Memleket basşısınıñ törağalığımen Qauipsizdik keñesiniñ otırısı ötti
kerey.kz
Otırıs barısında ekologiyalıq qauipsizdik mäseleleri, qorşağan ortanı qorğau salasındağı qabıldanıp jatqan şaralar talqılandı-dep habarlaydı Aqorda baspa söz qızmeti.
Nwrswltan Nazarbaev Aqmola oblısındağı Qalaçi jäne Batıs Qazaqstan oblısındağı Berezovka auıldarı twrğındarınıñ densaulığın qorğauğa qatıstı mäselelerdi tezdetip retteu qajettigin ayttı. Osığan baylanıstı halıqtıñ özderi twratın öñirdegi ekologiyalıq ahual turalı aqparatqa erkin qolı jetuin qamtamasız etudiñ mañızdılığı atap ötildi.
– Qalaçi auılındağı qwbılıstıñ sebebi neden ekenin äli eşkim dwrıstap tüsindirgen joq. Qwzırlı organdar jağdaydı anıqtay almasa, qajetti sarapşıları joq bolsa, onda şeteldikterdi şaqırıp, bwl isti solarğa tapsıruı kerek edi, – dedi Memleket basşısı.
Qazaqstan Prezidenti ekologiyalıq qaterlerdi boljap, aldın aludıñ tiimdi tetikterin jasau tehnogendi jäne tabiği sipattağı tötenşe jağdaylardan bolatın şığındı meylinşe azaytuğa mümkindik beretinine nazar audardı.
Memleket basşısı Ükimet men jergilikti atqaruşı organdar Qazaqstandı ornıqtı damıtu jönindegi mindetterdi orındaumen qatar januarlar men ösimdik äleminiñ bioaluandığın saqtaudı qamtamasız etuge, sonıñ işinde birqatar oblıstardağı kiiktiñ jappay qırıluınıñ bastı sebepterin anıqtauğa mindetti ekenin ayttı.
– Ärqilı boljamdar men qarama-qayşı pikirler aytıluda. Ol degeniñ bwl bağıtta mülde jönsizdik orın alıp otırğanın, tiisti mamandardıñ joqtığın, osınday jağdayğa äkep soqtırğan jayttardı anıqtay almağandıqtı bildiredi, – dedi Elbası.
Nwrswltan Nazarbaev atap ötkendey, tabiğat qorğau salasındağı sayasat resurs ünemdeu, şaruaşılıq qızmetiniñ barlıq salasında qaldıqsız tehnologiyalardı engizu mäselelerin şeşu isine biznesti ıntalandırıp, keñinen tartuğa bağıttaluı tiis.
El halqınıñ densaulığı men joğarı sapalı, jaylı twrmısın qamtamasız etu Qazaqstan ğılımınan qorşağan orta ahualına strategiyalıq taldau jasauğa jäne kez kelgen teris qwbılıstıñ aldın aluğa mümkindik beretin serpindi zertteuler men äzirlemelerdi talap etedi.
Memleket basşısı qorşağan ortanıñ ahualın monitoringileu, ekologiya salasındağı qaterlerdi aldın ala anıqtau üşin Jerdi qaşıqtan zondtaytın, 2014 jılı iske qosılğan qazaqstandıq eki ğarış apparatın tiimdi paydalanudıñ mañızdılığına toqtaldı.
Sonımen qatar Elbası industriyalandıru, agrarlıq sektor men şağın jäne orta biznesti damıtu mindetterimen birge Qazaqstannıñ ekologiyalıq qauipsizdikti qamtamasız etu mäselelerine köñil bölui qajettigine nazar audardı.
Jerdiñ şöleyttenui men tozuı, keybir eldi mekenderdegi aua sapasınıñ naşarlığı, sudı tiimsiz paydalanu, önerkäsipterden ziyandı zattardıñ auağa tarauı men qoqıs tastaytın orındardıñ retsiz ornalasuı, twrmıstıq qaldıqtardıñ qordalanuı siyaqtı qaterler memleket pen biznes tarapınan naqtı şaralar qabıldaudı qajet etedi.
Energetika ministri V.Şkol'nik öz bayandamasında ekologiyalıq ahualğa, memlekettik organdardıñ osı saladağı, sonıñ işinde Qazaqstannıñ «jasıl ekonomikağa» ötu jönindegi twjırımdaması ayasındağı qızmetine şolu jasadı.
Talqılau qorıtındısı boyınşa Qazaqstan Prezidenti Ükimetke birqatar naqtı tapsırma berip, olardıñ orındaluın baqılaudı Qauipsizdik keñesiniñ Hatşılığına jüktedi.
Pikir qaldıru