|  |  | 

Руханият Саясат

Қош бол, Советтік атаулар!

Редакциядан: Күні бүгінге дейін Болат Бакауов басқаратын Павлодар облысына, ондағы тілдік мәселелерге, жер-су атауларына, әлеуметтік мәселелерге т.б. қатысты сыни сөз Abai.kz ақпараттық порталында аз жазылған жоқ. Біз жазсақ өткір һәм әділ сын жаздық. Біреуді нақақ қаралап, дерек бұрмалаған жоқпыз. Өзекті проблемаларға өз ойымызды қостық. Соның бірі – өңірдегі өгей атаулар еді. Ескі одақтың кезінде идеологиялық мәжбүрлеу арқылы енген сол бір саяси һәм бейсауат атаулардың күні бүгінге дейін сақталып келе жатқанын талай рет жаздық. 

Бүгін редакциямыздың электронды поштасына Павлодар облысы Тілдерді дамыту жөніндегі басқармасының ономастика жұмыстары бөлімі өңірдегі жер-су, елді-мекен мен көше, аудан атауларын қазақыландыру бойынша атқарылған жұмыстар туралы егжей-тегжейлі баяндап, мақала жолдапты. Сөйтсек, Кереку жұрты “Қош бол, советтік атаулар” депті. Нақтылап айтсақ, соңғы  екі-үші жылдың ішінде Ленин есімімен аталатын 30 көше, Советов атауымен аталатын 15 көше, Октябрь атындағы – 12, Целина атындағы – 17, Комсомольская атындағы – 12  көше ұлттық танымға қатысты атаулармен алмастырылған екен. Жалпы алғанда, Павлодар облысында соңғы 2-3 жыл ішінде 500-ден астам көшенің атауы, 26 елді мекен атауы мен 2 ауданның атауы өзгертіліп, 5 білім беру мекемесіне ұлы тұлғалардың есімі берілген. Көрдік, көзіміз сүйсінді. Бәрекелді, дестік. Осы туралы егжей-тегжейлі төмендегі мақаладан оқып, білерсіздер…


Ономастикалық атаулар өңірдің ерекшеліктерін көрсетіп тұратын рухани құндылықтарының негізі факторы екені баршаға аян. Сондықтан ертеректе қойылған қазақи көне атаулардан сол аймақтың табиғи, физико-географиялық өзгешелітері мен басқа да қырларын аңғармау әсте мүмкін емес. Оған  бабаларымыз атаған өзен-көлдер мен орман-тағайлардың, таулар мен қыраттардың,  жайлаулар мен қыстаулардың атаулары дәлел. Өкінішке орай физикалык-географиялық нысандардың атаулары сақталғанымен ономастиканың қоғам үшін маңызды бөлшегі боп табылатын елді мекендер мен құрамдас бөлік атауларының біршамасы түрлі тарихи оқиғалар кесірінен өзгеріске ұшыраған болатын. Атауларды жаппай өзгерту мәселесі әсіресе Кеңес Үкіметінің әмірі үстем болып тұрған кезеңде белең алып, ертеден бері келе жатқан атауларымыздың көпшілігі өзге тілдердегі атаулармен алмастырылса (ЕфремовкаДаниловкаОльгинка, Башмачный, Белоусов, ОльховТимирязев, Крупское, Октябрьское, Галицк, Благодатное, Петропавловка, Церковное, Сахновка), біршама атауларымыз тілдік нормасынан ауытқып, өзінің түпкі нұсқаларына ұқсамайтындай қалыпқа дейін өзгерген. Бұған аймағымыздағы Арбиген [Арбаиген], Урлютюб [Үрлітүп], Моялда [Мойылды] т.б. атаулар дәлел. Осындай этимологиялық ауытқуларға душар болған нысандардың мән-мағынасы жергілікті тұрғындарға да, өзге этнос өкілдеріне де беймілім күйде десек те болады.

