Özbekstannıñ vice-prem'eri qazaqstandıq jastardı oquğa şaqırdı
kerey.kz
Özbek memleketi şeteldik studentterge biıl 75 grant bölgen
Özbekstan respublikasınıñ vice-prem'eri qazaqstandıq studentterdi öz elinde tegin bilim aluğa şaqırdı. Vice-prem'er Aziz Abduhakimovtıñ sözinşe, özge memlekettiñ jastarı sekildi qazaq studentteri de Orta Aziyadağı zamanaui joğarı oqu ornı sanalatın Samarqan qalasındağı universitette tegin bilim ala aladı. Universitet ökilderiniñ aytuınşa, turizm salası boyınşa joğarı, jan-jaqtı käsibi bilim beretin jalğız oqu ornı tarihi qala Samarqanda ğana bar. Aşılğanına köp uaqıt bolmağan universitet ağılşın tilinde bilim beredi jäne tülekter birneşe eldiñ diplomın qatar alıp şığadı. Bilim ortalığınıñ oqu korpusı joğarı sanattı qonaq üyler siyaqtı salınğan. Ondağı maqsat, turizm salasın basqaratın mamandarğa teoriyalıq bilim ğana emes, älemdik swranısqa say körsetiletin qızmet türlerin üyretu.
«Men Kanada, AQŞ sındı turizm salası damığan älemniñ köptegen elerinde jwmıs istedim, äri osı salanı zerttedim. Ol jaqta qwn qımbat bolsada sapalı qızmet körsetilgendikten älemniñ qaltalı azamattarı, turister köp baradı. Orta Aziya elderinde bwl sala kenjelep qalğan. Turizmnen memleketke payda äkelu üşin eñ aldımen joğarı qızmet türi bolu kerek. Qonaq üy menejdmenti, turistik firmalar, meyramahana biznesin basqaratın kadrlar öte az. Menedjerden bastap dayaşı, aspazşığa deyin neğwrlım bilimdi, sıpayı, bilikti bolsa qızmet sapası da jaqsaradı. Alayda Orta Aziya elderinde bwl sala damığan dep ayta almaymız. Mısalı meyramhananı basqaratın adam eñ bergisi qasıq, şanışqınıñ qonaqtıñ aldında qalay twru kerektigin, dayındalğan astı qalay salıp beru kerektigin öz qızmetkerlerine üyrete bilui tiis. Turist twraqtağan bölmedegi körpe, özgede zattardıñ twratın ornın teoriya jüzinde aytsa eşkim män bermeydi, al sol qımbat qonaq üydiñ işki jabdığın universitette täjiribe jüzinde körsetseñiz mamandar äldeqayda tez beyimdeledi. Sondıqtan ğimarat ädettegi auditoriya emes, joğarı deñgeydegi delegaciyanı qabıldaytın mekeme tärizdes salınğan», – dedi «Jibek jolı» halıqaralıq turizm universitetiniñ docenti Kamol Mustaev.
Turizm salası boyınşa mamandardı dayındaytın JOO aşılğan fakul'teter Orta Aziya elderinde öte köp bolğanmen, olardıñ bazası qalıptaspağan, äri oqıtuşılardıñ özderi älemdik deñgeydegi turistik swranıstı tüsinbeydi dep sanaydı docent. Soñğı üş jılda turizm salasına Özbekstan köp köñil bölip keledi. Turisterdi tañğaldıratın tarihi qalalarddı, ondağı tarihi-mädeni orındardı nasihattaudıñ arqasında memleketke keluşiler sanı da köbeygen. Soñğı üş jılda sırttan keletin turister sanı 3,5 esege artqan. Tek biılğı jıldıñ altı ayında Samarqan qalasına 1,2 mln turist twraqtağan. Samarqanğa sayahattauşılar sanınıñ kür köbeyui zamanaui kadr dayındaytın oqu ornınıñ aşıluına türtki bolğan.
