Ukrainanıñ Qazaqstandağı uaqıtşa senimdi ökili YUriy Lazebnik Astanada “Qırım Avtonomiyalıq Respublikasına jasalğan basqınşılıqtıñ eki jıldığı” mäselesi boyınşa baspasöz mäslihatın ötkizdi. Tilşilerdiñ swrağına jauap beru kezinde ol Ukraina Qırımdı qaytarıp aluğa belgili bir uaqıt kütu kerek degen pikirin ayttı, – dep habarlaydı Tengrinews.kz tilşisi.

Baspasöz mäslihatı kezinde BAQ ökilderi Lezebnikten Ukraina qazirgi jağdayda Qırımdı qaytarıp aladı degen oydıñ qanşalıqtı aqılğa qonımdı ekenin swradı.

Uaqıtşa senimdi ökil bwğan jauap retinde Europa parlamentiniñ biılğı 4 aqpandağı rezolyuciyasın mısal qılıp keltirdi. “Reseyden sankciyalardı tübegeyli alıp tastau – Qırımnıñ Ukraina baqılauına qaytarıluı. Bwl Europalıq odaqtıñ eki abıroylı organınıñ biriniñ wstanımı. Al keleşegi jaylı aytar bolsaq, Reseydegi qazirgi rejimde bwl jağdaydıñ mümkin emes ekeni belgili”, – dedi ol.

“Rejim auısuı kerek pe?”, – dep naqtılap swradı tilşiler.

“Ärine. Bwl meniñ ğana pikirim emes, bwl köpşiliktiñ jäne halıqaralıq sarapşılardıñ, onıñ işinde reseylik täuelsiz sarapşılardıñ pikiri. Adamdar, reseylikter “Krım naş” degen mastıqtan tolıqtay ayığuı üşin jäne saldarı jaylı män berip oylanuı üşin belgili bir uaqıt kerek. Ukrainağa ümit sıylaytın belgiler de payda boldı. Reseyde valyutalıq ipoteka ieleriniñ narazılıq qozğalısı qarqın alıp keledi, olar şerulerde “Qırımdı qaytarıp beriñizder!” dep wranday bastaptı. Bwl adamdar valyutalıq kreditterin bankterge qaytara almay otırğandıqtan ülken kedergige tirelip otır. Bwl problemalar sankciyanıñ kesirinen boldı”, – dep mälimdedi ol.

“Qırımdı jaulap alu” hronologiyasın eske sala otırıp, ol oqiğanıñ 2014 jıldıñ 20 aqpanında bolğanın ayttı. “Bwl küni reseylik qarulı küşter Reseydiñ özinen jäne Reseydiñ Qırımda Qara teñiz flotındağı bazalarında bolğan äskeri Qırım jartıaralına basıp kirdi”, – dedi YUriy Lazebnik.

Sonımen qatar, ol bwl hronologiyanı barlığınıñ da biletinin jäne bwl mäselede Ukraina men Reseydiñ qarama-qayşılıqtarı joq ekenin atap ötti.

“Soñıra kelgende reseylik basşılıq öz qarulı küşteriniñ qajetti qwral-jabdıqtar men arnayı formalardı äskeri dükennen satıp alğanın, eşqanday da qorğanıs jasaqtarınıñ bolmağanın moyındadı. 20 aqpanda basqınşılı bastaldı, 27 aqpanda reseylik arnayı jasaq Qırımnıñ joğarğı keñesiniñ ğimaratın basıp aldı. Reseylik arnayı jasaqtıñ baqılauında Qırımnıñ Joğarğı keñesiniñ deputatarı referendum ötkizuge dauıs berdi. OL 16 naurızda ötip, osı ärekettiñ qorıtındı retinde Resey Qırımdı öz qwramına qosıp aldı”, – dep qorıtındıladı Ukrainanıñ Qazaqstandağı uaqıtşa senimdi ökili YUriy Lazebnik.

tengrinews.kz