Сондықтан еліміз егемен ел аталғаннан бері өңір-өңірлерде елді мекендерге тарихи атауларын қайтару, көшелер мен даңғылдарды ұлттық нақыштағы атаулармен қайта атау жұмыстары қолға алынды.  Себебі бұл біріншіден жас ұрпақтың отансүйгіштік сезімін арттырып, рухани дамуына ерекше әсер ететін дүние болса, екіншіден тіліміздің шұбарланбай таза қалыпында сақталуына  септігін тигізері сөзсіз. Осыған орай соңғы үш жыл ішінде ономастикалық атауларды өзгертуге жарияланған мораторий алынысымен Павлодар өңірінің азаматтары бірауыздық танытып, тарихи атаулардың қайтарылуына ден қойғандығы біршама жұмыстың басын қайыруға үлкен септігін тигізген еді. Көп жылдар бойғы көпшіліктің қалауын іске асыруға ең алдымен Қазақстан Республикасы Президенті Әкімшілігі Басшысының ел Тәуелсіздігінің 25 жылдығы қарсаңындағы тапсырмасы мен бүгінгі күні жүзеге асырылып жатқан идеологиялық тұрғыдан ескірген, қайталанатын атаулардытарихи жер-су атаулары және ұлттық танымға жақын дәстүрлі атаулармен өзгерту туралы ҚР Президентінің 2017 жылғы 28 ақпанда берген  № 17-388-5 тапсырмасы ықпал болды.

Осындай мемлекеттік маңызы бар тапсырмаларды негізге ала отырып, Павлодар облысы Қашыр (Качир) ауданына тарихи атауы болып табылатын Тереңкөл атауын, Лебяжі ауданына Аққулы атауын қайтару бойынша жұмыстарын тиімді аяқтап үлгерді. Оның біріншісі Качир ауданының атауын қайта атау мәселесі 2007 жылы 14 желтоқсанда облыстық мәслихаттың шешімімен (№50/3) Қазақстан Республикасының Үкіметіне жолданып, 2009 жылы Республикалық ономастика комиссиясында қолдау тапқан еді. Алайда түрлі себептермен жарияланған мораторийдің салдарынан құжат кері қайтарылған болатын. Кейін ономастика саласын қатысты заңнамалық актілерге өзгерістер мен толықтырулар енгізілгендіктен аталған мәселеге қатысты жұмысты қайта басынан бастауға тура келді.

Ауданның тарихи атауының шығу төркініне тоқталар болсақ ғылыми сараптамаларға сәйкес ертеректе Обь өзені Тереңкөл ауданының маңындағы Ұзынқамыс көліне дейін келіп, мына жақтан Ертіс ернеуінен асып екі өзен қосылған тұста үлкен көл пайда болып, оны халық Тереңкөл деп атап кеткен. Осыдан сол мекеннің, кейіннен болыстың да атаулары Тереңкөл болып аталған. Бұл мәліметті Қазақстан Республикасы Мәдениет және спорт министрлігінің Орталық мемлекеттік мұрағаты мен Шығыс Қазақстан облысы мәдениет, архивтер және құжаттама басқармасының «Қазіргі заман тарихын құжаттандыру орталығы» коммуналдық мемлекеттік мекемесі ұсынған анықтамалар растап отыр.

Осындай деректер мен мұрағаттық анықтамаларды негізге ала отырып, негативті семантикалық ассоциацияларды тудырып, құлаққа жағымсыз болып естілетін Қашыр атауы «Тереңкөл» тарихи атауымен алмастырылғанда жергілікті тұрғындардың қуанышында шек болмап еді. Оның үстіне Жарлық бойынша ауданның қазақша нұсқасымен қатар орысша нұсқасында да қазақ тіліндегі төл табиғаты сақталып, орыс тілінің -ский жұрнағынсыз  «Тереңкөл» болып ауыстырылғандығы қуантарлық жағдай.

Качир ауданымен бірге бұл Жарлыққа сәйкес Лебяжі ауданы да өзгертіліп, Аққулы атауымен аталды. Бұған қоса осы ауданға қарасты Лебяжі ауылдық округі мен Аққу ауылын Аққулы деп қайта атау бойынша облыс әкімдігі мен облыстық мәслихаттың шығарған бірлескен қаулы мен шешімнің әділет органында тіркелуі Елбасының аудан атауын өзгертуге қатысты шығарған Жарлығымен тұспа-тұс келгені Аққулы ауданы тұрғындарының қуанышын одан бетер арттыра түскені сөзсіз. Жалпы тіл білімінің теорияларына сәйкес –лы, -лі, -ты, -ті, -ды, -ді туынды сын есім формалары арқылы келген топонимдік атаулардың түбірлері сол аймақтың табиғат және дүниетанымымен тығыз байланысты сөздер болса, түбірге жалғанған -лы, -лі тәрізді сөз тудырушы жұрнақтар түбірде айтылған өсімдік және жануар түрлерінің әлдеқайда кең таралғанынан мол мағлұматтар беретін қосымшалар болып табылады. Осындай теориялық тұжырымдар негізінде Аққу ауылы да өзіне -лы жұрнағын қосып, Аққулы болып қайта аталған еді.

