АПАЙ, МЕН СІЗДІ ЖАҚСЫ КӨРЕМ…

| May 28, 2015

Мұғалімнің баласы болдым. Таңдайым тақылдап тақпақты ерте жаттап, әріпті ерте танығаным да сондықтан болар… “Мұғалімнің баласы” деген қалыпқа салындым. Ол не? “Мұғалімнің баласы екі алуға болмайды”, “мұғалімнің баласы тәртіпсіз болуға болмайды”, “алысуға болмайды”, “жұлысуға болмайды”… Қаптап кеткен “болмайдыларды” кім шығарғанын білмеймін, әйтеуір, басқаға “болатын” нәрсенің бәрі маған “болмайтын”. Мұғалімнің қызы болғаным үшін!
Не ғой… Бірақ сол шектен тыс “болмайды”-ға өзім аса бағынбадым. Көршінің қызының сөздік қорындағы кей сөздерді үйде “пайдаландым”. Есімде, сонда маған мамам: “Тіліңді күйдірем”, – дейтін. Маған сол қызық болатын. Қалай күйдірмек? Аузымда сілекей (су) бар, тілім қалай жанады? 5-6 жасар баланың ойы сондай болды. Ақыры мен тілімнің қалай “күйетінін” білмей кеттім…
Ерке болдым. Өте ерке. Тентектігім де, құдай салмасын, жетіп-артылды. Мамамның жұмысқа өзімен ертіп барғаны есімде. Мектептің тап қасындағы интернатқа – сабаққа түстен кейін баратын қыздардың жанына қалдырып, сабағына кетті. Бір бөлмеде тұрған соншама көп әппақ төсекті көргенде-е-е, бақыттан басым айналған. Енді ше, әжемнің ертегісіндегі мамық төсегі бар ханшаның бөлмесі сияқты көрінді ғой. Төсектен-төсекке секіріп ойнағанда-а-а мектептің директоры кіріп келетінін қайдан білейін…(((((( Мамамның сосын мені интернаттағы қыздарға қайтып апарғаны есімде жоқ… Керісінше, оқушы қыздары кезектесіп үйге кеп қарайтын болған. Өйтпей ше? Мен жалғыз емеспін. Бауырым бар. Өзімнің ойлап таппайтыным жоқ тағы…
Қабырғаға ілініп тұрған сөрені әткеншекке ұқсатып, үстін босатып отырып алғаным… Ол аздай інімді жаныма отырғызып… Екі жағынан қағылған шеге екі баланы көтерсін бе… Былш етіп құлап… Періштеміз қаққан болар ештеңе болмады. Бірақ не болғанын ұқпай талай уақыттан соң Жерге қонған ғарышкерлердей ұза-а-ақ жаттық. Ал қыстың күні кіреберіс ауызғы үйдің әйнегін сындырып алдымен тонымды (қолғап резеңке арқылы желкебауға тігіліп, жеңімізден шығып жүретін), сосын малақайымды лақтырып, сосын өзім түсіп, ойнап кетудің орнына есіктің алдындағы қолжуғыштың шүмегіне тілімді тигізіп көріп… Қан-жоса болып жабысып тұрғанымнан-ақ қандай бала болғаным белгілі ғой. Аязды күні біздің Шығыста темірге тілін тигізіп “жабыспаған” бала жоқ. Мені темірмен “сүйістірген” көршінің қызы болатын. Кейін жақсылап өшімді де алғам…)))))))
Сондай бұзықты баққан маманың оқушысының туған күні екен ғой бүгін! Құтты болсын, апай! Өмірде тек қана қуаныш сыйлайтын шуақты күндеріңіз көп болсын!
Өкінішке қарай, ауылға “мұғалімнің қызы” атанғаныммен 10-ақ жыл мамамның тентек қызы болдым… Содан кейін оқушылары да, мен де оны қайтып көре алмай қалдық….((((( Ал мен үшін сіз әлі күнге дейін сол баяғы Кенже апайдың оқушысыз…
Пы.Сыы. Оқушы қыздар да қызық болатын, өлең айтады, би билейді. Бауырым екеумізге концерт қойып береді. Ал кейбір сылқым қыздар шифоньердегі мамамның киімдерін киіп алып мұғалім болып ойнайтын. Әсіресе өкшесі биік туфли мен етіктерді киюге құмар болатын. Ойнап біткен соң дым болмағандай жинап қоятын…

Айгүл Болатханқызыңың facebook парақшасынан алынды

Қазіргі заңнама аясында мемлекеттік тілді қалай дамытуға болады?

kerey.kz

Zhalgas Yertay Қазақстан билігі мемлекеттік тілді дамыту үшін қатаң шешімдерге барғысы келмейді дейік. Бірақ қазіргі заңнама аясында мемлекеттік тілді қалай дамытуға болады? Соны ойланып көрейік. Қазақ тілін дамыту жайын айтқан кезде Қазақстан билігі қоғамды екіге бөледі. Бірі – тілді дамытудың радикал шешімдерін ұстанады, екінші жағы – қазіргі статус-квоны сақтағысы келеді, яғни ештеңе өзгертпей-ақ қояйық дейді. Бірақ екі жолды да таңдамай, ортасымен жүруді ұсынып көрсек қайтеді!? Батыл қадамдарға барайық, бірақ ол радикал жол болмасын. Қазақ тілін күшпен емес, ортаны дамыту арқылы күшейтсек болады. Яғни адамдар тілді үйреніп әуре болмай-ақ, халық жай ғана қазақ тілі аясында өмір сүруді үйренсін. Негізгі ой осы. Біз осы уақытқа дейін адамдар ортаны
Қазақ мектебінде оқитын 7 жасар бала орыс тілі сабағында неге орысша сайрап тұруы керек?

