Ğasırlar boyına şeşimi tabılmay kele jatqan älemde 3 esep bar. Sonıñ bireuin 20 jastağı atıraulıq Aqılbek Köpjasarov şığardı.

Ol şığarğan esep bwrıştıñ üş sekciyası turalı. Eseptiñ şığarılğanın Fildsovsk sıylığı komiteti men Europadağı matematikterdiñ qauımdastığı rastadı dep jazadı 365info.kz  «Aq Jayıq» basılımına silteme jasap.

Aqılbek şeşimi joq esep jaylı fakul'tativtik sabaqtıñ birinde öz wstazı auzınan 15 jasında estipti. Sodan beri ol qolı qalt etse osı esepti şığaruğa basın auırtatın bolğan. Aqırı ol tayauda esepti şığaradı. Söytip onı Europadağı matematikter qauımdastığına joldaydı. 2 aydan soñ olardan jauap keledi.

Söytse Europalıq matematika kongresi qazaq balasın 2018 jılğı sıylıqqa wsınatının jazıptı. Al onıñ bwl esebi sol qauımdastıqtıñ saytına ornalastırıladı. Sol kezden bastap düniejüzi matematikterinen Aqılbekke hat qarşa borağan.

Al Aqılbek sol hattıñ biri eseptiñ dwrıs emestigin däleldeuge tırıssa qaytemin dep qattı qobaljıptı. Biraq bir de bir matematik Aqılbek şığarğan esepke äzirge kümän keltirmegen.

Nobel' sıylığı sekildi matematikterge tağayındalatın Abel' sıylığınan Aqılbek ümitti ekenin jasırmaydı. Onıñ kölemi 1 mln dollar körinedi. Al Abel' sıylığınıñ iegerin Halıqaralıq matematikalıq odaq pen Europadağı matematikterdiñ qoğamı tağayındaytın bes ğalımnan twratın komitet anıqtaydı eken.

Qalay degenmen düniejüzi ğalımdarın Aqılbektiñ jastığı men eşqanday ğılımi atağı joqtığı tañ qaldırıptı. Al Aqılbektiñ özi ğılımi ataqqa eşqaşan qızıqpağanın, oğan jwmsağan uaqıttı ol osınday esepti şığaruğa jwmsaudı jön köredi.

Student Aqılbek tehnikalıq zattar satatın dükende jwmıs istep, ata-anasına auırtpalıq tüsirmegen.

«Matematikalıq sayttarğa kirip, osı esepti şığaruğa tırısqan adamdardıñ täjiribesin äbden zerdeledim. Barlıq amaldı qoldanıp kördim, bolmadı. Eñ soñında Kipert giperbolasın Gil'bert dälelimen jäne üşinşi şeñber erejesimen qoldanıp köruge tırıstım. Sodan şığa keldi», — deydi Aqılbek.

365info.kz