“تۇعىرى بيىك ماڭگىلىك ەل”.

تالدىقورعاندا وسىنداي تاقىرىپپەن ايگىلى قولباسشى، كورنەكتى ءدىن جانە ۇلت قايراتكەرى زۋقا باتىردىڭ 150 جىلدىعىنا جانە ەل تاۋەلسىزدىگىنىڭ 25 جىلدىعىنا ارنالعان وبلىستىق اقىندار ايتىسى ءوتتى.  وعان وبلىسىمىزدىڭ اۋدان-قالالارى مەن جانە الماتى قالاسىنان بارلىعى 14 اقىن كەلىپ قاتىستى. جىر دوداسىنا وڭىردەگى “جاس وتان” جاستار قاناتى مەن “جاسىل ەل” شتابى جانە باتىر بابا اتىنداعى قوعامدىق قور ۇيىتقى بولعان. جالپى، ايتىس سۇيەر قاۋىم الدىندا 7 جۇپ ونەر كورسەتتى. ءوزارا ءسوز قاعىستىرىپ، ەر زۋقانىڭ ەل باسىنا كۇن تۋعاندا، جۇرتىنا پانا بولىپ، حالىقتى بىرىكتىرە بىلگەن، جاۋعا قارسى باس كوتەرگەن باتىرلىعىن جىرلادى. ءباھادۇر بابالاردىڭ ارقاسىندا ازاتتىققا قول جەتكىزىپ، بۇگىندە ەگەمەندىگىمىزدىڭ 25 جىلدىق تويىن تويلاپ جاتقانىمىزدى دا تىلگە تيەك ەتتى. ورەلى ءسوز ايتىپ، ادەمى ايتىس جاساي ءبىلدى. قازىلار شەشىمىمەن فينالدىق كەزەڭگە 2 جۇپ سۋرىلىپ شىعىپ، شاپپا-شاپ ايتىس ۇلگىسىن كورسەتتى. جىر بايگەسىندە وزا شاپقان ەسكەلدىلىك العىسبەك داۋەن 150 مىڭ تەڭگەلىك باس جۇلدەنى ەنشىلەسە، ءبىرىنشى ورىندى اقسۋلىق قانات بوقان جەڭىپ الدى.

“جەتى سۋ” تەلە ارناسى