kerey.kz

Магнумды өзім мүлде ұнатпайды екенмін. Үнемі барсам, есі дұрыс көкөніс таппайтынмын. Ескірген, шіріген. Азық-түлікті тек базардан аламын. Бірақ магнумге байкотты тоқтатпау керек! Сонымен бірге, орыстілді кино, фильмдерге де байкот жариялау керек. Бірақ, одан күштісі, балаларыңды тек қазақша оқытып, қазақша тәрбиелеу керек. Бірақ, балаңды қазақша тәрбиелейін десең, тағы бір кедергі шығып жатыр. Ғалымдардың айтуынша, баланы 13 жасқа дейін қазақ тілінде оқытып, ұлттық құндылықтарды бойына, ойына сіңіру керек. Енді солай істеп жатсақ, 7-8 жасар қап-қазақша өсіп келе жатқан балаңды мектепте орыс тілін үйретіп миын ашытуға тура келіп отыр. Яғни, 2-сыныптан бастап орыс тілі мектеп бағдарламасында тұр. Бжб, тжб-сында орыс тілі мұғалімдері баланың орысша мазмұндамасын (говорение) тексереді. Талап етеді. Сонда, біз байғұс қазақ,
Қазақ жастары бүгінде жаппай орыстану процесін бастан кешуде.

kerey.kz

Қазақ жастары бүгінде жаппай орыстану процесін бастан кешуде. Бала-бақшадан бастап, мектеп, жоғары оқу орны, еңбек мекемелерінің барлығы негізінен орыс тіліне көшуде. Өз еркімен емес, әділетсіз биліктің ұзақ жылғы солақай саясатының арқасында. Көшеде, кеңседе, дүкенде, көлікте, қоғамдық орында қазаққа қазақ орысша сөйлемесең немесе ұлтты сақтау керек деген жауапкершілік жүгін ұстанып, сенімен орысша сөйлесіп тұрған қазаққа қазақша сөйле деп ескерту жасасаң болды, бітті, бәле-жалаға қаласың. Заң да, оны орындаушы полиция, прокуратура, сот та орысқұлды қолдайды, ұлтқа жаны ашыған қазақты мүлде қорғамайды. Бұл қандай әділеттілік?! Мемлекеттік тілді, мемлекеттік қауіпсіздікті жекелеген адам емес, осыған жауапты мемлекеттік құрылымдар қорғауы керек қой. Жеке адам емес, ең алдымен билік қорғауы керек. Қазақ жеке тәуелсіз мемлекет болып тұрса
Енді қазақ тілін елемейтін мекеме байкоттың нысанасына ілігіп, шығынға бата беретін болады

kerey.kz

Кейде қоғамды бір ғана оқиға қозғалысқа түсіріп, іште қатқан шеменді жарып жібереді. Бұл жолы дәл сондай ахуал орын алды. Magnum дүкендер желісінде орыс тілді бір азамат қазақ тілін білмейтін курьерге шағым түсіріп, артынан дүкен әкімшілігі әлгі курьерді жұмыстан шығарып, мәселені жылы жауып қоя салмақ болғанда, жұртшылық оқыстан оянып кетті. Бұл тек бір азаматтың реніші немесе дүкеннің ішкі тәртібі емес. Бұл – тілдік теңсіздікке қарсы ұлттың рефлексі. Қазақтың өзі, өз жерінде, өз тілінде сөйлей алмайтын күнге жеттік пе деген сұрақ сананы сыздатып тұр. Өз елінде тұрып, өз тілінде сөйлемейтін азаматты қоғамнан аластатылуы ақылға симайтын дүние. Ал Magnum дүкендері желісі отты күлмен көміп қойғандай болды. Қазақ тілі – елдің өзегі. Оған жасалған
Этникалық қазақтарға 65 «Ата жолы» картасы берілді

kerey.kz

Этникалық қазақтарға – басқа елдердің азаматтарына Қазақстанда 10 жыл өмір сүруге және жұмыс істеуге құқық беретін 65 «Ата жолы» картасы берілді. Елімізде өз ісін дамытуға дайын бизнес-иммигранттар 27 карта алды, ал сұранысқа ие мамандар осындай 38 картаның иегері атанды. «Қазақтар қай жерде өмір сүрсе де, олардың жалғыз Отаны – Қазақстан. Сондықтан біз үшін шетелде тұратын отандастарымызды қолдау әрқашан маңызды», – деді Қазақстан Республикасының Президенті Қасым-Жомарт Тоқаев. «Ата жолы» картасын алушылар ішінде инженер-физик, инженер-математик, химиялық технологтар, жақ-бет хирургиясының дәрігерлері, педиатрлар және т.б. мамандар бар, олар Ресей, Германия, Моңғолия, Қытай, Ұлыбритания, АҚШ, Израиль, Франция, Нидерланды, Финляндия, Қырғызстан және Өзбекстан секілді шет елдерден келді. «Ата жолы» картасының иегерлері елге кірген кезде 10 жыл