Sol jolğı soğısta äli han saylanbağan Abılay swltannıñ özi basqarğan eken. Qazaqtar alpamsaday Arqauıldı körip, qattı sasadı. Abılay da , basqalar da qalmaqtardıñ tüpki oyın tüsinip twr. Sonda Abılay qolbasşı özi atınan tüse qalıp, şap ayılın tartadı da:
- Men şığayın! – deydi. – Qabekeñdi qaytkende de jibermeu kerek.
- Sağan bolmaydı, – dep, bäri oğan qarsı boladı. Sonda Abılay:
- Endeşe, ağalar, atoy salayıq! – depti.
Atoy saluğa, ärine, bolatın edi. Biraq onıñ namısqa tietin jeri bar. «Qabanbay qorıqqan soñ, qazaqtar jabılıp şaptı», – deydi jau.
- Qabanbaydı jibermeu kerek, – dep, Bögenbay da mazalandı.
- Ajalına asığıp twr eken, özim-aq barayın, – deydi Qabanbay mwrtı tikireyip.
- Qabeke! Qoyıñız! – dep, oğan Abılay tağı jalınadı.
- Naurızbay şıqsın, Naurızbay! – degen jwrt arasınan söz şığadı. Öytkeni ol da Arqauılday asa iri bolğan.
- Qabanbay, şıq beri! – dep, Arqauıl qazaqşa ayqaylay bastaydı.
- Men şığayın. Wrıs wzaqqa ketedi. Qabekeñniñ şıdauı qiın boladı, – deydi Naurızbay torı ala atınıñ qwyısqanın qısqartıp, şap ayılı men tös ayılın qayta tartıp.

Biraq Qabanbay eşkimdi tıñdamaydı. Qoy qayıruğa ketip bara jatqan adamşa nayzasın köldeneñ wstap ortağa betteydi. Ekilenip şappaydı da, tekirektep jelmeydi de, jaybaraqat. Onı körip, Arqauıl twra şabadı. Menmen batırdıñ oñtaylap kele jatqan nayzasın Qabanbay qılışpen astınan qağıp jiberip qaq bölip tastaydı. Arqauıl qayta barıp, tağı bir nayza wstap qaytadı. Biraq bwl jolı ol da qınabınan qılışınan suıradı. Qazaqtıñ batır şalı nayzasın baqan qwrlı körmegininen ol da oy tüyse kerek. Alayda jas batır qılışınan sermep te ülgermeydi, Qabanbaydıñ nayzası iığınan tiip, atınan auıp qaladı.

Arqauıl atına qayta mine berem degende, Qabanbay onı nayzamen qayta sayıp tüsiredi. Endi ol Qabanbayğa jayau wmtıladı. Qabanbay qalqanmen qorğanıp qaladı. Arqauıldı öltireyin degen adamday emes, onımen oynap jürgendey, şegindire-şegindire qalmaq batırın atınan alıstatıp äketedi de, bir sät Qabekeñ taqımın qısıp qalğanda, asıtındağı Qubas at tikesinen tike sekirip Arqauıldıñ tap qasına jetip baradı. Köz ilespes jıldamdıqpen Qabanbaydıñ almas qılışı jarq etedi. Arqauıldıñ bası qaqqa bölinedi.