ۇلتتىق قۇرامانىڭ فان-كلۋبىنا مۇشە بول جانە چەحيا-قازاقستان ماتچىنا جولداما ۇتىپ ال!
قازاقستان فۋتبول فەدەراتسياسى «سامۇرىق-قازىنا» ۇلتتىق ءال-اۋقات قورىنىڭ قولداۋىمەن قازاقستاندىق جانكۇيەرلەرگە ارنالعان تەڭدەسسىز اكتسيانىڭ باستالعانىن جاريالايدى.
قازاقستان ۇلتتىق قۇراماسىنىڭ بەلسەندى جانكۇيەرىسىڭ بە؟ ۇلتتىق قۇرامانىڭ ەلىمىزدە وتەتىن ماتچتارىن ۇنەمى تاماشالاپ، سىرت الاڭدا وتكىزەتىن ويىنىندا قولداۋ بىلدىرگىڭ كەلە مە؟ قازاقستان فۋتبول فەدەراتسياسى سەن ءۇشىن بۇل مۇمكىندىكتى ۇسىنادى!
2015 جىلدىڭ 3 قىركۇيەگىندە چەحيا استاناسى پراگادا وتەتىن ەۋرو-2016 ىرىكتەۋ ءتۋرنيرى اياسىنداعى چەحيا -قازاقستان ماتچىنا جولداما ويناتىلادى!
كەز كەلگەن جانكۇيەر جولدامانىڭ يەگەرى اتانا الادى! ۇتىس ويىنىنا قاتىسۋ ءۇشىن قازاقستان فۋتبول فەدەراتسياسى سايتىندا قازاقستان ۇلتتىق قۇراماسىنىڭ فان-كلۋبىنا تىركەلۋ قاجەت. وسى سىلتەمە ارقىلى تىركەلە الاسىز!
نازار اۋدارىڭىز! ۇتىس ويىنىنا فان-كلۋبقا تىركەلگەن جانكۇيەرلەر عانا قاتىسا الادى. جەڭىمپاز راندوم ءادىسى (كەزدەيسوق تاڭداۋ) ارقىلى انىقتالادى. اكتسيا 2015 جىلدىڭ 3 تامىزىنا دەيىن سوزىلادى. فان-كلۋبقا مۇشە بول، دوستارىڭدى شاقىر جانە ۇلتتىق قۇرامامەن بىرگە جەڭىسكە جەت!
*اۋە بيلەتى، قوناقۇي شىعىنى مەن ماتچ بيلەتىن ءبىز تولەيمىز، ال سىزگە قويىلاتىن تالاپ – جاقسى كوڭىل-كۇي مەن چەحيامەن وتەتىن ويىندا قازاقستان ۇلتتىق قۇراماسىنا ەرەكشە قولداۋ كورسەتۋ.
ءسىزدىڭ قولداۋىڭىز قازاقستان ۇلتتىق قۇراماسى ءۇشىن ارقاشان ماڭىزى زور. جانكۇيەرلەر – 12-ءشى ويىنشى. ۇلتتىق قۇراما ءۇشىن ەشقاشان وڭاي ويىن بولعان جوق. وڭ ناتيجەلەر مەن وكىنىشتى جەڭىلىستەر دە بولدى. بىراق، ناتيجەگە قاراماستان قازاقستان ۇلتتىق قۇراماسىنا ارقاشان قولداۋ بىلدىرەسىز! جانكۇيەرلەردىڭ قولداۋى مەن تولىق ستاديون فۋتبولشىلارعا قوسىمشا كۇش بەرىپ، ىنتالاندىرا تۇسەدى. تەك بىرگە تابىسقا جەتەمىز. ءبىزدىڭ كۇشىمىز – بىرلىكتە!
www.kff.kz
پىكىر قالدىرۋ