|  |  | 

Жаһан жаңалықтары Шоу-бизнис

Қазақстанды туристер үшін біршама қауіпсіз елге жатқызады


Әлем елдерін аралап жүрген француз инженерлері Антонен Ги мен Ксавье Дегонның электромобилі киіз үйдің жанында тұр. Солтүстік Қазақстан облысы, 2012 жыл.

Әлем елдерін аралап жүрген француз инженерлері Антонен Ги мен Ксавье Дегонның электромобилі киіз үйдің жанында тұр. Солтүстік Қазақстан облысы, 2012 жыл.

Халықаралық басылымдар Астанада өткен Сирия жанжалын реттеу келіссөзінің жаңа кезеңі сәтсіз болғаны және туристер үшін қауіпсіз елдер тізіміне Қазақстан да енгені жайлы жазған.

СИРИЯ КЕЛІССӨЗІ СӘТСІЗ БОЛДЫ

Euronews жаңалықтар сайты “Сирияда “қауіпсіздік аймақтарын” құру келіссөзі сәтсіздікке ұшырады” деген мақаласында шілденің 6-сы күні Астанада өткен Сирия жөніндегі бейбіт келіссөздің бесінші кезеңінің нәтижесі жайлы жазған.

Азаттық бұған дейін хабарлағанындай, Астанадағы келіссөз кезеңі сәтсіз аяқталғаннан соң Сирия үкіметі делегациясын бастап келген Башар әл-Жаафари журналистерге “қауіпсіздік аймақтарына” қатысты келісімге Түркия қарсы болды деп айтқан. Сирия жанжалын реттеу келіссөзіне қатысқан Ресей президентінің арнайы өкілі Александр Лаврентьевтің мәлімдеуінше, Түркияның ресми тұлғалары қарулы көтерілісшілер мен Сирия президенті Башар әл-Асад әскерінің арасын бөліп тұратын аймақтарды құруға қатысу мәселесін үйлестіру үшін қосымша уақыт сұраған.

“Бұл сәтсіздік бүкіл әлем атсалысып жатқан Сириядағы азамат соғысын реттеу ісіне жоспар құрып, жетекшілік етуге ұмытылып отырған Мәскеу үшін кері кету болып саналады” деп жазады Euronews. Бұған қоса, тамыздың аяғында Астанада өткізу жоспарланып отырған кезекті кезеңге дейін ортақ ұстанымға қол жеткізу үшін Ресей, Түркия мен Иранның қатысуымен жұмыс тобы құрылғаны жайлы хабарланды.

Сирияның Ракка қаласында "Ислам мемлекеті" экстремистік тобына қарсы соғысып жүрген күрд жасағы. 3 шілде 2017 жыл.

Сирияның Ракка қаласында “Ислам мемлекеті” экстремистік тобына қарсы соғысып жүрген күрд жасағы. 3 шілде 2017 жыл.

“Ресей, Түркия және Иран Сирияда қауіпсіздік аймақтарын құру жөніндегі ортақ келісімге келе алмады” деген мақаласында Reuters агенттігі де Астана келіссөзінің сәтсіздікке ұшырауына қатысты комментарий берген. “Лаврентьев оңтүстіктегі қауіпсіздік аймағына қатысты жайттарды ол жақта орналасқан көтерілісшілерді қолдайтын АҚШ және Иорданиямен келісу керектігін айтты” деп жазады Reuters.

Бірақ шілденің 7-сінде Гамбургте АҚШ президенті Дональд Трамп пен Ресей президенті Владимир Путиннің арасында болған келіссөздерден кейін АҚШ, Ресей және Иордания шілденің 9-ынан бастап Сирияның оңтүстік-шығысындағы бітім және “деэскалация” жайлы тараптар ортақ келісімге келгені туралы жарияланды. “Үлкен жиырмалықтың” Гамбургтегі саммитінде мұны АҚШ мемлекеттік хатшысы Рекс Тиллерсон мен Ресей сыртқы істер министрі Сергей Лавров та растады, деп хабарлайды Reuters.

АСТАНАҒА МАДАҚ

Германия, Канада, Сингапур және Жапонияда тіркелген In Depth Newsхалықаралық жаңалықтар сайтында Қазақстан дипломатиясының 25 жылдығы құрметіне “Дипломатия Қазақстан астанасы – Астананы әлемге танытты” деген мақала шықты. Мақтау мақаласының авторы Рамеш Джаура жуырда Астанада өткен ШЫҰ саммиті, ЕХРО-2017 халықаралық көрмесінің ашылуы, Астана экономикалық форумы және Еуразия медиа-форумы тәрізді Қазақстанның сыртқы саясатының жетістіктерін тізіп шыққан. Бұған қоса, елдің ядролық қаруды таратпауға қосқан үлесін, түрлі жанжалдарды реттеу келіссөздері, мысалы Украинадағы ахуал бойынша Минск саммитінің екі кезеңі және Сирия бейбіт келіссөздерінің Астанада өткенін Қазақстанның жетістіктері қатарына жатқызған.

