Түркия қазақтарының II құрылтайы өтеді
Ораза айт күндері, яғни, 17-20 шілдеде Зәйтінбұрын қаласында Түркия қазақтарының II құрылтайы өтеді. Бұл туралы Түркия қазақтары қорының баспасөз қызметінен хабарлап отыр. Түркия қазақтары қоры өткен жылы Түркия қазақтарының бірінші құрылтайын 28-31 шілде күндері өткізген болатын. Жыл сайын өткізілуі жоспарланған құрылтай биыл екінші рет өткелі отыр. Құрылтайдың алғашқы үш күнінде Түркиядағы қазақ жастарының 12 футбол командасының жарысы болып, «Қабанбай Батыр» жүлдесі үшін сайысқа түседі. Түркия қазақтары жастардың ұлттық, тарихи санасын қалыптастыру үшін сайысқа жыл сайын қазақтың бір батырының атын беру туралы шешім қабылдаған. Өткен жылы жүлде 300 жылдығы тойланған «Ер Жәнібек батыр» атына тағайындалса, биыл Қазақ Хандығының 550 жылдығына байланысты «Қабанбай батыр» атына беріліп отыр. Ақтық сайыста бүлдіршіндерден құралған аяқ доп
