2016 jılğı 1-mamırdağı statistikalıq derekter boyınşa elimizde 17 753 200 adam bar eken. Halqınıñ sanı jağınan älemde 63 orında. Elimizdegi memleket qwrauşı wlt – Qazaqtar 67 payız bolsa, qalğandarı: orıstar 3,5 mln (20%), ukraindar 290 mıñ (1,64%), özbekter 550 mıñ (3,11%), wyğırlar 256 mıñ (1,45%), tatarlar 202 mıñ (1,15%), nemister 181 mıñ (1%). Sondıqtan Qazaqstandağı qazaqtardan basqanı wlt dep ataudıñ ğılımi negizi joq. Öytkeni wlt bolu üşin sol aymaqta sol wlttıñ öz jeri, öz şekarası bolu kerek. Al biz tipti sanı bir payızğa da jetpeytin diaspora ökilderin wlt dep atauğa qwştarlanamız. Bwl jalpaq şeşeylik sayasattan tuındağan uaqıtşa qwbılıs dep oylaymın.

Dünie jüzinde jergilikti wlt barşa halqınıñ 2/3 böliginen assa ol monowlttı memleket dep sanalatın halıqaralıq praktika qalıptasqan. Osı twrğıdan alğanda Qazaqstan (qazaqtar – 67%) qazir monowlttı memleket!

Qazaq halqınıñ qalmaq-joñğar şapqınşılığına qarsı şayqastarına, üş ğasır boyı patşalıq Reseyge qarsı 400-den astam wlt-azattıq köterilisterine qazaqtan basqa eşkim qatısqan joq. Sondıqtan öz Elinde, öz Jerinde, öz Tilimen öz Memlekettiligin qwruğa jäne nığaytuğa qazaq halqınıñ Jaratuşı bergen qanwni jäne moral'dıq qwqığı bar.

Qazaqstan qazaqtardıñ memleketi ekendigin, orıstardıñ intellektualdıq keleşegi tek Reseymen baylanıstı ekendigin elimizdegi orıs diasporası da tüsine bastadı. Sondıqtan olardıñ balaları negizinen Reseydiñ joğarı oqu orındarında oqidı, bitirgen soñ sol jaqta qalıp jatır.

Qazaqstandağı 25 jasqa deyingi balalar men jastardıñ jalpı sanında qazaqtar qazir 85 payızğa jetti. Endi qwday qalasa, tayau jıldarda elimizdegi qazaqtar 80 payızğa jetedi. Bwl qazaqtardıñ Qazaqstanda twratın türli wlt ökilderiniñ azamattıq qwqıqtarına qamqorlıq jasay otırıp, öziniñ monowlttıq memleketin qalıptastıruğa tolıq mümkindik beredi degen söz!

Marat Tokaşbaevtıñ facebook paraqşasınan  alındı