КӨШТІ МОҢҒОЛИЯ ҮКІМЕТІ ҚАЛАЙ ҚОЛДАДЫ, ЕЛ ЫНТАСЫ ҚАНДАЙ БОЛДЫ.
Ел ақсақалы Дінмұхамет Ахметұлы Қонаевпен кездесу Халықтың арқа сүйер беделді азаматы, халық жазушысы Шерхан Мұртазадан алған рухани қуатымызбен қанаттанып, Ата-бабадан қалған салтымыз бойынша келесі күні Дінмұхамет Қонаевқа сәлем беруге өтініш жасап, қабылдауында болдық. Қазақ елінің жеткен жетістігінің негізін қалап,ұзақ жылдар ел тізгінін ұстаған Абыз ағамыз, бізді өз шаңырағында жылы шырай, ізгі ниетпен қарсы алды. Атамекенге келер үлкен көштің басы болып келіп жатқан қандастарымыздың атынан сәлем беріп, қол алысып, ықылас батасын алдық.Алыстағы ағайынның алды Талдықорған облысына келіп орналасып жатқан жағдайын, арығарай үлы көшке жол ашуды мақсат етіп жүргенімізді айттық.Үстел басында ағайындық шынайы ықыласпен өрбіген әңгіме, бұрынғы кездесу- таныстықты еске алуға ұласты: Бұл 1974 жылдың қараша айы еді. Уланбатырдың қақ ортасында Кеңес
