Jeltoqsannıñ kezekti ızğarınan şoşığan bilik biıl atı-jöni belgili jeltoqsanşılarğa 60-70 mıñ teñgeden berip «qamqorlıq» körsetkendey boldı. Biraq äldebir işki «merez» jibir emes. Jeltoqsannıñ 30 jıldığına arnalğan resmi konferenciyanı ötkizuge kömektesetin bolıp uäde berip twrğan elordalıq äkimşilik te soñğı sätte jalt berdi. Osınıñ saldarınan «Qazaqstandağı Jeltoqsan (1986 j) köterilisiniñ tarihi jäne halıqaralıq mañızı» attı halıqaralıq ğılımi-praktikalıq konferenciya Astanadağı jeltoqsanşı jigitterdiñ janqiyarlıq äreketterimen äzer ötkizildi. Bwl jerde 1986 jılı wlt namısı üşin alañğa şığudan qorıqpağan Qwrmanğazı Aytmırzaevtıñ tağı bir azamattıq qaharmandıq jasağanın aytuğa tiistimiz. Özi otbasımen äzer otırğan bir bölmeli üyin satıp, aqşasın konferenciya ötetin bolıp kelisilgen «Radisson» qonaq üyine qwydı. Qazir bala-şağasımen jataqhanada… (Bälkim, «Kivi-ämiyan» siyaqtı birdeme wyımdastırıp, Qwrmanğazınıñ otbasına bir bölmeli bolsa da baspana alıp beruge kömektesermiz?!) Konferenciya halıqtıq tolqudı Jeltoqsan köterilisi dep tanıdı. Endi bwl köterilis resmi moyındaluğa tiis! Täuelsizdiktiñ tamırı – tarihta bolsa, twğırı –Jeltoqsan! Täuelsizdikti moyındap, Jeltoqsan köterilisin moyındamau – bwl tarihqa qiyanat, otarşıldıq piğılğa – qoldau, wltqa – opasızdıq. Jeltoqsannıñ otız jıldığı twsında jastıq şağın Otanımızdıñ keleşegi üşin qwrban etken barşa Jeltoqsanşılarğa ağa wrpaq atınan Alğıs aytıp, basımdı iemin! Rahmet, qaharman ini-qarındastarım! Sizder wlttıq ruhı qalğımağan keyingi jas wrpaq üşin önege bolıp, maqtan bolıp qala beresizder! Alla tağala barşañızğa wzaq ğwmır berip, baqıttı da, jaltaqsız Qazaqstandı köruge näsip etsin!!!

Marat Tokaşbaevtıñ facebook paraqşasınan alındı