Al bwl jolğı jañalıq… Şın mäninde, Däuit payğambardıñ şamdalınıñ jarığı tüskendey säule­li, jağımdı jañalıq. Endi osı jañalıqpen tanısalıq. 25 jastağı Ashat Mırzabaev Angliyada “Barclays” attı bankter jüyesinde jwmıs istep jürip, 2 million dollar tabıs tauıptı. Jaqında Ashat osı 2 million dollardı qa­terli isikti (rak) zertteytin halıq­aralıq ğılımi ortalıqqa audar­ğan. Bwl jöninde Ashattıñ özi ne dey­di? Qwlaq türelik:

– Onkologiyalıq auruhanalardı köbeytkennen eşteñe önbeydi, odan da qaterli isik qalay, qaydan, neden payda boladı, osı mäselege tereñ den qoyuımız kerek. Sol üşin men de özimniñ 2 million dollarımdı qaterli isikti zerttep jürgen ğılımi ortalıqqa audardım. Ğalımdarğa kömek bolsın dep… Meniñ bastı maqsatım – aqşa emes. Isker adamğa aqşa tabu qiın emes. Eñ bastı mäsele – sol aqşanı qayda jwmsay bilude. Meniñ öz oyımşa, aqşa tek paydalı, igilikti iske jwmsaluğa tiis. Adamzatqa paydası tietin tirlikke jwmsalmağan aqşa – aqşa emes…

25 jas. Ashattıñ da nağız qızıq quatın, qız quatın, qıdıratın (tüngi klub, yahta, türli seyil-seruen), qımbat avtokölikke minip, qımbat päterler jaldap, aqşanı oñdı-soldı şaşatın, osılayşa “ayhay, 25-ti” armansız ötkizetin kezi emes pe?! Joq, Ashat, Qazaqstandağı qızğa da, qızıqqa da, qızmetke de toymaytın, aqşağa da toymaytın, basqağa da toymaytın ağaları sekildi emes, basqa joldı tañdap otır. Imandı, igilikti, qa­yırlı joldı.

Bälkim, bwl bizdiñ tazara bastauımızdıñ bası şığar? Bälkim, bwl bizdiñ adamdıq bolmısımız­ğa, adamgerşilikke qayta oraluımızdıñ bir belgisi bolar? Ne desek te, qayırlı bolsın!

Ashat Mırzabaev öziniñ bloger Bota Jwmanovağa bergen swhbatında tağı da büy deydi:

– Qazaqstanda talanttı qazaq jigitteri (“hayperler”) az emes. Osılardıñ Europanıñ eñ üzdik kompaniyalarına jwmısqa ornalasuına qol wşımdı bersem deymin.

Qanday jaqsı niet! Nietiñe jet, Ashat!

zhasalash.kz