“Twğırı biik mäñgilik el”.

Taldıqorğanda osınday taqırıppen äygili qolbasşı, körnekti din jäne wlt qayratkeri Zuqa batırdıñ 150 jıldığına jäne el täuelsizdiginiñ 25 jıldığına arnalğan oblıstıq aqındar aytısı ötti.  Oğan oblısımızdıñ audan-qalaları men jäne Almatı qalasınan barlığı 14 aqın kelip qatıstı. Jır dodasına öñirdegi “Jas Otan” jastar qanatı men “Jasıl el” ştabı jäne batır baba atındağı qoğamdıq qor wyıtqı bolğan. Jalpı, aytıs süyer qauım aldında 7 jwp öner körsetti. Özara söz qağıstırıp, er Zuqanıñ el basına kün tuğanda, jwrtına pana bolıp, halıqtı biriktire bilgen, jauğa qarsı bas kötergen batırlığın jırladı. Bahadür babalardıñ arqasında azattıqqa qol jetkizip, büginde egemendigimizdiñ 25 jıldıq toyın toylap jatqanımızdı da tilge tiek etti. Öreli söz aytıp, ädemi aytıs jasay bildi. Qazılar şeşimimen finaldıq kezeñge 2 jwp surılıp şığıp, şappa-şap aytıs ülgisin körsetti. Jır bäygesinde oza şapqan eskeldilik Alğısbek Däuen 150 mıñ teñgelik bas jüldeni enşilese, birinşi orındı Aqsulıq Qanat Boqan jeñip aldı.

“Jeti su” tele arnası