EKSKLYUZIV: Mänerlep sırğanauşı Elizabet Twrsınbaevanıñ biz bilmeytin qwpiyaları
kerey.kz
Jaqında qızılordalıq on bes jasar Elizabet Twrsınbaeva mänerlep sırğanaudan Kanadanıñ Barri qalasında ötken halıqaralıq Skate Canada Autumn Classic turnirinde eresekter arasında üzdik atansa, AQŞ-tağı «ISU GP 2015 Progressive Skate America» mänerlep sırğanau Gran-pri dodasında törtinşi orınğa taban tirep, qazaq eliniñ mereyin bir köterip tastağan bolatın.
Sporttıñ bwl asau türi anau-mınau sportşılarğa qwrıq saldıra bermeytinin eskersek, qazaqtıñ qarşaday qızınıñ körsetken jetistigi barşa Alaş jwrtınıñ maqtanışı ekeni anıq.
Bügin bolaşağınan zor ümit küttirip, jas ta bolsa, jasınday jarqırap kele jatqan Elizabet Twrsınbaevanıñ äkesi Baytaq Twrsınbaev QazAqparat HAA-de qonaqta bolıp, qızınıñ sport älemine qalay kelgeni turalı äñgimesimen bölisip, tilşilerimizdiñ swrağına jauap berdi.
- Mänerlep sırğanau sportı elimizde kenje damığan sport türleriniñ biri. Qızıñızğa bwl sport türin tañdauğa ne türtki boldı?
- Meniñ üş balam bar. Elizabet eñ kişisi. Kişkentay kezinde densaulığı naşar boldı. Öte köp auıra beretin. Aldında Arman, Timur degen eki ağası bar. Eñ äueli sporttıñ bwl türimen ekinşi ağası Timur aynalıstı. Biz ol kezde Reseyde twratınbız. Timur köptegen jarıstarğa qatısıp jülde alıp jürdi. Biraz biikterdi bağındırdı. Sosın, Elizabetti de ağasınıñ qasında jürsin, bir jağı sportpen aynalıssa, densaulığına paydası tier degen maqsatpen sporttıñ osı türine alıp bardıq.
- Ol kezde qızıñızdan bolaşaq çempion şığadı dep oyladıñız ba?
- Jasırarı joq, ol kezde onday oy bolğan joq. Sol kezdegi anası ekeumizdiñ bastı maqsatımız qızımızdıñ densaulığın uaqıtşa sportqa beru arqılı qalpına keltiru bolatın. Arı qaray sporttı jalğastıradı degen oyda bolğan joq.
- Sportqa neşe jasınan bastap bardı?
- Bes jasınan bastadı. Negizi tört jasta bolğanda ağasımen erip, mwz aydında alğaş sırğanap üyrene bastadı. Keyin, öziniñ de qızığuşılığı artıp, bos uaqıtı bolsa mwz aydınğa barıp jattığu jasaytın boldı. Sosın, biz arnayı jas jetkinşekterdi tärbieleytin üyirmelerge jazdırıp, tärbieşilerge tapsırdıq.
- Qay sport türi bolsın, balalardı qabıldağanda beyimine qaray, erekşelikterine qaray sınaqtan ötkizip, sosın barıp, taldap alıp jatadı. Al Elizabet bwl basqıştardan sürinbey ötti me?
- Iä, oñay eş närse joq. Qızımdı birinşi ağası jattığatın üyirmege alıp bardım. Olar qabıldamadı. Sosın, qızımdı eki-üş ayğa ayran-süt işip, kişkene quattanıp kelsin dep auılğa ata-äjeleriniñ qolına jiberdim. Kelgen soñ tağı bir üyirmege alıp bardım. Olar da alğaşında auıldan kelgen eşteñe bilmeytin bala dep almay qoydı. Sonda da qayta-qayta barıp jürip, üş ay boyı hat jazıp, kirgizdim. Olar «üş ay sınap köremiz, osı uaqıtta eş nätije bolmasa bizge renjimeysiz», – dedi. Birden kelistim. Üş ay ötti. Qızım wstazdarınıñ köñilinen şığıp, äri qaray qaldı. Tipti, sol üyirmedegi eñ üzdik balalardıñ biri atandı. Öz qwrbıları arasındağı Reseydiñ işki birinşilikterinde eşkimdi şaq keltirmey, biikterden körine bastadı.
- Al Qazaqstanğa qaşan keldiñizder? Qay jıldan beri qazaq eli atınan sınğa tüsip jür?
