|  |  | 

Жаңалықтар Шоу-бизнис

Өзбекстанның вице-премьері қазақстандық жастарды оқуға шақырды

 

Өзбек мемлекеті шетелдік студенттерге биыл 75 грант бөлген

Өзбекстан республикасының вице-премьері қазақстандық студенттерді өз елінде тегін білім алуға шақырды. Вице-премьер Азиз Абдухакимовтың сөзінше, өзге мемлекеттің жастары секілді қазақ студенттері де Орта Азиядағы заманауи жоғары оқу орны саналатын Самарқан қаласындағы университетте тегін білім ала алады. Университет өкілдерінің айтуынша, туризм саласы бойынша жоғары, жан-жақты кәсіби білім беретін жалғыз оқу орны тарихи қала Самарқанда ғана бар. Ашылғанына көп уақыт болмаған университет ағылшын тілінде білім береді және түлектер бірнеше елдің дипломын қатар алып шығады. Білім орталығының оқу корпусы жоғары санатты қонақ үйлер сияқты салынған. Ондағы мақсат, туризм саласын басқаратын мамандарға теориялық білім ғана емес, әлемдік сұранысқа сай көрсетілетін қызмет түрлерін үйрету.

«Мен Канада, АҚШ сынды туризм саласы дамыған әлемнің көптеген елерінде жұмыс істедім, әрі осы саланы зерттедім. Ол жақта құн қымбат болсада сапалы қызмет көрсетілгендіктен әлемнің қалталы азаматтары, туристер көп барады. Орта Азия елдерінде бұл сала кенжелеп қалған. Туризмнен мемлекетке пайда әкелу үшін ең алдымен жоғары қызмет түрі болу керек. Қонақ үй менеждменті, туристік фирмалар, мейрамахана бизнесін басқаратын кадрлар өте аз. Менеджерден бастап даяшы, аспазшыға дейін неғұрлым білімді, сыпайы, білікті болса қызмет сапасы да жақсарады. Алайда Орта Азия елдерінде бұл сала дамыған деп айта алмаймыз. Мысалы мейрамхананы басқаратын адам ең бергісі қасық, шанышқының қонақтың алдында қалай тұру керектігін, дайындалған асты қалай салып беру керектігін өз қызметкерлеріне үйрете білуі тиіс. Турист тұрақтаған бөлмедегі көрпе, өзгеде заттардың тұратын орнын теория жүзінде айтса ешкім мән бермейді, ал сол қымбат қонақ үйдің ішкі жабдығын университетте тәжірибе жүзінде көрсетсеңіз мамандар әлдеқайда тез бейімделеді. Сондықтан ғимарат әдеттегі аудитория емес, жоғары деңгейдегі делегацияны қабылдайтын мекеме тәріздес салынған», – деді «Жібек жолы» халықаралық туризм университетінің доценті Камол Мустаев.

Туризм саласы бойынша мамандарды дайындайтын ЖОО ашылған факультетер Орта Азия елдерінде өте көп болғанмен, олардың базасы қалыптаспаған, әрі оқытушылардың өздері әлемдік деңгейдегі туристік сұранысты түсінбейді деп санайды доцент. Соңғы үш жылда туризм саласына Өзбекстан көп көңіл бөліп келеді. Туристерді таңғалдыратын тарихи қалалардды, ондағы тарихи-мәдени орындарды насихаттаудың арқасында мемлекетке келушілер саны да көбейген. Соңғы үш жылда сырттан келетін туристер саны 3,5 есеге артқан. Тек биылғы жылдың алты айында Самарқан қаласына 1,2 млн турист тұрақтаған. Самарқанға саяхаттаушылар санының күр көбеюі заманауи кадр дайындайтын оқу орнының ашылуына түрткі болған.

«Универитетте бір мыңнан астам сутдент білім алады. Алғашқы түлектер келесі жылы диплом алады. Өзбекстанда туризм соңғы жылдары жақсы дамып келеді, келушілер саны көбейіп жатыр. Сәйкесінше қажетті мамандарға сұраныс артты. Биыл алғашқы магистранттарға диплом табыстадық. Таза ағылшын тілінде білім алған магистранттар Өзбекстанды шетелдіктерге өзге қырынан көрсете алады», – деді профессор Жолибой Елтазаров.

Өзбекстан Республикасының вице-премьері Азиз Абдухакимов туризм саласына жауапты тұлға. Әмір Темір салдырған Тұранның төсіндегі Түркістанға жиі сапарлайды. Мақсаты тарихы тамырлас, бұқарасы бауырлас қос елдің арасында туризм кластерін қалыптастыру. Түркістан-Шымкент-Ташкент-Самарқанд-Жиззақ-Бұхара бағытындағы темір жол жобасының жылдам жүзеге асуына ат салысып келеді. Қазақ хандығының астанасы Түркістан мен сұлтандар салтанат құрған Самарқан арасын жалғайтын жол ашылғанда туристік саланы жоғары деңгейде білетін жас мамандарға сұраныс тағы арта түседі.