Бұдан өзге жергілікті тұрғындарының пікірі мен ұсыныстары негізінде Баянауыл ауданының Большевик ауылы «Шоманкөл», ЦЭС ауылы «Майкөбе», ТЭЦ ауылы «Үйтас», Павлодар ауданына қарасты Березовка ауылы «Үміт апа», Ақтоғай ауданының Ивановка ауылы «Жалаулы», Ақсу қаласына қарасты Парамоновка ауылы «Береке», Железин ауданының Березовка аулы «Ақтау» атауларымен қайта аталып, қазақша елді мекен атауларының саны арта түсті. Сонымен қатар ұлы тұлғаларымыздың мерейтойы қарсаңында Баянауыл ауданының Жаңажол елді мекені Мәшһүр Жүсіп ауылына, Теңдік ауылы Мұса Шорман ауылына, Қараащы ауылы Қаныш Сәтбаев ауылына қайта атау туралы мәселелер облыстық ономастика комиссиясының отырысында қаралып, оң қорытындыға ие болған еді.

Осы бағыттағы жұмыстар биыл да өз жалғасын тауып, 14 маусымда өткен облыстық ономастика комиссиясының отырысында Ақсу қаласы Мәмәйіт Омаров атындағы ауылдық округінің Путь Ильича ауылының атауы «Еңбек» ауылына, Май ауданына қарасты Қызыл-Октябрь ауылының атауы «Абай» ауылына, Красноармейка ауылы мен ауылдық округі атауы «Кемеңгер» атауына қайта атау туралы мәселелер бірауыздан қабылданды.

Бүгінгі таңда өңіріміздегі Баянауыл, Май аудандарының елді мекендері мен құрамдас бөлік  атаулары толықтай қазақшаға өзгертілді деп айтуға болады.

Жоғарыда аталған тапсырмалар негізінде ономастикалық атаулардың маңызды бөлігі болып табылатын көше атаулары да жаңартылып, ұлттық танымға жақын атаулармен қайта аталды. Бұл ретте әсіресе идеологиялық жағынан ескірген құрамдас бөліктердің атаулары жаңартылып, ұлттық танымға жақын атаулармен қайта аталғандығын айтуға болады. Солардың қатарында қазақ тарихындағы батыр, билермен қоса есімдері алты алашқа мәлім ғылым, өнер, мәдениет қайраткерлерінің де есімдері ұлықталған болатын. Бұлардың барлығы да халықпен жүргізілген насихат жұмысының арқасында іске асырылуда.

Соңғы 3 жыл бойы ономастика саласы бойынша республикалық, облыстық, қала-аудандық газеттерде түрлі мақалалар жарияланып, теледидарлар арқылы біршама сұхбаттар халық назарына ұсынылған еді. Осының нәтижесінде Павлодар қаласының Дерибас көшесі Кеңес Одағының Батыры Құдайберген Сұрағановтың, Суворов көшесі Малайсары батырдың, қаланың кіре берісіндегі Баян батырдың ескерткіші орналасқан көше Баян батырдың, Ленин көшесі Астана атауына, сондай-ақ облыс орталығындағы басты көше Нұрсұлтан Назарбаевтың есімімен қайта аталды. Әрине, елді мекендердің құрамдас бөліктерінен гөрі облыс орталықтарының көшелерін қайта атау мәселесі әлде қайда қиынырақ екені баршаңызға мәлім. Павлодар қаласындағы жоғарыдағы айтылған Ленин көшесі мен Кутузов көшесінің аталғанына біршама жыл болғандықтан, қайта атау жұмыстарын бастамас бұрын жергілікті тұрғындармен барынша түсіндіру жұмыстарын жүргізуге тура келді. Оның үстіне Павлодар облысы өзге ұлт өкілдері көп шоғырланған аймақ болғандықтан ономастика, тіл мәселесі еліміздің өзге өңірлерімен салыстырғанда біршама күрделірек екені белгілі. Жалпы қазіргі таңда Павлодар облысы бойынша тұрғындардың  шамамен 51,7 пайызы қазақ болса, облыс орталығы тұрғындарының 46,2 пайызы ғана жергілікті ұлт өкілі болып табылады. Сол себепті облыс орталығындағы көше атауларын өзгертуге қатысты қоғамдық жиналыстардың өтетіндігі жөнінде хабарландырулар  тек газет беттерінде ғана жарияланып қоймай, WhatsApp, Facebook, Инстаграм интернеттік желілер арқылы молынан таратылып, қазақ жастарының барынша көп қатысуын қамтамасыз ету, жиналыстың оң қорытындымен аяқталуына септігін тигізетініне көзіміз жетті. Нәтижесінде қоғамдық тыңдауда талқыланған көше атауын өзгертуге қатысты мәселелер ойдағыдай шешімін тауып келеді.

