Qanat Swltanbekov: LRT-nıñ joğalğan aqşasın Jaqsıbekov pen Älievten swrau kerek
kerey.kz
WQK-niñ bwrınğı törağası Kärim Mäsimov wstalğalı beri LRT isimen küdikke ilingen Qanat Swltanbekovtiñ dauısı mwhittıñ arğı jağınan oqtın-oqtın estilip jatır. Ol bügin tağı aqtalıp, LRT isi turalı post jazdı. Bayqauımızşa, «Pandora jäşiginiñ» qaqpağı aşıla bastağan sıñaylı…
Nege.kz oqırmandarı keregin alar degen oymen Swltanbekovke de minber wsındıq.
Sonımen, Swltanbekov bılay deydi: «Men eşqanday da wyımdasqan qılmıstıq top qwrğam joq, LRT men BRT qwrılısı boyınşa eşqanday da aqşa wrlağan emespin. Men onıñ bir tiının da almadım. Qısqaşa bayandayın.
2009 jıldıñ qazanı men 2014 jıldıñ jeltoqsanı arasında Astana qalası äkiminiñ orınbasarı boldım.
2016 jılı (men äkimdikten ketken soñ 2 jıldan keyin) äkimdik LRT aqşasın (257 mln dollar) Astana Bankine audardı, aqşa sol küyi joq boldı. Qwrılıs sol sebepti toqtap, «jemqorlıq eskertkişi» payda boldı.
Astana LRT.
Endi ret-retimen bayandayın.
2012 jıl. Ükimet pen Twñğış prezident Alstom (Franciya) kompaniyasımen birigip, LRT salu turalı şeşim qabıldadı. Alstom jer betimen jüretin tramvaydı (europa elderindegidey) wsındı. Sol jılı Tasmağambetov onı özgertip, tramvaydı estakadağa köterudi (Dubaydağıday) tapsırdı.
Mwnıñ imidjdik joba ekenin, şağın qalada jolauşılar az bolğandıqtan juıq arada özin-özi aqtamaytının bäri tüsindi.
2013 jıl. Twñğış prezident jobanı toqtattı, al äkim Tasmağambetov jobanıñ qwnın arzandatu üşin el basşılığın LRT-nı BRT-ğa – estakada tramvayların avtobus jolağına auıstıruğa köndirdi.
2014 jıl. Ükimet pen Twñğış prezident BRT jobasın maqwldadı jäne qwrılıstı bastauğa pärmen berdi. Batıs mamandarımen keñesti, joba jasadı, qwrılıstı bastauğa kelisim şart jasaldı.
2014 jıldıñ küzi. Tasmağambetovti Qorğanıs ministrligine auıstırıp, ornına Jaqsıbekovti tağayındadı.
I.Tasmağambetov.
Sol jılı Astananıñ äkimi Jaqsıbekov meni öziniñ wlı Däurenge jiberdi. Ol barlıq transporttıq jobalardan «otkat» swrağan bolatın. Men odan bas tarttım da, jwmıstan ketuime tura keldi. Aytılğan äñgimeniñ ärbirin jiliktep, Däurenniñ bwl jobalardıñ tizimin qalay asqan qızığuşılıqpen zerttegenin ayta otırıp, bwl turalı köp närse jazuğa boladı.
2014 jıldıñ jeltoqsanı. Men äkimdikten kettim de, meniñ ornıma Nwräli Äliev keldi. Jaqsıbekov el basşılığın LRT jobasına qayta oralıp, qıtay tehnologiyasımen saluğa köndirdi. Qazirgi «salınğanı», anığında toqtap twrğanı – Jaqsıbekov pen Äliev tıqpalağan joba.
Sol jılı Mäsimovtiñ Qıtayğa saparı barısında LRT-nı qıtay kompaniyaları saladı degen şartpen halıqaralıq zaym tartıldı.
2016 jıl. Qıtaydıñ LRT saluğa dep bölgen 257 mln dolları Astana Bankine audarıldı da, tüsiniksiz sebeppen bank bankrot bop qaldı. Al qwrılıs toqtadı.
Bwl aqşanıñ qayda ketkenin bank esepşotı arqılı anıqtauğa boladı, biraq tergeu mwnı istemey otır.
Prezident Toqaev 2019 jılı (Deutsche Welle) Qıtayda LRT jobası boyınşa kinäliler sottalğanın ayttı. Endeşe LRT-nıñ qıtaylıq variantına 2 jıl bwrın jwmıstan ketip qalğan meniñ qanday qatısım bar?
K.Mäsimov.
Bwl is boyınşa meni jäne basqa da adamdardı ayıptı etip şığarıp, «Astana LRT qılmıstıq isi» dep atalatıp ülken ötiriktiñ figurantına aynaldırdı. Biz BRT boyınşa jwmıs istesek te, jobalar boyınşa negizgi şeşimderdi qabıldağan Astana äkimi, vice-ministrler, ministrler, Prem'er-ministr jäne Prezident äkimşiligi siyaqtı tizbekte kişkentay adam bolsaq ta, qoldan ayıptı etip şığardı.
Jemqorlıqqa qarsı qızmet meni LRT-ğa bölingen aqşanı jımqırudı wyımdastırdı dep ayıptadı.
Ayıptaudıñ bar negizi etip 2014 jılı 5 naurızda qol qoyılğan jobanıñ tehnikalıq-ekonomikalıq şığındarınıñ smetalıq jiıntığı qwjatın alğan. Bwl joba «Astana qalasınıñ transporttıq jaña jüyesi» dep ataladı. Bwl BRT, ITS qwrılısınıñ bastapqı kezeñi bolatın.
Ol kezde Ükimet äkimdikke qısım jasap, kelisimge tezdetip qol qoyudı talap etti. Tiisinşe, Tasmağambetov mağan talap qoydı, al men basqa mamandardan Ükimet tapsırmasın tezdetip orındaudı talap ettim. Tergeu bwdan meniñ qılmısımdı körip otır-mıs.
Osınday jağdaydan keyin men jäne basqa da mamandar Tasmağambetovpen kelise otırıp, jobağa qol qoydıq. Tergeu aralıq qwjatqa qol qoyğandardıñ bäriniñ qılmısın däleldedik dep mälimdedi.
Är närseni öz atımen atasaq, BRT jobası boyınşa ğana ayıptauda, al LRT jobası boyınşa eşkimdi tergegen joq, tergeu jürgizilmedi, 257 mln dollardı eşkim izdep jatqan joq. Äkimder men Ükimet müşeleriniñ eşbiri tergelmedi. Negizgi şeşimdi qabıldağan solar bolatın».
Swltanbekov Manhettenniñ turisterden tınıştau köşesinde kofe işip otırıp, osılay dep jazıptı. Bwğan Ädilbek Jaqsıbekov, Nwräli Äliev jäne Imanğali Tasmağambetov ne dep jauap berer eken?
nege.kz aqparattıq-saraptamalıq portalı
Pikir qaldıru