«Университет Өзбекстанға ғана емес, Орта Азия елдеріне қажетті мамандарды дайындайтын жалғыз ЖОО орны. Университетте музей менеджменті, қонақ үй менеджменті сынды сұранысқа сай көптеген мамандықтар ашылып жатыр. Мен Қазақстандағы абитуриенттерді Самарқандағы біздің оқу орнында білім алуға шақырам. Құжаттарды онлайн түрде жіберіп, қажетті сынақтарды тапсыра алады. Қазақстандық жастарды осында оқуға шақырам. Қазақстандағы әріптестерімізбен ортақ үлкен ауқымды жобаларымыз бар. Ортақ жобаның бірі Өзбекстанға келген туристерді Қазақстанға да тарту немесе керісінше. Қазақстанда көшпенділердің өмірін көрсететін туризм қызметі көп, ал Самарқанға саяхаттаушылар отырықшылардың дәуірін көре алады. Түркістан арасын жалғау арқылы ауқымды туризм кластерін қалыптастыру. Осы бағытта біз Қазақстандағы туризм саласына жауапты әріптестерімізбен жиі кездесіп, жұмыстарды, жобаларды талқылаймыз. Тек соңғы екі айда үш үлкен кездесу өтті. Маңызды жұмыстың бірі – түркітілдес елдердің арасын жақындату, жалғау. Жуырда Қоқанда түркітілдес елдердің туризм саласына жауапты министрлері кездестік. Шетелдерден туристерді тарту бойынша өзара әріптестік орнатып жатырмыз. Түркістан қаласындағы оқу орындарымен де бірлесе жұмыс істеу жоспары құрылған. Мақсатымыз ол жердегі студенттер оқуын Самарқанда жалғастыра алады немесе осында бірнеше оқу курстарына қатыса алады. Біздің студенттер бірнеше семестрді Түркістанда өткізе алады. Бұл мемлекет аралық туризмді меңгеруге мүмкіндік береді. Қос елде білім алған мамандар үшінші мемлекеттен келген туристерге түрлі туристік өнімдерді ұсына алады», – деді Өзбекстан премьер-министрінің орынбасары, Туризм және спорт министрі Азиз Абдухакимов.

Мемлекеттік оқу орны Азия елдерінен келген студенттерді қабылдап үлгерген. Университет өкілдерінің сөзінше, жуырда оқу орнының жанынан без жұлдызды қонақ үй салынады. Бұл студенттердің туризм саласы бойынша басшылық баспалдағынан өтуге мүмкіндік береді. Ал сарапшы Мейіржан Әуелханның сөзінше, Қазақстанда туризм академиясы деп аталған оқу орындары болғанмен, сапалы мамандарды шығаратын оқу базасы қалыптаспаған. Студенттерге туристік салада басшылық жасайтын мамандарды дайындауға мүмкіндік бергеннің орына, ректорлары шетелде аң атып, қызық қууға құмар.

Related Articles

  • Соғысқа “Леопард” араласпақ. Немістің бұл танкісі несімен мықты?

    The Associated Press Reuters агенттігі Немістің “Леопард 2″ (Leopard 2) танкісі. Германия билігі Украинаға “Леопард 2″ (Leopard 2) танкісін беруге және басқа елдерге де бұл танкіні Украинаға жеткізуге рұқсат берді. Бұл танкіні Украина билігі Германиядан бұрыннан сұрап келген еді.Бірақ Берлин “Леопард” танкісін Киевке ұзақ уақыт бергісі келмеді. Украина қызыққан бұл танк қаншалықты мықты? Түсіндіреміз.  “ЛЕОПАРД 2″ ДЕГЕН ҚАНДАЙ ТАНК?  “Леопард 2″ танкісін Германияның Krauss-Maffei Wegmann компаниясы жасаған. Компания “Леопардты” ату қабілеті, қорғанысы, жылдамдығы, айласы жағынан “әлемдегі ең мықты танк” деп сипаттайды әрі кез келген жағдайдағы шайқасқа жарайды дейді. 55 тонна танкіге төрт адам сыяды, ең жоғарғы жылдамдығы – 68 км/сағат. Бұл танкінің алғашқы нұсқасы 1979 жылы жасалған. Содан бері Германия 3500-ден

