Мақаш Бекмұхамбед
Мақаш Бекмұхамбедов қазақ фольклорын жинап, Доспамбет пен Жиенбет сияқты жыраулардыңел аузындағы сөздерін теріп алып, 1908 жылы Орынборда «Жақсы үгіт» атты кітап етіп шығарған кісі. Кейін 1910 жылы Астрахань қаласында үлкен этнографиялық зерттеу кітабы жарық көреді. Гурьвтен бастап Астраханға дейінгі алқапты алып жатқан ұланғайыр өлке Каспий жағалауы 1-ші, 2-ші қисымының (окургтің) бастығы болған. Осы кісі қазақтың жерін кеңейту үшін әртүрлі әрекеттер жасаған. Елді Қиғаш өзенінен асырып, Астрахан жаққа қоныстандыру үшін түнде мықты атан түйелерді таңдап алып, ертеде орнатылған құлпытастарды артып, Астраханның жанына апарып көмдіріп тастайды екен. Екі-үш жыл өткен соң дау шығаратын болыпты. Мына жер біздікі деп. Екі жақ дауласып, ақыры жерді қазып көрсе, пәленбай деген бидің құлпытасы шығады. Олардың ұрпағы мынау деп, тірі куәларды айғаққа тартып қазақтың жерін Астраханның түбіне бірақ апарған. Сол кісінің кезінде қоныстанған халық қазір бес аудан болып Астрахань облысына қарап отыр….
Жолымбет Мәкіш
Пікір қалдыру