Ниеттес, тілектес барша достарға Тәңір жарылқасын айтамын.
Жаңа Талғат Райымбек келіп, жаңылысқанын, жалған ақпаратқа сүйеніп, жала материалға қол қойғанын айтып, кешірім сұрады. Әрине, кешіріммен қарадық.Расында, Талғат мұның алдында өз өтінішімен жұмыстан кеткендіктен, оның мақаласы бізге түсініксіз болды… Баршамыз Алланың, адамның, ардың алдында жауап береміз, сондықтан сөзімізге жауапкершілікпен қарағанымыз абзал. Әсіресе, қаламға серт берген, сөз ұстаған азаматтардың қызыл тілге сүйенерде қызбалыққа салынбағаны, қиянатқа бармағаны жөн ғой… Қалам шабысынан, қалып қағысынан жаңылмасын… Мақалаға орай айтылған пайым-пікірлерді оқыдық. Оларды даттау мен мақтау емес, елдік мүдде тұрғысынан айтылған орайлы ойлар деп қабылдадық. Ниеттес, тілектес барша достарға Тәңір жарылқасын айтамын. Кең, кешірімшіл болайық, бәрінен биік тұрайық, бауырлар! Darkhan Kydyraliнің facebook парақшасынан алынды
