|  |  | 

Спорт Шоу-бизнис

Хорватия – Англия 1:1 (қосымша таймда 2:1)

60bcc-Khorvatiya-Angliya

Алғашқы таймның бесінші минутында-ақ Англия Хорватияның айып алаңы сыртынан доп соқты. Жас жартылай қорғаушы Триппьердің ұлттық құрамасы үшін соққан алғашқы голы. Айып добын шебер орындап, оң жақ тоғыздықты ала топ еткізді. Ерте голдан соң Англия алдыңғы шепте арқасын босатып, өткір контршабуылдарға көшті. Жан салып, тер сорғалатып жүгіруді азайтты. Кейн мен Лингард бірнеше оңтайлы сәтте қапы қалды. Стерлинг сол баяғыша далаңдап бос шапты. Магуайр мен Янг тас қамал болып тұрды, Пикфорд өте сенімді ойнады. Шаршаңқы Хорватия қатты прессингке жарамады, дөрекілеу ойнады, жиі ереже бұзды. Әдеттегідей Модрич, Ракитич пен Перишич шебер ойнап, ерекше көзге түсті. Бірінші таймда көңілімде үш сұрақ туды: 1. Неге тоттенхэмдік Кейн-Алли дуэті ӘЧ-те мүлдем көрінбейді? 2. Неге Стерлингтің орнына Рашфорд негізгі құрамда шықпайды? 3. Неге Манджукич алаңнан “жоғалып” кетті?

Ойынның екінші бөлігін Хорватия белсендірек бастады. Манджукич дөрекі ойын мәнерімен көзге түсіп, сары қағазын алып, қайта “пайда” болды. Виданың ғажап қорғаушы екенін және бір көрдік. Ал англиялық қорғаушы Уокердің жылдам болса да, Роуздан кейін қалып бара жатқаны байқалды. Жоқ жерден доп ұстап, сары қағаз да алды. Бірақ Стоунстан әлдеқайда жақсы. Гарри Кейн мықты капитан болғанымен соңғы уақытта допқа таласқан жекпе-жек кезінде келсін-келмесін құлай беретін әдет тапты. Англияның контршабуылы мандымай бара жатқан тұста Врсальконың тамаша көлденең пасынан соң Перишич есеп теңестірді. Бұдан соң Хорватия дүркірей көтеріліп, атой салды. Англияның қорғанысы қожырай бастады да, Перишичтің контршабуыл кезіндегі соққысы бағанға тиіп қайтты. Екінші таймның соңына қарай шыққан Рашфорд бірден қарсылас үшін қатерге айналды. МЮ-дің жас жұлдызы соңғы минутта айып алаңы сыртынан бір айып добын алып беріп, Кейн баспен соға алмай мүлт кетті.

Осылайша іс қосымша таймға жетті. Ардагер Янгтің орнын Роуз басты. Англия қайта сенімді ойнай бастады. Үшінші мәрте овертайм ойнап жатқан хорват ойыншыларының алды ақсай бастады. Стринич кетіп, Пиварич шықты. Жылдам да жас ағылшындарды шалып құлату қайта көбейді. Аз қателескен түркиялық бас төреші Чакырдың қызыл түсті ысқырығын қайта-қайта қызыл қағаз екен деп селк ете қалып отырдық. Сылбырлау Хендерсонды Дайер алмастырды. Ағылшындар шабуылды үдетті. Бұрыштама добын баспен тоғыздыққа бұрған Стоунстың тамаша добына қақпашы қайран қыла алмай, соңғы сәтте қорғаушы әрең қайтарды. Одан кейін Манджукичтің қауіпті соққысына Пикфорд тосқауыл болды. Англияның жас қақпашысы қысылтаяң шақта командаластарын сабырға шақырып жатты. Осы жолғы ӘЧ жұлдыздарының бірі дер едім. Матчтың басым бөлігінде ойыны жүрмеген Манджукич овертаймның екінші бөлігінде жеңіс голын соғып, құрамасын алға шығарды да, көп кешікпей ауыстырылды.

Сонымен ӘЧ бастала салысымен “чемпион болады-ау” деген болжамдар айтқызған, топтық кезеңде Аргентинаны талқандаған шебер де ұйымшыл Хорватия қуатының жартылай финалда біржола сарқылмағанын паш етті. Ойыншылары бір-бірінің ойын оқып тұратын ақылды, шымыр, ұшқыр команда.

