Mayra Mwhamedqızı
kerey.kz
Mayra Mwhamedqızı – (sahnada Maira Kerey – Mayra Kerey esimin paydalanadı) (1965 jıldıñ 5 qırküyek küni Qıtaydıñ Qwlja qalasında düniege keldi) qazaqtıñ eñ ataqtı opera änşisi (soprano), Qazaqstan Respublikasınıñ eñbek siñirgen ärtisi, Memlekettik sıylıqtıñ laureatı. Parijdegi “Grand Operanıñ” qazaqstannan şıqqan jalğız twñğış änşi.Mayra Mwhamedqızı QHR-da önerli otbasında tuıp, ösken. Tarihi otanına 1994 jılı oraldı. Äkesi Mwhamed Äbdiqadırwlı — kompozitor, professor, muzıka zertteu salası boyınşa köptegen kitaptardıñ avtorı. Anası Kamal Quanışqızı — änşi, QHR Halıq ärtisi.
Mayra Mwhamedqızı Beyjiñ Wlttar Universitetiniñ Muzıka Fakul'tetin (Djou Ben Çin sınıbı) jäne Pekin Konservatoriyasın (Go Şu Djen sınıbı) bitirgen. Almatıda Qwrmanğazı atındağı Qazaq wlttıq konservatoriyasında (professor N.A. Şaripovtiñ sınıbı) stajirovkadan ötken.
Şığarmaşılığı
Mayra Mwhamedqızınıñ (Europa sahnasında Mayra Kerey) şığarmaşılıq ömirindegi aytulı kezeñi Franciyanıñ Grand-opera teatrımen (Opéra National de Paris) kelisim-şart jasauınan bastaladı. Älem opera arenasına Puççinidiñ «Bogemasındağı» Myuzetta rölimen debyut jasap, opera jwldızdarı tenor Roberto Alan'ya, Marsello Al'varez qatarlas änşilermen birge än saldı. G.Donicettidıñ «Mahabbat därisi» (L’Elisir d’Amore) attı komediyalıq operasında Adina rölimen Opéra National de Lorraine, Opéra de Rennes, Théâtre de Caen, Grand Théâtre de Reims jäne Opéra National Bordeaux sahnalarında önerin körsetti. Älemdik klassikalıq operanıñ üzdik ülgilerine qatısıp, jetekşi partiyalardı orındap, evropadağı opera kar'erasın büginge deyin jalğastırıp keledi.
Qazaq opera teatrında Abay spektalinde Mayra Ajar rölinde
2005 jılı Mayra Mwhamedqızı äygili älem opera jwldızı Plasido Domingonıñ şaqıruımen AQŞ opera sahnasına köterildi. Vaşington Wlttıq Opera Teatrında P.I.Çaykovskiydiñ «Orlean Bikeşinen» Agness Sorel' partiyasın orındadı, atı añızğa aynalğan älem opera jwldızı Mirella Frenimen bir sahnada än saldı.
Gay City News aqparat qwralı aytuınşa, Mayra Kerey — keremet orındauşılıq şeberligimen qosa tabiğat bergen ajarı men öneri astasqan darındı änşi. «Tamaşa dauıstıñ iesi Mayra Kerey biregey darınımen, tabiği quattı, aşıq taza, jağımdı da ädemi dauısımen körermender jüregin jaulap aldı. Mayra Kerey Vaşington operasına ülken röldermen qayta oralatınına kämil senemiz», — dep jazadı The Washington Times.
Mayra Mwhamedqızı Qazaqtıñ memlekettik Abay atındağı akademiyalıq opera jäne balet teatrınıñ soprano dauıstı jetekşi äri bedeldi änşisi. Mayranıñ teatrdağı repertuarında Brusilovskiydiñ «Qız Jibek» operasındağı Jibek, Jubanov pen Hamididiñ «Abay» operasındağı Ajar, Verdidiñ «Traviatasındağı» Violetta, «Rigolettodağı» Djil'da, Bizeniñ «Karmen» operasındağı Mikaela, Donicettidiñ «Lyuçiya di Lammermurdegi» Lyuçiya, Gunonıñ «Faustındağı» Margarita, Puççinidiñ «Turandot» operasındağı Liyu jäne basqa da partiyaları bar.