EXPO-2017 халықаралық көрмесі аумағындағы нысандар. Астана, 22 маусым 2017 жыл.

EXPO-2017 халықаралық көрмесі аумағындағы нысандар. Астана, 22 маусым 2017 жыл.

Қазақстан президенті Нұрсұлтан Назарбаевтың БҰҰ-ын реформалау, мысалы штаб-пәтерін Азияға көшіру жайлы ұсынысына қатысты да комментарий берген. “Президент Назарбаев Астана мен еуразиялық ел – Қазақстанды ресми түрде сан алуан мәдени мұрасы бар демократиялық, зайырлы, унитарлы әрі конституциялық республика деп санайтын сыңайлы” деп жазады In Depth News.

Өткен аптада Батыстың бірқатар белгілі басылымдарында осындай сарындағы мақалалар шыққан. Олар америкалық Foreign Policy журналының тілшісі Джеймс Палмер биылғы маусымның 15-і күні шығыны тым көп, ал бірақ жұмсалған “бес миллиард доллардың” нәтижесі мардымсыз ЕХРО-2017 көрмесін Қазақстанның қалай ұйымдастырғаны туралы сыни мақаласы жариялағаннан кейін жарыққа шыққан.

ҚАЗАҚСТАНДЫ ТУРИСТЕРГЕ ҚАУІПСІЗ ЕЛГЕ ЖАТҚЫЗДЫ

Ұлыбританияның Liverpool Echo басылымының сайты “Жаңа баяндамаға сәйкес, бұлар – баратындар үшін ең қауіпті елдер” деген мақаласында Швейцарияда орналасқан “Дүниежүзілік экономикалық форум” үкіметтік емес қорының жуырда жарияланған есебіне қатысты комментарий берген. “Саяхат пен туризмнің бәсекеге қабілеттілігі – 2017 баяндамасында” (The Travel & Tourism Competitiveness Report 2017) туристер үшін “қауіпті” елдердің рейтингі жарияланған.

Аягөз қаласындағы темір жол станциясы. Шығыс Қазақстан облысы, 3 тамыз 2014 жыл.

Аягөз қаласындағы темір жол станциясы. Шығыс Қазақстан облысы, 3 тамыз 2014 жыл.

Баяндамада 136 елді зорлық-зомбылық және терроризм қатері сияқты көрсеткіштер бойынша бағалаған, бірақ бұл тізімге Сирия, Ауғанстан және Ирак енбей қалған, себебі оған ертеден қалыптасқан дәстүр бойынша, әуелі экономикасы дамыған елдерді, сосын ғана дамушы елдерді қосады.

Қазақстан аталған рейтингте 5,5 ұпаймен 58-орында (мысалы, Франция 67-ші, Ұлыбритания – 78, ал АҚШ 84-ші орында) тұр.

Финляндия, БАӘ, Исландия, Оман және Гонконг ең қауіпсіз елдер ретінде аталған. Туристер үшін ең қауіпті елдер қатарына қазақстандықтар жиі баратын Түркия (116-орын), Таиланд (118-орын) және Египет (130-орын) тәрізді елдер енген.                                   Азат Еуропа / Азаттық радиосы

Related Articles

  • АҚШ НАТО-дағы одақтастарын Ресейге қысым жасауға шақырды

    “Батыс-2017″ әскери жаттығуы барысында ұшырылған Ресейдің “Искандер-М” зымыраны. Ленинград облысы, 18 қыркүйек 2017 жыл. АҚШ НАТО бойынша одақтастарына Ресейдің орта және қысқа қашықтықтағы зымырандарды жою туралы келісімді бұзып отыруы ықтимал екеніне дәлел ұсынған. Германиялық Der Spiegel басылымының жазуынша, АҚШ қорғаныс министрі Джеймс Мэттис НАТО-ның ядролық жоспарлау жөніндегі тобының жабық отырысында солтүстікатлантикалық одаққа мүше елдерден Мәскеуді келісімді сақтауға мәжбүр ететін іс-қимыл жоспар әзірлеуін сұраған. Бұл жоспар 2018 жылы жазда өтетін НАТО саммитіне дейін дайын болуы тиіс деп жазады басылым. Қажет болған жағдайда НАТО Ресейге қарсы санкциялар енгізуге дайын болуы тиіс деп мәлімдеген Мэттис. Пентагон басшысы “егер НАТО бойынша әріптестерімен ортақ келісімге келе алмаса, онда АҚШ жеке іс-әрекет етуге әзір болады” деп