Дәл осындай жүйелі жұмыстар аймағымыздың өзге де қала мен аудандарында жүргізіліп, соңғы  екі-үші жылдың ішінде Ленин есімімен аталатын 30 көше, Советов атауымен аталатын 15 көше, Октябрь – 12, Целина – 17, Комсомольская – 12  көше ұлттық танымға қатысты атаулармен алмастырылды.  Жалпы алғанда   2015 жылдан бүгінгі күнге дейін  шамамен идеологиялық тұрғыда ескірген бірсыпыра көшенің атауы өзгертіліп, Абай Құнанбаев, Ыбырай Алтынсарин, Ахмет Байтұрсынов, Сұлтанмахмұт Торайғыров, Мәшһүр Жүсіп Көпеев, Қаныш Сәтбаев тәрізді ұлылар мен Жұмат Шанин, Кәукен Кенжетаев өнер тарландарының, Бауыржан Момышұлы, Әлия Молдағұлова, Мәншүк Мәметова, Құдайберген Сұрағанов, сынды Кеңес Одағы батырларының есімдері берілген болатын.

2 білім беру мекемесіне яғни Павлодар қаласының № 22 жалпы орта білім беру мектебі мен Ақсу қаласы Пограничный селолық округінің орта мектебіне Бауыржан Момышұлының, Баянауыл ауданы білім беру бөлімінің Бірлік жалпы орта білім беру мектебіне партизан Жылбек Ақәділов пен Баянауыл ауданы білім беру бөлімінің Ақсаң жалпы орта білім беру мектебіне Дүйсенбай Рахметовтің, Екібатұз қаласының өнер мектебіне Естай Беркімбаевтың  есімдері берілді.

Жалпы айтқанда жоғарыда тапсырмалар негізінде Павлодар облысында соңғы 2-3 жыл ішінде 500-ден астам көшенің атауы, 26 елді мекен атауы мен 2 ауданның атауы өзгертіліп, 5 білім беру мекемесіне ұлы тұлғалардың есімі берілді.

Десек те ономастика мәселесіне қатысты заңнамалық актілер мен ережелерден өзге Үкімет пен министрлік тарапынан келіп түскен тапсырмалардың әліде болса алып-қосар тұстары бар екені баршаға мәлім болып отыр.  Солардың бірі қазіргі уақытта қолданыстағы ҚР Үкіметінің жанындағы Республикалық ономастика комиссиясының  бекіткен 150 тұлға тізімі. Нақтырақ тоқталар болсақ аталған тізімге Павлодар облысынан тек 11 тұлға кіргізілген (Бұқар жырау, Мәшһүр Жүсіп,  Жаяу Мұса, Естай, Жүсіпбек Аймауытұлы, Жұмат Шанин, Сұлтанмахмұт Торайғыров, Қаныш Сәтпаев, Шәкен Айманов, Ермұхан Бекмаханов, Әлкей Марғұлан). Бұлардан өзге біздің өңірде «Тарихи тұлғалар» тізбесін толықтырар есімдер жетерлік.  Олардың қатарына ақынәнші-композитор Иса Байзақов, ақын, драматург Аманжол Шамкенов, жазушы Мұзафар Әлімбаев,  композитор, халық әншісі Майра Шамсутдинова, ақын, драматург Қалижан Бекхожин, жазушы Дихан Әбілов, ақын Сәбит Дөнентаев, қазақ археология ғылымының негізін қалаушылардың бірі Кемел Ақышев, ақын, жазушы Қамар Қасымов, драматург, әдебиеттанушы Қошмұхамбет Кемеңгеров, кинорежиссер, қазақ кино аудару өнерінің негізін қалаушылардың бірі Қуат Әбусейітов, әнші, Қазақстанның халық артисі Суат Әбусейітов т.б. сынды дарынды тұлғалар мен ерен қайсарлықтың үлгісін танытқан Көлебе батыр, Олжабай батыр, Баянның ағасы Сары батыр (Ерсары деген атпен таралған), Жасыбай батыр сынды батырларымыз  енбей қалған. Осы жайында өңіріміздің танымал ғалымы, облыстық ономастика комиссиясының белсенді мүшесі Бекен Сағындықұлы да «Жердің атауы – елімнің атауы» атты мақаласында аталған тізімнен сырт қалған жоғарыда аталған  тұлғалардың есімдерін тілге тиек ете келе, «Біздіңше бұлардың қай-қайсысы болмасын өңіріміздің қала-аудан көшелерін қайта атауға сұранып-ақ отыр» деп жазған болатын.