Soñğı opera mausımında Mayra Mwhamedqızı Gunonıñ «Romeo men Djul'etta» operasındağı bastı partiyanı Opéra National de Lorraine opera teatrında, Donicettidiñ «Don Paskuale» operasındağı Norina rölin Grand Théâtre de Genève jäne Théâtre de Caen sahnalarında, Puççini «Bogemasındağı» Myuzetta partiyası jäne Gunonıñ «Faustındağı» Margarita partiyasın Opéra National Bordeaux opera teatrında, Britinniñ «Jazğı tündegi tüs» operasında Titaniya rölin Opéra National de Lorraine, Grand Théâtre de Toulon jäne Opéra National Bordeaux sahnalarında somdadı. Altamusica kelesidey habarlaydı: Qazaqtıñ änşi qızı Mayra somdağan obrazdar eşkimge wqsamaytın, eşkimdi qaytalamaytın özindik ajar-ayşığımen erekşelenedi. Keyipkerleriniñ boyına tabiği swlulıq pen işki jan-düniesi men sırtqı kelbetiniñ astasıp adamgerşilik qasietterin siñirip, körermender jüregin änşilik şınayılığımen, orındauşılıq şeberligimen baurap aladı»
Mayra Mwhamedqızınıñ koncerttik repertuarı bay da baysaldı. Änşiniñ älemdik klassikalıq operasınan bölek, operetta, myuzikl, kameralıq vokaldı şığarmalardan, halıq änderinen twratın bay repertuarı ünemi tolıqtırılu üstinde. Repertuarındağı köptegen şığarmalar Qazaqstan sahnasında bwrın soñdı orındalmağan. Operalıq jäne koncerttik repertuarın asqan talğampazdıqpen tañdap, ülken eñbekqorlıq pen izdenistiñ ülgisin körsetip keledi. Mayranıñ orındauşılıq täjiribesi Bethovenniñ 9-şi simfoniyasın, Gaydnniñ «Älem jaratılısı» oratoriyasın, Mendel'sonniñ Elijah oratoriyasın, Mocarttıñ Exultate Jubilate, Pergolezidiñ «Stabat Mater», Rossinidiñ «Kişkene Saltanattı Messa», Villo-Lobostıñ «Bachianas Brasileiras No. 5» t.b. qamtidı.
Mayra Mwhamedqızı jeke koncerttik, gastrol'dik saparda jii boladı. Ol Pekin, Gonkong, Stambul, Deli, Seul, Mäskeu, Sankt-Peterburg, Budapeşt qalalarında jäne Slovakiyada Fore, Pulenk, Debyussi, Rahmaninov, Çaykovskiy, sonımen qatar, qazaq jäne qıtay halıq änderin orındadı. Pekinniñ «Jon Şan' Li Tan» koncerttik zalında ortalıq Pekin opera teatrınıñ simfoniyalıq orkestrimen jäne Wlıbritaniyadağı «Kadogan-holl» koncerttik zalında Londonniñ Korol'dıq simfoniyalıq orkestrimen jeke koncertteri ötti.
2009—2010 opera mausımında Mayra Mwhamedqızı Kerubinidiñ «Medeya» operasındağı Glauçe rolın somdaydı. Sonımen qatar, Opéra National de Lorraine teatrınıñ simfoniyalıq orkestri süyemeldeuimen Mozart et les femmes attı jeke koncerti Franciyanıñ Nansi qalasında ötedi.
Qazaq memlekettik Abay atındağı akademiyalıq opera jäne balet teatrı 2009—2010 mausımında Mayra Mwhamedqızına arnayı Donicettidıñ «Mahabbat därisi» (L’Elisir d’Amore) attı komediyalıq operasınıñ jaña qoyılımın wyımdastıruda.
Mayra Mwhamedqızı Qazaqstannıñ öner Elşisi bolıp, qazaqtı özge elderge tanıtıp, wlttıq opera öneriniñ jalauın köptegen alıs-jaqın şetelderde jelbiretip, märtebesin köterdi, egemen elimizdiñ maqtanışı, qazaq halqınıñ jwldızdı änşisine aynaldı. Qazaq memlekettik Qwrmanğazı atındağı akademiyalıq halıq aspaptarı orkestrimen osığan deyin orındalmağan halıq änderinen twratın «İnju Marjan» taspasın jazıp, öner süyer qauımnıñ ıstıq ıqılasına bölendi. Mayranıñ öneri jaylı bwqaralıq aqparat qwraldarı keñinen nasihattadı. Mayra tamaşa änşiligimen qatar, Ämir Qaraqwlovtıñ «Jılama!» attı körkem fil'minde bastı röldi şeber orındap, jaña bir qırınan körindi.
Pikir qaldıru