ТАРИХИ САБАҚТАСТЫҚ: ЕРМҰХАН БЕКМАХАНОВ ПЕН ІЛИЯС ЕСЕНБЕРЛИН
Биыл 100 жылдық мерейтойы аталып жатқан ұлы жазушы Ілияс Есенберлиннің тарихи ой-санасының қалыптасуына атақты тарихшы Ермұхан Бекмахановтың әсері мол болған. Атақты тарихшының да туғанына биыл тура 100 жыл. Кенесары туралы ғылыми зерттеу жазу үшін деректер жинау кезінде Есенберлин оған өзінің қол ұшын бергенін жазады. Бұл туралы қазақтың қолбасшысы Бауыржан Момышұлының 30 томдық шығармалар жинағының 10-томында жарияланған. Онда батыр Баукең әлдебір суретті қарап отырып, жазушы Есенберлиннің Бекмаханов туралы естелігінен үзінді келтіреді. «Ермұхан Бекмаханов менің қазақ тарихын зерттеп білуіме соншалық әсер етті, өйткені бұл ғалым қазақ елінің ХІХ ғасыр мен ХХ ғасыр басындағы экономикасы, әлеуметтік құрылысын зерттегенде Кенесары қозғалысына байланысты нақтылы материал жетіспейтін және соны толтыруға Орткомның жәрдемдесуін сұрапты. Сол жұмысты Жұмекең