Әрине, бұл тізімде тек Ертіс-Баян өңірінің тұлғалары ғана емес, еліміздің барлық өңірінен де ауыз толтырып айтатын батырлар мен билер, өнер, ғылым майталмандары кірмей қалғандығы 2019 жылғы 21 маусымда Орал қаласында өткен «Тарихи атауларды қайтару – тарихи жаңғыру кепілі» тақырыбындағы өңірлік дөңгелек үстелде әр облыстан келген ономаст мамандар мен ғалымдардың сөздерінен байқалған еді.

Олай болса кезінде көнеден келе жатқан дәстүрмен қойылған тарихи атауларымызды қалпына келтіру мәселесіне енді бүгінгі күннің көзімен қарауымыз қажет. Өйткені төл тарихымыз бен мәдениетіміз арқылы қазақ өркениетінің көшін ілгерілете алсақ, келесі ұрпаққа жарқын жүзбен қарай аларымыз анық.

Батырбек Қайыр,

Павлодар облысы тілдерді дамыту жөніндегі

басқармасының ономастика жұмыстары бөлімі басшысы

Abai.kz

Related Articles

  • Биліктің коронавирус таралуына қарсы күрес стратегиясы тиімді болғанын көрсетті

    Karin Erlan Қазақстанда енгізілген төтенше жағдайдың екінші аптасы биліктің коронавирус таралуына қарсы күрес стратегиясы, жалпы тиімді болғанын көрсетеді. Оның ерекшелігі келесіде: Біріншісі. Жағдайды алдын алуға әрекет ету. Кейбір сарапшылар мемлекеттің қабылдаған шаралардың есебін наурыздың ортасынан бастап қате жүргізіп келеді. Ол кезде мектептер мен жоғарғы оқу орындарында сабақтар тоқтатылатыны және елде төтенше жағдай енгізілетіні жарияланған болатын. Шын мәнінде, алғашқы түбегейлі шаралар одан да ерте, қаңтарда, яғни, Дүниежүзiлiк денсаулық сақтау ұйымы COVID-19 жағдайын пандемия деп жарияламай тұрғанға дейін біраз уақыт бұрын қабылданды. Қаңтардың 26-сы Президент Қасым-Жомарт Тоқаев Үкіметке коронавирустың Қазақстан аумағына таралуына жол бермеу жөнінде нақты ұйымдастыру шараларын қабылдауды тапсырды. Сол күні Үкіметтің ведомствоаралық комиссиясы құрылып, келесідей шаралар қабылданды. Эпидемиологиялық ахуал нашарлаған

  • 24 жастағы өнерпаз «Алтын Орда» күйін шығарды

      Нұр – Сұлтан қаласы әкімдігінің мемлекеттік академиялық филармониясының “Қорқыт” этно-ансамблінің өнерпаздары жан-жақты өнерлерімен танылуда. Таяуда ғана Гиннестің Рекордтар кітабына енген өнерлі ансамбль қазақтың өнер қоржынын домбыраның күмбірімен үндескен тағы да бір туындымен толықтырмақ. Күй – тарихи сипатқа ие. Оның авторы мен орындауы да шығармашылық топ үшін айтарлықтай жаңалыққа айналары сөзсіз. Жиырма төрт жастағы домбырашы, әрі топтың концертмейстрі  Айбек Әрімбек Президентіміз Қасым-Жомарт Тоқаев Кемелұлының Алтын Орданың 750 жылдығын өткізу туралы халыққа жария еткенін естіген соң, соған арнап күй шығару туралы ой келгенін айтады. Домбырамен қатар шаңқобыз, сыбызғы аспаптарын да жақсы меңгерген күйшінің айтуынша алғашқы туынды бір жетінің ішінде туған. -”Күй өте жылдам темппен орындалады. Бұдан қазақ батырларының бейнесін көруге болады.

