بەرىك وتەمۇرات وتستاۆكاسى جايلى ازىرشە تۇسىنىك بەرمەدى
قازاقستان ۇلتتىق بانكى وكىلى بەرىك وتەمۇراتتىڭ باتىس باسپاسوزىنە سۇحباتى دۇربەلەڭ تۋدىردى. ۇلتتىق قوردىڭ جاعدايى جايلى پەسسيميستىك مالىمدەمەسىنەن سوڭ قىزمەتىنەن الىنعان ول بۇل تۋرالى ايتۋدان باس تارتتى. بەرىك وتەمۇراتتىڭ «قازاقستان ۇلتتىق بانكى ۇلتتىق ينۆەستيتسيالىق كورپوراتسياسىنىڭ» باسقارما توراعاسى بولعان كەزدەگى سۋرەتى. ۇلتتىق قورعا قاۋىپ ءتوندى مە؟ «قازاقستان ۇلتتىق بانكى ۇلتتىق ينۆەستيتسيالىق كورپوراتسياسى» (قۇب ۇيك) اكتسيونەرلىك قوعامىنىڭ جەتەكشىسى اياق استىنان اۋىستى: بەرىك وتەمۇراتتىڭ ورنىنا باسقارما توراعاسىنىڭ وكىلەتتى مەرزىمى اياقتالعانعا دەيىن وسى قىزمەتكە ەسجان ءبىرتانوۆ تاعايىندالدى. وسى اپتادا قازاقستاندىقInformburo اقپاراتتىق اگەنتتىگى «بەرىك وتەمۇراتتى قىزمەتتەن الۋ قۇب ۇيك جەتەكشىسىنىڭ Wall Street Journal باسىلىمىنا، مۇنايدان تۇسكەن ۇستەمە كىرىستەن قۇرالاتىن قازاقستان ۇلتتىق قورى قارجىسى «6-7 جىلدا سارقىلۋى مۇمكىن» ەكەنىن مالىمدەگەن بۇكپەسىز سۇحباتىمەن ءبىر مەزگىلگە قاتار كەلگەنىن» حابارلاعان ەدى. امەريكانىڭ Wall
