Qazaqstanda jiın-terin nauqanı ayaqtalıp keledi. Bwl – auıl eñbekkerleri, agroönerkäsip keşeni jäne bükil elimiz üşin azıq-tülik qauipsizdiginiñ deñgeyin ayqın körsetetin asa mañızdı oqiğa.

Biılğı nauqan nätijesin Täuelsizdiktiñ 25 jıldığına tamaşa tartu dep bağalauğa boladı. Öytkeni, bwl jolı jinalğan astıq mölşeri – osı kezeñdegi eñ iri jetistiktiñ biri.

Astıqtıñ jalpı kölemi 23 million tonnadan astı,  bwl – bıltırğıdan bir jarım esedey artıq körsetkiş.

Aqmola, Soltüstik Qazaqstan jäne Qostanay oblıstarınıñ diqandarı 5 million tonnadan astam astıq aldı. Qarağandı oblısında million tonnadan astam astıq jinalıp, bwrın-soñdı bolmağan körsetkişke qol jetkizildi.

Auıl şaruaşılığı salasındağı özge dändi daqıldar boyınşa da jiın-terin nauqanınıñ nätijeleri köñil quantıp otır. Qızılorda oblısında kürişten rekordtıq önim alındı. Almatı, Jambıl jäne Oñtüstik Qazaqstan oblıstarında kökönis pen bau-baqşa daqıldarınıñ önimdiligi edäuir arttı. Maylı daqıldar kölemi 1,2 ese wlğayıp, soñğı bes jıldağı eñ joğarı körsetkişke jetedi dep boljanuda.

Osınıñ barlığı meylinşe mol ter tögudi, wdayı qamqorlıqtı, zor qajırlılıqtı, bilim men täjiribeni talap etetin salanıñ biri – egin şaruaşılığınıñ tabıstı damıp kele jatqanın dausız däleldeydi. Bwl saladağı azamattardıñ bärin qwttıqtap, birden jemis bere qoymaytın jer tösindegi beynetti eñbekteri üşin zor alğıs bildiremin.

Ötken şirek ğasır işinde auıl şaruaşılığınıñ qalay örkendegenin, Qazaqstannıñ agrarlıq derjava retindegi öz jağdayın jaqsartıp qana qoymay, azıq-tülik narığındağı jaña belesterdi igerip kele jatqanın körip otırmız.

Osı jıldarda memleketimiz agroönerkäsip keşenine jüyeli türde qoldau körsetudiñ tiimdi mümkindigin taptı. Qazir ol strategiyalıq basımdıq retinde qarastırılıp otır.

Biz birlese küş jwmıldırıp, halqımızdıñ ösip-örkendeuine septigin tigizetin, tuğan ölkemizdiñ şınayı äleuetin körsetetin auıl şaruaşılığın jañğırtudamız.

Qazirgi zamanda joğarı tehnologiyalı quattı agroönerkäsip keşeni eldiñ äleumettik-ekonomikalıq damuınıñ ölşemi bolıp sanaladı.

Biz Qazaqstanda diqandardıñ adal eñbegi barınşa bağalanıp, auıl şaruaşılığı investiciyağa qolaylı, jaña jobalarğa, jastarımızdıñ küş-quatına öris aşatın perspektivalı salağa aynaluı üşin barlıq jağdaydı jasaymız.