«Univeritette bir mıñnan astam sutdent bilim aladı. Alğaşqı tülekter kelesi jılı diplom aladı. Özbekstanda turizm soñğı jıldarı jaqsı damıp keledi, keluşiler sanı köbeyip jatır. Säykesinşe qajetti mamandarğa swranıs arttı. Biıl alğaşqı magistranttarğa diplom tabıstadıq. Taza ağılşın tilinde bilim alğan magistranttar Özbekstandı şeteldikterge özge qırınan körsete aladı», – dedi professor Joliboy Eltazarov.
Özbekstan Respublikasınıñ vice-prem'eri Aziz Abduhakimov turizm salasına jauaptı twlğa. Ämir Temir saldırğan Twrannıñ tösindegi Türkistanğa jii saparlaydı. Maqsatı tarihı tamırlas, bwqarası bauırlas qos eldiñ arasında turizm klasterin qalıptastıru. Türkistan-Şımkent-Taşkent-Samarqand-Jizzaq-Bwhara bağıtındağı temir jol jobasınıñ jıldam jüzege asuına at salısıp keledi. Qazaq handığınıñ astanası Türkistan men swltandar saltanat qwrğan Samarqan arasın jalğaytın jol aşılğanda turistik salanı joğarı deñgeyde biletin jas mamandarğa swranıs tağı arta tüsedi.
«Universitet Özbekstanğa ğana emes, Orta Aziya elderine qajetti mamandardı dayındaytın jalğız JOO ornı. Universitette muzey menedjmenti, qonaq üy menedjmenti sındı swranısqa say köptegen mamandıqtar aşılıp jatır. Men Qazaqstandağı abiturientterdi Samarqandağı bizdiñ oqu ornında bilim aluğa şaqıram. Qwjattardı onlayn türde jiberip, qajetti sınaqtardı tapsıra aladı. Qazaqstandıq jastardı osında oquğa şaqıram. Qazaqstandağı äriptesterimizben ortaq ülken auqımdı jobalarımız bar. Ortaq jobanıñ biri Özbekstanğa kelgen turisterdi Qazaqstanğa da tartu nemese kerisinşe. Qazaqstanda köşpendilerdiñ ömirin körsetetin turizm qızmeti köp, al Samarqanğa sayahattauşılar otırıqşılardıñ däuirin köre aladı. Türkistan arasın jalğau arqılı auqımdı turizm klasterin qalıptastıru. Osı bağıtta biz Qazaqstandağı turizm salasına jauaptı äriptesterimizben jii kezdesip, jwmıstardı, jobalardı talqılaymız. Tek soñğı eki ayda üş ülken kezdesu ötti. Mañızdı jwmıstıñ biri – türkitildes elderdiñ arasın jaqındatu, jalğau. Juırda Qoqanda türkitildes elderdiñ turizm salasına jauaptı ministrleri kezdestik. Şetelderden turisterdi tartu boyınşa özara äriptestik ornatıp jatırmız. Türkistan qalasındağı oqu orındarımen de birlese jwmıs isteu josparı qwrılğan. Maqsatımız ol jerdegi studentter oquın Samarqanda jalğastıra aladı nemese osında birneşe oqu kurstarına qatısa aladı. Bizdiñ studentter birneşe semestrdi Türkistanda ötkize aladı. Bwl memleket aralıq turizmdi meñgeruge mümkindik beredi. Qos elde bilim alğan mamandar üşinşi memleketten kelgen turisterge türli turistik önimderdi wsına aladı», – dedi Özbekstan prem'er-ministriniñ orınbasarı, Turizm jäne sport ministri Aziz Abduhakimov.
Memlekettik oqu ornı Aziya elderinen kelgen studentterdi qabıldap ülgergen. Universitet ökilderiniñ sözinşe, juırda oqu ornınıñ janınan bez jwldızdı qonaq üy salınadı. Bwl studentterdiñ turizm salası boyınşa basşılıq baspaldağınan ötuge mümkindik beredi. Al sarapşı Meyirjan Äuelhannıñ sözinşe, Qazaqstanda turizm akademiyası dep atalğan oqu orındarı bolğanmen, sapalı mamandardı şığaratın oqu bazası qalıptaspağan. Studentterge turistik salada basşılıq jasaytın mamandardı dayındauğa mümkindik bergenniñ orına, rektorları şetelde añ atıp, qızıq quuğa qwmar.
Pikir qaldıru