  • ҰҚК “Алматыда теракт ұйымдастырмақ болған” ДАИШ жақтаушысы қамалғанын хабарлады

    Ұлттық қауіпсіздік комитетінің ғимараты. Көрнекі сурет. Қазақстан ұлттық қауіпсіздік комитеті Алматыда “теракт ұйымдастырмақ болды” деп күдікке ілінген ДАИШ (“Қазақстанда тыйым салынған, өздерін “Ислам мемлекеті” деп атайтын экстремистік топтың араб тіліндегі атауының қысқартылған нұсқасы – ред.) жақтаушысының қамалғанын хабарлады. “Қамалған адам Наурыз мерекесін тойлау кезінде адамдар көп жиналатын орындарда теракт әзірлеуге тырысты деп күдікке ілінген. Тергеу амалдары кезінде одан екі граната тәркіленді. Оның үстінен “Терроризм” және “Экстремизм немесе терроризмді қаржыландыру” бабы бойынша қылмыстық іс қозғалған” делінген ҰҚК мәлімдемесінде. Хабарламада бұдан басқа дерек айтылмайды. Былтыр Алматы соты “қалада теракті ұйымдастырмақ болды” деп айыпталған Тәжікстанның жеті азаматын 12 мен 18 жыл аралығында бас бостандығынан айырған еді. Азат Еуропа / Азаттық радиосы

  • Шамырқану (немесе Самурайдың соңғы сөзі)

    https://youtu.be/0XIaWMUCthY Ақордаға ағызсам атқа мініп, Ханның басын қаршысам қақпа бұзып. «Ерсің деп» енді маған лап қойған Жағымпазды жіберсем жаққа періп. Сонда кірер шырайы тынысымның, Дос сезіп, дұшпан ұқпас мұның сырын. Қанша жыл бір ғазауат майдан күтіп Қанға шөлдеп тұрған-ай қылышымның. Атой салсам боратып дүркін-дүркін, Сонда ғана жайланар көңіл шіркін. Енді менің келмейді аз ғұмырда «Малдан боғым бөтен боп» өмір сүргім. Дұшпанның қызыл қанын ұрттап ішсем, Шаншылып тұрса сонда бұлтқа басым. Шіркін-ай… күрең қаным куәлік боп Жүзіне Жаратқанның тік қарасам… Ықылас Ожайұлы facebook парақшасынан алынды

  • «Алтын Ордаға-750 жыл». Бабалар мұрасын насихаттау балабақшадан басталу керек – Ұстаздар

      Батыр бабалардың мұрасын насихаттау балабақшадан басталу керек. Биыл Алтын Орданың құрылғанына -750 жыл. Күллі ел көлемінде еске алып жатқан тарихи оқиғаны кішкентай бүлдіршіндерге тәрбиешілер өзгеше әдіспен жеткізді деп хабарлайды kerey.kz ақпараттық порталының тілшісі. Алматы қаласы, Алатау ауданы КМҚК №37 бөбекжай – балабақшасында болған семинарға тек балалар ғана емес, қаланың өзге мекемелерінен де ұстаз-тәрбиешілер қатысты. «Алтын Ордаға -750» жыл атты семинарға ұзақ уақыт дайындалған балалар бір сәт өздерін бұрынғының жауынгері ретінде сезінді. Ел қорғауда ерлердің рөлінде ойнаған балалардың қылышпен шайқасуы көріністің көркін аша түсті. Хас батыр ретінде негізгі жаттығуларды жасап, денелерін шынықтырды. «Жекпе- жек», «Туыңды тік» ойындары ойнатылды. Көрініс соңында жеңістен сүйінші сұраған әжей Алтын Орданың төл теңгесін таратты. Бүлдіршіндерге

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: