Қазақтың аспан әлемін тануы
Болат Бопайұлы Жота Қажы Этнограф,сыншы, зерттеуші Қазақ халқы өзінің ұзақ ғұмыр тарихында, ғасырлар бойы мал шаруашылығы мен егін шаруашылығы, аңшылық өнерді кәсіп қылып келді. Осы үш түрлі шаруашылықты тіршіліктің қайнар көзі етіп, онымен өмір бойы шұғылданды. Кең сахара төсінде, сайын далада асқар тауларды тұрақ етті, ағынды, долы өзендерді суат етті. Жұлдызды түндерде, нұрлы күндерде, сулы, нулы көгалды жайылымды өрістерде мыңғыртып малын бағып отын жағып еркін өмір сүрді. Ұрпақтарын тас түлек қырандай баулып өсіріп, қара қостарын таудан тауға, ойдан ойға көшіріп, ұлан ғайыр далаға ие болды. Ешкімнің ала жібін аттамай, ата кәсібін тастамай, оны ұрпақтан ұрпаққа мұра етіп қалдырып отырды. Қазақ халқы өзінің шаруашылығымен шұғылдана жүріп сол шаруашылығына тығыз қатысты болған
