Ит болғым келедi
Марқұм Герольд Бельгер жазушы Тұрысбек Сәукетаевтың шығармашылығын жоғары бағалаушы едi. Бұл жөнiнде жазды да. “Қазақтың сыншыл ойы”, “ұлттың сыншыл ойы” деген ұғымдар Мағжан Жұмабаевпен, Жүсiпбек Аймауытовтармен бiрге үзiлiп қалмағаны, оның жалғаса беретiнi және жалғасып келе жатқаны да аян. Көркем әдебиет – ежелден қазақтың сыншыл ойының ұясы, iрi ошақтарының бiрi. Өзiнiң көркем шығармаларында ұлтымыздың сыншыл ойын өрiстетiп жүрген дарынды, зерделi жазушыларымыздың бiрi – сөз жоқ, жазушы Тұрысбек Сәукетаев. Т.Сәукетаев жақында “Мен – жындымын” деп аталатын роман жазып бiтiрдi. Төменде ендi осы романнан үзiндi жариялап отырмыз. Астанада жындыхана жоқ екен. Мұнда тек денi дұрыс, ақылды адамдар тұратын болса керек. Ағат қылық, оғаш ойдан аулақ момақан адамдар. Шынында да, осындай әлемде жоқ әсем қалада
