|  |  | 

Саясат Шоу-бизнис

Қанат Сұлтанбеков: LRT-ның жоғалған ақшасын Жақсыбеков пен Әлиевтен сұрау керек

Қанат Сұлтанбеков: LRT-ның жоғалған ақшасын Жақсыбеков пен Әлиевтен сұрау керек
Фото: nege.kz

ҰҚК-нің бұрынғы төрағасы Кәрім Мәсімов ұсталғалы бері LRT ісімен күдікке ілінген Қанат Сұлтанбековтің дауысы мұхиттың арғы жағынан оқтын-оқтын естіліп жатыр. Ол бүгін тағы ақталып, LRT ісі туралы пост жазды. Байқауымызша, «Пандора жәшігінің» қақпағы ашыла бастаған сыңайлы…

Nege.kz оқырмандары керегін алар деген оймен Сұлтанбековке де мінбер ұсындық.

Сонымен, Сұлтанбеков былай дейді: «Мен ешқандай да ұйымдасқан қылмыстық топ құрғам жоқ, LRT мен BRT құрылысы бойынша ешқандай да ақша ұрлаған емеспін. Мен оның бір тиынын да алмадым. Қысқаша баяндайын.

2009 жылдың қазаны мен 2014 жылдың желтоқсаны арасында Астана қаласы әкімінің орынбасары болдым.

2016 жылы (мен әкімдіктен кеткен соң 2 жылдан кейін) әкімдік ЛРТ ақшасын (257 млн доллар) Астана Банкіне аударды, ақша сол күйі жоқ болды. Құрылыс сол себепті тоқтап, «жемқорлық ескерткіші» пайда болды.

Астана ЛРТ.

Енді рет-ретімен баяндайын.

2012 жыл. Үкімет пен Тұңғыш президент Alstom (Франция) компаниясымен бірігіп, LRT салу туралы шешім қабылдады. Alstom жер бетімен жүретін трамвайды (еуропа елдеріндегідей) ұсынды. Сол жылы Тасмағамбетов оны өзгертіп, трамвайды эстакадаға көтеруді (Дубайдағыдай) тапсырды.

Мұның имидждік жоба екенін, шағын қалада жолаушылар аз болғандықтан жуық арада өзін-өзі ақтамайтынын бәрі түсінді.

2013 жыл. Тұңғыш президент жобаны тоқтатты, ал әкім Тасмағамбетов жобаның құнын арзандату үшін ел басшылығын LRT-ны BRT-ға – эстакада трамвайларын автобус жолағына ауыстыруға көндірді.

2014 жыл. Үкімет пен Тұңғыш президент BRT жобасын мақұлдады және құрылысты бастауға пәрмен берді. Батыс мамандарымен кеңесті, жоба жасады, құрылысты бастауға келісім шарт жасалды.

2014 жылдың күзі. Тасмағамбетовті Қорғаныс министрлігіне ауыстырып, орнына Жақсыбековті тағайындады.

И.Тасмағамбетов.

Сол жылы Астананың әкімі Жақсыбеков мені өзінің ұлы Дәуренге жіберді. Ол барлық транспорттық жобалардан «откат» сұраған болатын. Мен одан бас тарттым да, жұмыстан кетуіме тура келді. Айтылған әңгіменің әрбірін жіліктеп, Дәуреннің бұл жобалардың тізімін қалай асқан қызығушылықпен зерттегенін айта отырып, бұл туралы көп нәрсе жазуға болады.

2014 жылдың желтоқсаны. Мен әкімдіктен кеттім де, менің орныма Нұрәлі Әлиев келді. Жақсыбеков ел басшылығын LRT жобасына қайта оралып, қытай технологиясымен салуға көндірді. Қазіргі «салынғаны», анығында тоқтап тұрғаны – Жақсыбеков пен Әлиев тықпалаған жоба.

Сол жылы Мәсімовтің Қытайға сапары барысында LRT-ны қытай компаниялары салады деген шартпен халықаралық займ тартылды.

2016 жыл. Қытайдың LRT салуға деп бөлген 257 млн доллары Астана Банкіне аударылды да, түсініксіз себеппен банк банкрот боп қалды. Ал құрылыс тоқтады.

Бұл ақшаның қайда кеткенін банк есепшоты арқылы анықтауға болады, бірақ тергеу мұны істемей отыр.

Президент Тоқаев 2019 жылы (Deutsche Welle) Қытайда LRT жобасы бойынша кінәлілер сотталғанын айтты. Ендеше LRT-ның қытайлық вариантына 2 жыл бұрын жұмыстан кетіп қалған менің қандай қатысым бар?