  • Айтайын дегенім…

    Күршім ауданы жұртшылығы үшін бүгінде үлкен мерекеге  айналған  айтулы шара –өмірден ерте озған дарынды сазгер жерлесіміз Оралхан Көшеровтің творчествосына арналған, екі жылда бір өтіп келе жатқан «Оралхан көктемі» атты ән конкурсы. Бастабында аудандық деңгейде өткенімен, келе-келе ұйымдастырушылар  мен меценаттардың үлкен еңбектерінің арқасында  алдымен облыстық, соңынан республикалық масштабтағы ән байқауларының біріне айнала бастаған «Оралхан көктеміне» биыл «фестиваль» мәртебесі беріліп, өз еліміздің әншілерінен басқа, Қытай, Ресей, Моңғолия үміткерлері қызығушылық танытып отырған сыңайлы.Артына елу шақты ән қалдырған, бергенінен берері көп шағында бақилық болған Оралхан марқұмның  ән-ғұмыры осылай жалғасып келе жатқаны-оның тыңдармандары үшін көңілге медеу,қуаныш әкелсе, екінші жағынан талай әншінің бағын ашқан дүбірлі дода болғаны күршімдіктердің көңілінде орынды мақтаныш туғызады.Біздің көп ретте осындай игілікті іс қалай дүниеге келді, оның бастауына

  • “Астана” – “Вильярреал” 2:3

    Стоилов өзімен бірге қартайып бара жатқан командасына екі нәрсені әлі үйрете алмай келеді. Бірінші, доптан айырылмай қатарынан төрт мәрте пастасу (ең құрығанда алаңның өз жартысында). Екінші, командадағы еуропалық деңгейде ойнайтын екі шебер – Твумаси мен Кабанангаға дер кезінде доп асыру. Испанияның тәуір командасымен тартысты матч өткізді деп мақтауға, тоқмейілсіп отыра беруге болар еді. Бірақ алдағы трансфер маусымында қос мергенді Еуропа клубтары қағып әкеткесін не болмақ? Олардың да заманы өтіп барады, дұрысырақ алаңда доп тепкілері келеді. Ал қалған өкпесі өшкен, физикасы отырған, тек төрешімен тәжікелесуді қатыратын, дені Балқан түбегінен жиналған “астаналықтар” жасанды алаңдарында не нәтижеге қол жеткізбек? Ішкі чемпионатты күшейтпей тұрып, балалар мен жасөспірімдер футболына жағдай жасамай жатып, бюджеттің ақшасын шашып,

  • БҰҰ комитеті Семей өңірі бойынша қарарды мақұлдады

    Семей қаласы орналасқан Шығыс Қазақстан облысының картадағы орны (Көрнекі сурет). БҰҰ Бас ассамбелясының экономика және қаржылық мәселелер бойынша комитеті Семей өңірінің халқын сауықтыру, қоршаған ортасы мен экономикалық дамуын қалпына келтіру мақсатындағы іс-қимылдарды үйлестіру және халықаралық ынтымақтастық туралы қарар жобасына келісті. Қазақстан сыртқы істер министрлігінің мәлімдеуінше, құжат 23 мемлекеттің демеушілігімен және өзара уағдаластығымен мақұлданған. Министрлік ақпаратына қарағанда, қарарда Қазақстан үкіметінің Семей өңірін сауықтыру және дамытудағы рөлі атап өтіледі. Сонымен қатар құжат халықаралық қауымдастықты “Қазақстанның зардап шеккен тұрғындарды емдеу және оларға қызмет көрсетудің арнайы жобалары мен бағдарламаларын дайындап, іске асыруына және аймақты орнықты дамытып, экономикалық өсімге қол жеткізудегі жұмыстарына көмектесуге шақырады. Министрлік бұл қарарды БҰҰ Бас ассамблеясы Семей өңірі бойынша 1997 жылдан

  • АСПАННАН ТҮСКЕН МИЛЛИОНЕР

    Erlan Toleutai facebook парақшасынан “Сығанақ” қаласының ішінде “Қазақ елі” тарихи сериалының “Халық көтерілісі” сахнасын түсіріп жатқан едік. Дəл төбемізден “гүр” етіп, “Бидайықтың көл жайқаған жалғызындай” бір тікұшақ ұшып өте шықпасы бар ма! “Мынау қайтеді-ей”, – деп қойып, түсірілімді жалғастыра бердік. Сәлден соң, түскі асқа берілетін 40 минуттық үзілісті пайдаланатын əдетіммен Іле бойын жағалап кеттім. Жоғары өрлеп келе жатыр едім, бағанағы тікұшақтың өкпе тұсымнан шыға келгені. Тым төменде ұшып жүр, қамысқа қонайын деп жүрген кəдімгі инелік сияқты, үшкіл тұмсығымен су жағасындағы алып жартастарға сүйкене таяп барып “үңіледі” де, қайта серпіледі. Бір кезде шұғыл бұрылып, осының бəрін қызықтап қарап тұрған маған қарай төтелей салды. Əуелде өтіп кетер деп ойлаған ем, жоқ, тура

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: