяндаған «Алғашқы кітап» атты деректі фильмді тамашалады, деп жазады Muztaumedia.kz. Докудрама жанрындағы бұл деректі фильм қазақтың неше ғасырлық рухани тарихындағы таң қаларлық ұлы оқиға — 1909 жылы Петербор қаласында Ильяс Бораганский баспасынан жарық көрген Абайдың тұңғыш кітабының қилы тағдырын бейнелеген. Фильм жалғыз өзі тұтас бір әлем жасап, шығармашылықпен айналысқан небәрі жиырма жылдың ішінде қазақтың тілін де, көркемдік, этикалық танымын да күрт өзгертіп, бұрын-соңды түрік жұрты жетпеген биікке көтерген Абайдың алғашқы кітабы қалай басылып шықты, Абай көзі тірісінде өзінің
Мыржақып Дулатов түрмеде жатқанда жазған өлеңі

kerey.kz

Жеке архивімнен табылған құнды мұрағат «Мыржақып Дулатов түрмеде жатқанда жазған өлеңі) Бұл өлеңді 1980 – жылы Өр Алтайдың Көктоғай ауданына қарасты Дүре ауылында 61 жастағы Қауан Орынбасарұлы деген ақсақал айтқанынан жеке архивімде сақталып қалғанынан тауып оқырманмен бөлісіп отырмын. Ай, құдай – ау, аққа жақ, Өзіңі аян мен нақақ. Ақиқат деген жолыңнын, Абыройыңды ашпа хақ. Аятбенен қадысқа, Алла ниет ақ іске. Жан алмасам жоқ еді-ау, Жаза тартсын деген бақ. Мені соттап байлатып, Зығырданды қайнатып. Масайрасын мәз болып, Қинағанды өзің тап Жақын жерден жау шығып, Мақүл істен дау шығып. Дұшпан үстап қолымнан, Иттер тістеп тонымнан. Жаман тосу болған шақ, Түтқын болып тарығып, Жалғыз жатып зарығып, Ашу қысып ойды алып, Дерт жәйіліп бойды
Президенттің Бенилюкс гамбиті немен аяқталады?

kerey.kz

Еуропа жүрегінде ашылған гештальт. Президенттің Бенилюкс гамбиті немен аяқталады? Елімізде Алматы халқы жаңа такси ашып, ал Шымкент халқы өзбек көршісімен бірге кешкі матчты тамашалайын деп отырғанда қазақ үмітін арқалаған Airbus моторын дүрілдетіп, Брюссельге ұшып кеткен болатын. Президент Тоқаев геосаяси қақтығыстар, сауда соғыстары, санкциялық қысым мен логистикалық тәуекелдер күшейіп жатқан бұл заманда Қазақстанның инвестиция үшін ең тыныш айлақ екенін тағы бір еске салу үшін бара жатқаны анық. Тура осы сапар алдында Fitch Қазақстанның ВВВ рейтингін растап, мықты аргументті қалтамызға салып жіберді. Брюссель Еуропа капиталының сөресі екенін білеміз. Сол сөреде жатқан миллиард еуро инвестицияға біз қол салғанда, бастысы ешкім “тәйт” демеуі керек. Сондықтан Қазақстан Президенті Қасым-Жомарт Тоқаевтың Бельгия Премьер-министрі Барт де Вевермен
Қазақ тілінің болашағы енді демографияға тіреліп тұрған жоқ.

kerey.kz

Zhalgas Yertay Қазақ тілінің болашағы енді демографияға тіреліп тұрған жоқ. Ол халықтың ішкі күші мен биліктің саяси еркіне қарайлап тұр Ертеректен бастайық. Баяғыда қазақтың басты проблемасы санында еді, ол рас. Қазақтар өз жерінде азшылыққа айналған-ды. Ал қалада қазақша есту қиын болатын. Мектептерде, университеттерде, мемлекеттік басқаруда, бизнесте қазақ тілі шеттетілді. Сол кезде қазақ тілінің тағдыры демографияға тәуелді еді. Бұл логика ұзақ уақыт дұрыс саналған. Бірақ бүгінгі Қазақстанға қарасақ, жағдай өзгерді. Қазақтар көпшілікке айналды. Қазақ тілін түсінетіндер мен сөйлейтіндер саны бұрын-соңды болмаған деңгейге жетті. Қазақ мектебіне баратын балалардың саны жыл сайын артып келеді. Қазақ тілі күнделікті өмірдің негізгі тіліне айналды. Бірақ неге тіл мәселесі әлі өзекті болып тұр? Мәселе санға емес, санаға
Наурыз мерекесі құрметіне Панфилов көшесіндегі Сахнада «Ән қанатындағы Наурыз» атты дәстүрлі өнерде жүрген жас орындаушылардың ән кеші өтті.

kerey.kz

Бүгін Алматы қаласы әкімдігі Мәдениет басқармасының ұйымдастыруымен Панфилов көшесі бойындағы сахнада Наурыз мерекесіне арналған «Ән қанатындағы Наурыз» атты жас орындаушылардың дәстүрлі ән кеші жоғары деңгейде өтті. Алматы қаласы ХХ ғасырдың 30-жылдарынан бастап ұлт мәдениетінің ұйытқысы, ордасы қызметін атқарып келеді. Дәстүрлі өнердің ірі өкілдері, зерттеушілері осы қалада тұрып, еңбек етті. Қазір де профессионалдық типтегі дәстүрлі музыканың ең ірі ошағы – Алматы. Мұнда этномузыканың белгілі қайраткерлері, дәстүрлі домбырашы, қобызшы, сыбызғышы, әнші-термешілер әзірлейтін арнаулы орта және жоғары оқу орындары, өнер ұжымдары шоғырланған. Қазақ көне музыка аспаптарының жер бетіндегі жалғыз музейі мен еліміздегі жалғыз дәстүрлі өнер театры да осында. Соңғы уақыттары Алматы қаласында дәстүрлі өнерді насихаттап жүрген жас өнерпаздардың арнайы ән кеші өтпеп еді.