К.Мәсімов.

Бұл іс бойынша мені және басқа да адамдарды айыпты етіп шығарып, «Астана ЛРТ қылмыстық ісі» деп аталатып үлкен өтіріктің фигурантына айналдырды. Біз BRT  бойынша жұмыс істесек те, жобалар бойынша негізгі шешімдерді қабылдаған Астана әкімі, вице-министрлер, министрлер, Премьер-министр және Президент әкімшілігі сияқты тізбекте кішкентай адам болсақ та, қолдан айыпты етіп шығарды.

Жемқорлыққа қарсы қызмет мені ЛРТ-ға бөлінген ақшаны жымқыруды ұйымдастырды деп айыптады.

Айыптаудың бар негізі етіп 2014 жылы 5 наурызда қол қойылған жобаның техникалық-экономикалық шығындарының сметалық жиынтығы құжатын алған. Бұл жоба «Астана қаласының транспорттық жаңа жүйесі» деп аталады. Бұл BRT, ITS құрылысының бастапқы кезеңі болатын.

Ол кезде Үкімет әкімдікке қысым жасап, келісімге тездетіп қол қоюды талап етті. Тиісінше, Тасмағамбетов маған талап қойды, ал мен басқа мамандардан Үкімет тапсырмасын тездетіп орындауды талап еттім. Тергеу бұдан менің қылмысымды көріп отыр-мыс.

Осындай жағдайдан кейін мен және басқа да мамандар Тасмағамбетовпен келісе отырып, жобаға қол қойдық. Тергеу аралық құжатқа қол қойғандардың бәрінің қылмысын дәлелдедік деп мәлімдеді.

Әр нәрсені өз атымен атасақ, BRT жобасы бойынша ғана айыптауда, ал LRT жобасы бойынша ешкімді тергеген жоқ, тергеу жүргізілмеді, 257 млн долларды ешкім іздеп жатқан жоқ. Әкімдер мен Үкімет мүшелерінің ешбірі тергелмеді. Негізгі шешімді қабылдаған солар болатын».

Сұлтанбеков Манхэттеннің туристерден тыныштау көшесінде кофе ішіп отырып, осылай деп жазыпты. Бұған Әділбек Жақсыбеков, Нұрәлі Әлиев және Иманғали Тасмағамбетов не деп жауап берер екен?

nege.kz ақпараттық-сараптамалық порталы

Related Articles

  • Самат Әбіш қалай “сүттен ақ, судан таза” болып шықты?

    Азаттық радиосы Саясаттанушы Досым Сәтпаев ҰҚК төрағасының бұрынғы бірінші орынбасары, экс-президент Нұрсұлтан Назарбаевтың немере інісі Самат Әбішке шыққан үкім “Қазақстандағы режим болашақты ойламайтынын көрсетті” дейді қазақстандық саясаттанушы Досым Сәтпаев. Сарапшының пайымдауынша, билеуші “элита” жеке істерімен және тасадағыкелісімдермен әуре болып жатқанда елде тағы бір жаңа әлеуметтік жарылысқа әкелуі мүмкін факторлар күшейіп келеді. СаясаттанушыРесей өзінің экономикалық мүдделері мен геосаяси жоспарларын кеңінен жүзеге асыру үшін Қазақстанның ішкі саясатына тікелей әсер етуге тырысып жатуы мүмкін деп те топшылайды. ПУТИН “ҚАУІПСІЗДІК КЕПІЛІ” МЕ? Азаттық: Сонымен ұзақ демалыс алдында осындай үлкен жаңалық жарияланды. Мейрам алдында, 19 наурызда қазақстандықтар мәжіліс депутатының постынан Самат Әбішке шыққан үкім жайлы білді. Мұның бәрінің байланысы бар ма әлде кездейсоқтық па? Досым Сәтпаев: Әңгімені бұл істің құпия

  • “Геосаясат илеуіне түсіп қалуымыз мүмкін”. Қазақстанда АЭС салуға қатысты сарапшы пікірі

    Елена ВЕБЕР Атом электр стансасын салу және пайдалану экологиялық қатер және төтенше жағдайда адам денсаулығына қауіпті ғана емес, оған қоса соғыс барысында Украинаның Запорожье АЭС-індегі болған оқиға сияқты бопсалау құралы дейді әлеуметтік-экологиялық қордың басшысы Қайша Атаханова. Ол мұның артында көптеген проблема тұрғанын, қазақстандықтарға АЭС салу жөніндегі референдум қарсаңында біржақты ақпарат беріліп, онда тек пайдалы жағы сөз болып жатқанын айтады. Сарапшы АЭС-тің қаупі мен салдары қандай болатыны жайында ақпарат өте аз деп есептейді. Голдман атындағы халықаралық экологиялық сыйлықтың лауреаты, биолог Қайша Атаханова – радиацияның адамдарға және қоршаған ортаға әсерін ширек ғасырдан астам зерттеп жүр. Ол бұрынғы Семей полигонында және оған іргелес жатқан аудандарда зерттеу жүргізген. Қарағанды университетінің генетика кафедрасында оқытушы болған.

  • “Қазақстан дұрыс бағытта”. Деколонизация, Украинадағы соғыс және Қаңтар. Балтық елшілерімен сұхбат

    Дархан ӨМІРБЕК Балтық мемлекеттерінің Қазақстандағы елшілері (солдан оңға қарай): Ирина Мангуле (Латвия), Эгидиюс Навикас (Литва ) және Тоомас Тирс. Совет одағы ыдырай бастағанда оның құрамынан бірінші болып Балтық елдері шыққан еді. Өзара ерекшеліктері бар болғанымен, сыртқы саясатта бірлігі мықты Латвия, Литва және Эстония мемлекеттері НАТО-ға да, Еуроодаққа да мүше болып, қазір көптеген өлшем бойынша әлемнің ең дамыған елдерінің қатарында тұр. Ресей Украинаға басып кіргенде Киевті бар күшімен қолдап, табандылық танытқан да осы үш ел. Соғыс басталғанына екі жыл толар қарсаңда Азаттық Балтық елдерінің Қазақстандағы елшілерімен сөйлесіп, екіжақты сауда, ортақ тарих, Ресей саясаты және адам құқығы тақырыбын талқылады. Сұхбат 8 ақпан күні алынды. “БІЗДЕ ҚАЗАҚСТАНДЫ ДҰРЫС БІЛМЕЙДІ” Азаттық: Сұхбатымызды Балтық елдері мен Қазақстан арасындағы сауда қатынасы

  • Бақсылар институты

    Сараптама (оқысаңыз өкінбейсіз) Бірінші, ілкіде Түркі баласында арнайы қаған құзіреті үшін жұмыс істейтін көріпкел бақсылар институты болған. Аты бақсы болғанымен ханның қырық кісілік ақылшысы еді. Көріпкел бақсылар хан кеңесі кезінде алдағы қандайда бір саяси оқиға мен ситуацияны күні бұртын болжап, дөп басып талдап һәм сараптап бере алатын соны қабілеттің иесі-тін. Оларды саяси көріпкелдер деп атаса да болады. Хан екінші бір елді жеңу үшін білек күшінен бөлек көріпкел бақсылардың стратегиялық болжауына да жүгінетін. Қарсылас елдің көріпкел бақсылары да оңай емес әрине. Екінші, уақыт өте келе саяси көріпкел бақсылар түркілік болмыстағы стратегиялық мектеп қалыптастырды. Түркі бақсылары қытай, үнді, парсы, ұрым елдерін жаулап алуда маңызды рөл атқарды. Ол кездегі жаһандық жауласулар жер, су,

  • Алматыда зілзала болса, ең алдымен қандай үйлер қирауы мүмкін? Сәулетші Айдар Ерғалимен сұхбат

    Пётр ТРОЦЕНКО Алматының жоғарғы жағындағы көпқабатты ғимараттар. 18 шілде, 2022 жыл Қазақстандық сәулетші Айдар Ерғали егер күшті жер сілкінісі болса, сейсмикалық қауіпті аймақта орналасқан Алматы қаласы қандай қиындықпен бетпе-бет келетінін, совет кезінде салынған үйлер қазіргі заманғы көпқабатты ғимараттармен салыстырғанда жер сілкінісіне төтеп беруге неліктен әлсіз екенін айтты. 23 қаңтар күні Алматыда жер әдеттегіден қаттырақ сілкініп, елді дүрліктірді. Бұл оқиға кең ауқымдағы табиғи апатқа қала билігі мен тұрғындар қаншалықты дайын деген әңгімені қайта қоздырды. Жұрт әсіресе төтенше жағдайлар жөніндегі департаменттің ерте хабарлау жүйесі дұрыс жұмыс істемегенін, СМС-хабарламалар дер кезінде түспегенін де сынға алды. Жер бірінші рет сілкінген сәтте Алматы тұрғындары жапа-тармағай үйден сыртқа қарай жүгірді, кейбірі тіпті сырт киімін де кимеген

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: