B.Tölegenova atındağı Hİ halıqaralıq vokalister bayqauı ötti
kerey.kz
Nwr-Swltan qalasında Bibigül Tölegenovanıñ Hİ halıqaralıq vokalister bayqauı öz märesine jetti. Marapattau, gala-koncert pen bayqaudıñ saltanattı jabıluı 11-qazanda «Astana Opera» memlekettik opera jäne balet teatrında ötip, Hİ halıqaralıq vokalister bayqauınıñ qorıtındısı jariya etildi. Bayqau jeñipazınıñ esimi belgili boldı. Ayta keteri – biıl Bibigül Tölegenovanıñ halıqaralıq bayqauınıñ 20 jıldığı Qazaqstan täuelsizdiginiñ 30 jıldığımen säykes kelip otır. Halıqaralıq bayqau älemniñ eñ ozıq sahnalarında elimizdiñ atın şığaratın jaña jwldızdardı jarqıratadı.
Bayqaudıñ gran-pri jüldesi Almatı qalasınan kelgen jas orındauşı, keremet bariton dauıstı Köşkinbaev Dinmwhamedke berildi. Soñğı ötken bayqaulardan keyin alğaş ret gran-pri Qazaqstanda qaldı.
Hİ halıqaralıq vokalister bayqauınıñ jeñipazı Köşkinbaev Dinmwhamed jeñisi üşin rizaşılığın bildirdi. Ädilqazı alqası özara keñespey, bir auızdan änşige joğarı ball qoydı.
Ädilqazı alqasınıñ qwrmetti müşesi Noviçenko Tamara Dmitrievna: «Qazaq halqı erekşe bir muzıkalıq darınğa, vokaldıq qabiletke ie. Bwl – wltqa tän erekşelik. Barlıq qatısuşılar mıqtı, dayındığı joğarı. Mwnday mümkindik üşin sizderge rahmet! Qonaqjaylılıq üşin rizaşılığımızdı bildiremiz», – dep atap ötti.
Foro Bonapart muzıkalıq akademiyasınıñ professorı Anatoliy Gusev Europanıñ klassikalıq muzıka boyınşa bedeldi bayqauına qatısuğa Bibigül Tölegenovanıñ vokalister bayqauınıñ üş jeñipazına şaqıru dayındap jatqanın mälimdedi. Olar irikteu turına qatıspay, şeteldik bayqauda baq sınap köruge mümkindik aladı. Anatoliy Gusev: «Avstriyadağı Feruçço Kar'erini atındağı halıqaralıq vokaldıq bayqau jetekşiligi men direkciyası Köşkinbaev Dinmwhamedke (Qazaqstan), De-Rel' Gabriel'ge (RF) jäne Näzir Otabekke (Özbekstan) bayqaudıñ birden jartılay finalına qatısuğa 3 sıylıq wsınuıma rwqsat berdi. Olar 2022 jılı bolatın irikteu turına qatıspaydı», – dedi.
«Astana Opera» memlekettik opera jäne balet teatrınıñ direktorı, Qazaqstannıñ eñbek siñirgen qayratkeri Ahmed'yarov Ğalım söz söylep, Bibigül Tölegenovanıñ Hİ halıqaralıq vokalister bayqauınıñ laureatı Äubakirova Äsem Tölegenqızına arnayı sıy – Qazaq öner akademiyasında oquğa sertifikat bergisi keletinin ayttı.
KSRO men Qazaqstannıñ halıq ärtisi, qazaq bwlbwlı, qazaq öneriniñ «marjanı», qazaq halqınıñ maqtanışı, teñdesi joq Bibigül Tölegenova mereytoylıq bayqaudıñ wyımdastıruşıları, demeuşileri, seriktesteri men qatısuşılarına rizaşılığın bildirdi. Bibigül Tölegenova bas demeuşi «Samwrıq-Qazına» AQ, äleumettik seriktes «Samruk-Kazyna Trust» korporativtik qorınıñ, QR Mädeniet jäne sport ministrliginiñ, Nwr-Swltan qalası äkimdiginiñ rölin erekşe atap ötti. «Men barlıq qatısuşılardı, darındı, belsendi jas änşilerdi şın jürekten qwttıqtaymın. Biılğı bayqau erekşe boldı. Orındauşılardıñ barlığı joğarı deñgeyde dayındalğan. Üzdik orındauşını tañdau qiınğa soqtı. Mwnımen ädilqazı alqasınıñ müşeleri kelisedi dep oylaymın. Degenmen, eñ mıqtısı jeñdi. Biz joğarı öner älemine bayqauda jolı aşılğan jandardıñ käsibi ömirinen ärkez habardarmız. Jaña jwldızdar älemniñ ozıq sahnalarında elimizdiñ atın asqaqtatadı. Bayqaudıñ qwrılu kezeñderinde Elbasınıñ körsetken qoldauına alğıs bildiremin. Büginde bayqauğa eñ joğarı deñgeyde köñil bölinedi. Memleket basşısı Qasım-Jomart Toqaev jazğan hatında bayqauğa qatısuşılarğa aq jol tiledi.Bwl barlığımızğa şabıt beredi. Bas demeuşiler men Mädeniet jäne sport ministrligine aytar alğısımız mol», – dedi söylegen sözinde Hİ halıqaralıq vokalister bayqauı ädilqazı alqasınıñ törayımı, KSRO men Qazaqstannıñ halıq ärtisi, Socialistik Eñbek Eri, KSRO men Qazaqstannıñ memlekettik sıylıqtarınıñ laureatı, akademik Bibigül Tölegenova.
«Joğarı klassikalıq öner janküyerleri üşin ädemi opera muzıkasınan läzzat alıp, bayqau jeñipazdarı men laureattarınıñ önerine kuä boluğa, jas darın ieleriniñ şığarmaşılığına layıq bağa beruge mümkindik tudı», -dedi QR Mädeniet jäne sport vice-ministri Nwrqisa Däueşov.
«Öz tarapımızdan Bibigül Tölegenovanıñ halıqaralıq vokalister bayqauın ötkizu bastamasına ärqaşan qoldau bildiruge uäde beremiz», -dedi Nwr-Swltan qalası äkiminiñ orınbasarı Ashat Oralov.
Usmanov Ramiz biılğı bayqauğa ädilqazı müşesi retinde qatısıp otır. Ol bayqauğa şaqırılğanı jäne klassikalıq orındau öneriniñ şeberlerimen birge ädilqazı müşesi etip saylanğanı üşin rizaşılığın bildirdi. Büginde Ramiz Usmanov Ä. Nauai atındağı Memlekettik akademiyalıq Ülken teatrdıñ solisi, Özbekstan halıq ärtisi.
Eske salayıq, 2021 jılğı 1-11 qazan aralığında Nwr-Swltan qalasında KSRO men Qazaqstannıñ halıq ärtisi, qazaq bwlbwlı, akademik Bibigül Tölegenovanıñ Halıqaralıq vokalister bayqauı on birinşi märte ötkizildi.
Pikir qaldıru