- Men özim Qızılorda oblısınıñ tumasımın. Belgili bir sebepterge baylanıstı 1992 jılı Mäskeuge köşip bardıq. Ülken wlım osı Qazaqstanda tudı. Al ekinşi wlım men Elizabet Reseyde düniege keldi. Sosın, 2013 jılı Qızılorda oblısınıñ äkimi Qırımbek Köşerbaevtıñ tikeley şaqıruımen ata-jwrtımızğa qayta köşip keldik. Osı jıldan bastap qızım qazaq eliniñ atınan sınğa tüse bastadı. Mine, qazir aynaldırğan eki jıl işinde öz eliniñ tuın jamılıp, namısın qorğap, biik belesterge qol jetkizip, elimizdiñ märtebesin köterip jatır.
- Reseyde bwl sport türi keñ auqımda damığanın, jattığuğa barlıq jağdaylar jasalğanın jaqsı bilemiz. Sonday ortadan şığıp, oblısqa kelgende Elizabettiñ jattığuına keri äseri bolğan joq pa?
- Onday bolğan joq, Qızılorda oblısınıñ äkimi Qırımbek Köşerbaevtıñ kömeginiñ arqasında qızım eşteñeden tarşılıq körip jatqan joq. Onıñ jattığuına, jarıstarğa baruına barınşa qoldau körsetip keledi. Sonday-aq, Qızılorda oblısınıñ «QazGermwnay» kompaniyası da ärkez bizge kömektesip keledi. Olarğa alğıstan basqa aytarım joq.
- Qızıñızdı qarjı tapşılığınan jarıstarğa apara almay qalğan keziñiz boldı ma?
- Joq, onday bolğan emes. Äyteuir şaqırğan jarıstardan qalıp körgen emes. Biraq, bwl qarjını köp talap etetin sport türi. Qızım äli kişkentay, bir jağı bwl sport türi oqıstan tayıp, qwlap qalatın bolsa, asa qauipti sport türine jatadı. Sol üşin şetelderde ötetin jarıstarğa jeke bapkerinen bölek ne men, ne anası erip baruına tura keledi. Onıñ barlığı köp qarjını talap etedi. Biraq, osı öz elimizdiñ, Qızılorda oblısınıñ qoldauımen bäri oydağıday bolıp jatır. Bolaşaqta qızımdı bwdan da biik belesterden köru üşin basqa da joldar qarastırıp, barımdı salıp jatırmın.
- Elizabettiñ Qazaqstanda qarsılastarı bar ma? Bar bolsa kimderdi atar ediñiz?
- Däl bügingi tañda eşkim joq. Birneşe ret Qazaqstan birinşiliginde qwrbıları men Elizabettiñ jarıstağı körsetkişi arasındağı bal 40-50 ball ayırmaşılığın körsetti. Bwl ülken alşaqtıq. Biraq, elimizde sporttıñ bwl türine degen qızığuşılıq öte jaqsı. Äli talay jastar jarqırap şığadı. Men oğan senemin.
- Sporttan basqa qanday erekşelikteri bar? Bos uaqıttarında nemen aynalısadı?
- Qazir müldem bos uaqıtı joq desem de boladı. Sporttıñ sırtında muzıkağa qızığadı. Ekinşi sınıptan bastap, muzıkalıq mektepke bardı. Segiz jıl mwz aydınğa barıp jürip muzıkalıq mektepti de bitirdi. Mwz aydında sırğanap jürip, skripka da oynay beredi. Al üyde qolı qalt ete qalsa boldı suret salğandı wnatadı. Suretti de keremet saladı. Sonday-aq, tamaq pisirgendi de öte jaqsı köredi. Keyde ol üyde bolıp, biz jwmıstan keş kelgende tamaqtıñ neşe türin dayındap qoyadı.
- Äñgime basında kişi wlıñız Timur da osı sport türimen aynalısqanı turalı ayttıñız. Ol keyin sportpen aynalıspay ketken siyaqtı…
- Iä, şetelge bir jarısqa barıp jürip, auır jaraqat alıp qaldı. Sodan keyin, qazir em qabıldap jür. Biraq, arasında jattığuın tastamaydı. Eger densaulığı qalpına kelip jatsa, mwz aydınğa qayta şığuğa dayın.
- Äñgimeñizge köp rahmet! Alla wl-qızıñızğa quat berip, qazaqtıñ kökbayrağın Olimpiada twğırında jelbiretuge näsip etsin…
- Äumin! Sizderdiñ wjımdarıñızğa da ülken şığarmaşılıq tabıstar tileymin…
Swhbattasqan Künswltan Otarbay
inform.kz
Pikir qaldıru