ماقاش بەكمۇحامبەد
ماقاش بەكمۇحامبەدوۆ قازاق فولكلورىن جيناپ، دوسپامبەت پەن جيەنبەت سياقتى جىراۋلاردىڭەل اۋزىنداعى سوزدەرىن تەرىپ الىپ، 1908 جىلى ورىنبوردا «جاقسى ۇگىت» اتتى كىتاپ ەتىپ شىعارعان كىسى. كەيىن 1910 جىلى استراحان قالاسىندا ۇلكەن ەتنوگرافيالىق زەرتتەۋ كىتابى جارىق كورەدى. گۋرۆتەن باستاپ استراحانعا دەيىنگى القاپتى الىپ جاتقان ۇلانعايىر ولكە كاسپي جاعالاۋى 1-ءشى، 2-ءشى قيسىمىنىڭ (وكۋرگتىڭ) باستىعى بولعان. وسى كىسى قازاقتىڭ جەرىن كەڭەيتۋ ءۇشىن ءارتۇرلى ارەكەتتەر جاساعان. ەلدى قيعاش وزەنىنەن اسىرىپ، استراحان جاققا قونىستاندىرۋ ءۇشىن تۇندە مىقتى اتان تۇيەلەردى تاڭداپ الىپ، ەرتەدە ورناتىلعان قۇلپىتاستاردى ارتىپ، استراحاننىڭ جانىنا اپارىپ كومدىرىپ تاستايدى ەكەن. ەكى-ءۇش جىل وتكەن سوڭ داۋ شىعاراتىن بولىپتى. مىنا جەر بىزدىكى دەپ. ەكى جاق داۋلاسىپ، اقىرى جەردى قازىپ كورسە، پالەنباي دەگەن ءبيدىڭ قۇلپىتاسى شىعادى. ولاردىڭ ۇرپاعى مىناۋ دەپ، ءتىرى كۋالاردى ايعاققا تارتىپ قازاقتىڭ جەرىن استراحاننىڭ تۇبىنە بىراق اپارعان. سول كىسىنىڭ كەزىندە قونىستانعان حالىق قازىر بەس اۋدان بولىپ استراحان وبلىسىنا قاراپ وتىر….
جولىمبەت ماكىش
پىكىر قالدىرۋ