  • Ратбай Мырзақұлов «Әлемдегі ең беделді ғалымдардың 2%» рейтингіне енді

    ENU профессоры, физика-математика ғылымдарының докторы Ратбай Мырзақұлов «Әлемдегі ең беделді ғалымдардың 2%» рейтингіне енді. Жыл сайынғы рейтингті Стэнфорд университетінің сарапшылары 2022 жылғы 3 қарашада жарияланған Elsevier ғылыми баспасының соңғы мәліметтеріне сәйкес құрастырған. Стэнфорд университетінің зерттеушілері библиометриялық зерттеу негізінде жыл сайын әлемдегі ең үздік ғалымдардың рейтингін жасайды. Зерттеу екі дерекқордан тұрады. Бірінші рейтингте өз мансабында жұмыстарына ең көп сілтеме жасалған ғалымдар көрсетілсе, ал екіншісінде соңғы жылда жұмыстарына ең көп сілтеме жасалған ғалымдар бар. ENU профессоры Ратбай Мырзақұлов 2021 жылы ең көп сілтеме жасалған автор және өз мансабында әлемде жұмыстарына ең көп сілтеме жасалған ғалым ретінде қос тізімге де кірді. «Жұмыстарға сілтеме жасау әріптестердің ғылыми жұмыс нәтижелеріне жоғары баға бергенін көрсетеді. Менің

  • Майонез, мұнай мен Мега

    Сауда бойынша 2022 жылдың қортындысы шықты. Қазақстан халқы былтыр 15,7 триллион теңгеге бөлшек сауда жасаған. Яғни, біз сатқан, сатып алған тауарлардың жалпы құны 15,7 триллион теңге болды. Бұл – 33,7 миллиард доллар. Сонда бір жыл бойы бүкіл қазақстандықтардың жасаған саудасы Италияда шоколад жасайтын миллиардер Джовани Феррероның байлығымен теңескен. 2022 жылғы бөлшек сауда көлемі 2021 жылға қарағанда 2,1%-ға көп. Бірақ, менің ойымша бұған физикалық көлем емес, инфляция көбірек әсер еткен сияқты. Жалпы сауданың ішінде азық-түлік үлесі 35,6% болса, азық-түлікке жатпайтын тауарлар 64,4%. Қазақстандағы бүкіл сауданың үштен бірін (32.3%) Алматы қаласы жасайды. Яғни, Алматы – елдегі ең үлкен базар қала. Алматының экономикасы былтыр 43 миллиард доллар болды. Бұл Өзбекстаннан 10 миллиард долларға

  • Ресейдің рекордты бюджет дефициті солтүстіктегі үлкен кризистен хабар береді

    По ком звонят колокола? Ресейдің рекордты бюджет дефициті солтүстіктегі үлкен кризистен хабар береді Бізге елдегі басы артық рубльден арылу жұмыстарын тездеткен жөн. Құнсыздаған Ресей валютасы банк баланстарына үлкен соққы бере алады. Ресей 2022 жылдың бюджеттік қортындысын шығарды. Бюджеттік дефицит 3,3 триллион рубльді құраған. Бұл 45 миллиард доллар. Біз үшін бүкіл бір Ұлттық қор десе де болады. Осы дефицитті жабу үшін Ресей өзінің әл-ауқат қорынан қаржы шығындамақ. Ресей әл-ауқат қорында 10,8 триллион рубль жатқан болатын. Оның 3,3 триллионы өткен жылғы дефицитті жабуға кетсе, қалатыны 7,5 триллион рубль. Ал биылғы дефициттері қандай болмақ? Ол үлкен сұрақ. Тіпті алдағы 2-3 жылда Ресей толық өз резервін құртып тастауы да ғажап емес. Екінші проблема –

  • БРИТАН АРАЛДАРЫНАН ЖАСАЛҒАН АЛҒАШҚЫ ҒАРЫШТЫҚ ҰШЫРЫЛЫМ СӘТСІЗ АЯҚТАЛДЫ

    2023 жылы 10 қаңтарда Алматы уақытымен таңғы төрт шамасында Ұлыбританиядағы Корнуолл космопортынан америкалық Virgin Orbit компаниясының “Cosmic Girl” деген атқа ие Boeing-747 ұшағы көтерілді. Сағат 05:11-де, 10,7 км биіктікте ұшақтың сол қанатының астына орнатылған LauncherOne зымыраны іске қосылды. Ол 500 км төмен жермаңы орбитаға 9 шағын жерсерікті шығаруы тиіс еді. Алайда 2-саты жұмысы барысындағы “аномалия” кесірінен зымыран орбитаға шыға алмады. Онымен бірге пайдалы жүктеме де Атлант мұхитына құлады. Virgin Orbit компаниясын құрған британ миллиардері Ричард Брэнсон өз меншігіндегі ескі жолаушы ұшағының бірін зымыран ұшыруға қайта жабдықтаған еді. “Cosmic Girl” бес рет Калифорния штатындағы Мохаве космопортынан көтеріліп, зымыран ұшырған. 2020 ж. 25 мамырдағы алғашқы әрекет сәтсіз болса, келесі төрт LauncherOne орбитаға

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: