Ezutartar Köz qaras Suretter söyleydi Şou-biznis
OPASIZ BEN IBALINIÑ WYATI.
kerey.kz
(Şedevr emes,erteden bar añız ğoy, şıdamdılıq tanıtıp, oqıp şıqsañız degen ötiniş)
OPASIZ ben IBALINIÑ wyatı kezdesip qalıptı.
- Qalaysıñ? – deydi ibalınıñ wyatı.
- Swrama! – dep, ekinişisi eñirep jiberipti. – Meniñ iem wyattı wmıttı. Özinen basqanı oylaudı qoydı. Sezim degenniñ bärin jerlep, özgeniñ qamın oylau degenmen jwmısı joq, qarını toqtıq, köylegi köktik qana köksegeni. Özgeni ökşemen ezip, keudesin janşıp, basınan attap ketu oğan tük emes. Öle alamy jürmin!
- Jüregin jibitip, sanasın sıypalap körmediñ be?
- Äbden tırıstım. Bayqatpay jaqsılıq pen jamandıqtıñ parqın ayırar kitaptardı da tıqpalap kördim. Imandı, salauattı adamdarmen de jolıqtırdım. Payda joq! Kerisinşe, aşközdigi asqınıp, zwlımdığı uşığıp ketti. Onıñ betine de, artınan da aytılğan «Wyatsızsıñ!» – degendi estigen sayın odan baz keşip ketkim keledi. Kete almaymın. Sananıñ bir bwrışında bük tüsip jatırmın. Mınauıñ adam bolmaydı! Tek özin ğana köredi. basqadan aqşanıñ közin ğana köredi. Jaylı jerde jambası jatsa boldı, joğarığa wmtılğan jolında jolındağınıñ bärin basa köktep, öñmeñdep baradı. Ülkenge qwrmet, kişige izet joq. Tek qazınanıñ qwlı, baylıqtıñ ümmeti. «Alsam, jesem» dep qana twradı.
- İmmm, solay de. Onda sen bılay iste – dep, ibalınıñ wyatı sıbırlaydı. Ekeui ezu tarta jımiıp eki jaqqa ketedi.
Ertesi Opasız oyansa, twra almaydı. Äyeli as üydi basına köterip jür eken. «Osı qatınnan toyğanım-ay!» – dep, işinen oylaptı.
- Nemene? Menen toydıñ ba? – dep äyeli jetip keledi. «Oybay, mınau işimdegini qaydan bilip qoydı?» – dep Opasızdıñ esi ketedi. Ayğaydan qaşıp, üyinen atıp şığıp, jwmısına baradı. Lauazımdı jwrt jwmıs isteytin zäulim mekemege kire bere, özinen ülken bastıqtı körip qaladı. Ötirik külip, amandasıp twrıp «Osı qızıl köz bäle qaşan qwrır eken?» – dep, oylap qalğanı sol eken, anau «Oñbağan, kimniñ arqasında taltañdap jürgeniñdi wmıtqan ekensiñ!» – dep, jağınan salıp qaladı. Sol küni keş batqanşa oyınıñ oyranı şığadı. Köpten beri özinen basqanı jaqsı dep oylamaytın bwzılğan sanası sır berip, kezdesekenniñ bäri jaylı işki oyın sırtqa jayıp saladı. Eñ soraqısı sonday oydı qalay özgertu jolın bilmey qinaladı. Müldem oy oylamayın dese qolınan kelmeydi. Qanşama jıldan beri oyı aytqandı auzı aytpay, eldi ötirikpen emizip kelgen jannıñ basına özinen basqanı jaqsı deytin jarqın oy kele qoymaydı eken. Bwğan deyin qızmetteske qırsıq tilep, körşige auru tilep, bauırğa bezgek tilep kelgen adam ğoy. Köksegeni paranıñ kesegi, bireudiñ äyeliniñ tösegi. Öz basına kerekti alu üşin bergeni para, kedergini joyu üşin aytqanı jala. Bireuden kek alsam, qazınanı jep alsam dep, alşañ basıp kele jatqan adamnıñ ayaq astınan bwtı kökten keldi. Endi qaytpek? Bügindikke özine qarata eldiñ aytqan sözi: «Wyatsız neme, arsız ekensiñ!» – ğana. «Wyat, ar» degen ne bäle? Olar qayda twradı, qayda satıladı? Ne bolsa da, qanşa twrsa da sol wyattı tauıp almay bolmas!
- Men osındamın! Qinalma, su tegin janıñda jürmin – deydi sol kezde wyat.
- Aynanayın, wyatjan, ketpeşi, otıra twr, mına bäleden qalay qwtılam, jolın ayt, aqısın berem! – deydi Opasız.
- Aqısız qwtıluğa boladı, tek öziñ özgeruiñ kerek! Äzirşe men senen ketem! – dep wyat artına qaramay tayıp twradı.
- Oybay toqta, qalay özgerem? Jaña mäşine satıp alam ba? Şaşımdı tüzeymin be? Kiim auıstıram ba? Wyat, toqtaşı?! – dep iesi qala beredi.
Amal joq, özgeruge bel buadı. Ol oñayğa tüspeydi. Öziniñ elge istegen qısastığı özine on ese qayta keledi. Endi öz basına qarsı istelgen satqındıq pen zwlımdıqtı köredi. Keleke men kekesindi, aşközdik pen ajırasudı, köñil qimay qoştasudı közimen köredi. Attap basqan sayın janaşırlıq, ayauşılıq degendi üyrenuge tura keledi. Jalğızdıqtı janına serik etedi. Künderdiñ küninde keşegi Opasız endi Imandı pendege aynaladı.
Bayağı eki Wyat qayta kezdesedi. Ibalınıñ wyatı:
- Qalaysıñ? – degende,
- Körip twrsıñ ğoy! – dep, ekinşi wyat quana jauap beredi. Eki wyat ezu tarta ielerine kete baradı.
***
P/S: Janı jaysañ, jamandıq oylaudan beti aulaq, igi jaqsılar! Bwl añızdı auızğa alğandağı aytpağım basqa. Köbimiz işten tınıp, äliptiñ artın bağıp, «sen timeseñ men time» bolıp otırmız ğoy. Keşe ğana kezekti sot otırısı ötti. Meniñ Ardaqtı Wstazım, Twñğışbay Jamanqwlov bwl jolı ayqasqa bel budı. Moyındaudan bas tarttı. Kim bilsin, bilektiler bäribir onı kinäli ğıp, ayıptap, tağı da asqaq basın tömen igizer.Küştiniñ kim ekenin bilgizer. Tipti sot şeşimi aldın ala dayar twrğan da şığar.Ol öz kezegimen bola berer… Däl qazir meni türşiktirgen is mınau: qaşannan beri Biz jığılğandı jwdırıqtay beretin bolğamız? Men ayıptauşı jaqqa qarsı şap dep otırğamın joq. Sotqa barıp soyqan şığar deuden de aulaqpın. Keşe ğana birimizdiñ arqa süyerimiz, birimizdiñ aqılşımız, biriñizdiñ süyikti akterıñız, biriñizdiñ maqtan twtarıñız, biriñizdiñ jerlesiñiz, biriñizdiñ qwrdasıñız edi ğoy. Jabıqqan köñilin jebey qoyatın jılı lebizderiñiz qalğan şığar? «Jaqsı söz – jarım ırıs» emes pe edi? «Anau olay dedi, özi bılay dedini» qoya twrıp, osındağı auzına el qarağan ağayın endi birge tileu tilegennen basqa qayran joq. Talanğandı tabalay bermey, ağamızddı jigerlendirer, qoltığına demeu bolar ağalıq, inilik, bauırlıq aq nietteriñizdi köptiñ aldında, osı jelide bildirseñizder eken. Jeliniñ de jeli keyde dauıldan kem soqpaytın edi ğoy. Mümkin Sizderdiñ sözderiñizden tabalağandar da täubasına keler…
Meniki ötiniş, özderiñiz bilersizder.
Joğarıdağı añızdağıday Wyatım tastap ketpesin, onsız da özime äreñ siıp jürgen sıñayı bar…
Asqar Naymantaevtıñ facebook paraqşasınan alındı
Pikir qaldıru