Бұған дейін бір мәрте овертайм ойнап үлгерсе де, жартылай финалға ентікпей жеткен Англияның жастығы мен тәжірибесіздігі, амбициясы өзінен үлкен жас миллионерлерінің ауызбірлігінің жоқтығы, һәм бас бапкерінің әсіре сақ, қорқақ стратегиясы қолбайлау болды. Бельгиядан өтірік жеңіліп, өзіне ыңғайлы жеребе жолын таңдап алып, бүйтіп жартылай финалға жеткенше, мықтылармен қаймықпай ойнап, ширек финалдан Жапония сияқты маңдайы жарқырап қайтқандары артық еді. Бірақ Гарет Саутгейт баптаған жас та талантты құраманың 1990 жылдан бері Англияны бірінші рет жартылай финалға шығарған еңбегін атап өту қажет.

Финалда – Франция мен Хорватия. Ғажап бәсекеге куә болмақпыз. Ал Англия мен Бельгия енді негізгі құрамдарын шығарып, қолаға қалай таласса да, өздері білсін

Galym Bokash тың facebook парақшасынан алынды

Related Articles

  • Қытай билігін сынаған Джек Маның Alibaba компаниясына 2,8 млрд доллар айыппұл салынды

    Джек Ма Қытай билігі Alibaba корпорациясына монополия шарттарын бұзды деп айып тағып, 2,8 миллиард доллар айыппұл салды. Бұл – ел тарихындағы ең ауқымды айыппұл. Компанияның негізін қалаушы Джек Ма қазанда Қытай басшыларын жұрт алдында сынаған соң үш айдай жоқ болып кеткен, ал оның тағы бір компаниясының акция сату науқаны кейінге қалдырылды. Forbes журналы байлығы 65,5 миллиард деп бағалаған, Қытайдағы ең ауқатты адам саналып келген Джек Ма билікке қарсы пікір айтқан соң көп нәрсе өзгерді. 24 қазанда Шанхайда өткен экономикалық форумда Ма “кәрі-құртаңдар ойлап тапқан” реттеу шаралары заман талабына сай емес деп мәлімдеген әрі үкіметті қағазбастылыққа салынып, банктердің мүддесін қорғап отыр деп айыптаған. Джек Маның алдында сол форумда мемлекет басшысы Си

  • «Жұмыс істеуге мүмкіндік беріңдер»: Алматыда 300-ге жуық кәсіпкер қарсылық акциясын өткізді

    Алматыда 300-ге жуық кәсіпкер жұмыссыз қалуы мүмкін. Олар отыз жылдай тұрған базар жабылуы мүмкін деп қауіптенеді. Алматы қаласы әкімдігі саудагерлердің орнын жиһаз фабрикасын салу үшін басқа компанияға бере салған. Шешім осыдан екі жыл бұрын шығып қойған. Кәсіпкерлер барахолканың ортасынан зауыт салуға рұқсат берген әкімдіктің әрекетіне наразы. Олар ұзақ жыл кәсіппен айналысқан адамдардың мүддесі қорғалды деп санайды. Кәсіпкерлердің айтуынша, базардағы 1 гектар жерді “ТКМ” ЖШС ұзақ жылдар бойы жалға алып, жүздген адам сауда жасап келген. Кезекті жалға алу мерзімін жауапты мекемелер ұзартпай, «зираттың санитарлық қорғау аймағында орналасқанын” алға тартып, жұмыс істетуден бас тартқан. Жалға беру мерзімін ұзартпай тастаған. Есесіне әкімдік осы аумақтағы 1 гектар жерді Нұр-Сұлтан қаласында тіркелген “Алматы CPS” компаниясына

  • Равшан Золотой, Дикий Арман және өзбек қылмыс әлеміндегі дау

    Рон СИНОВИЦ Сироджиддин ТОЛИБОВ Оңнан солға: Гафур Рахимов, Арман Жұмагелдиев (“Дикий Арман”) және Равшан Мухиддинов (Равшан Золотой). Өзбекстанның белгілі криминалдық авторитеті әлеуметтік желіде әлемдегі ең ірі наркобарондардың бірі саналатын, халықаралық әуесқой бокс федерациясының басшысымен туыстық жауластығы туралы айтып берді. Дау арасында қазақстандық криминалдық авторитет Арман Жұмагелдиевтің де аты аталады. Жұмагелдиев Қазақстанда “Дикий Арман” деген лақап атымен танымал. 21 ақпанда Равшан “Золотой” (Алтын) Мухиддинов Instagram желісіне 12-минуттық видео жариялап, ағасы Гафур Рахимовпен болған жанжалдан кейін Стамбул қонақ үйінде 10 ер адамнан қорлық көріп, азапталғанын мәлімдеді. Халықаралық әуесқой бокс федерациясының (AIBA) басшысы болған Рахимов АҚШ-та халықаралық героин саудасына қатысы бар адамдардың тізіміне енген. 31 жастағы Мухиддинов видеода “Дубайдағы туысы” туралы әңгімелеп, Рахимовтың

  • 2025 жылы Жетісуға 3,5 млн турист келеді

    Алматы облысының туризм саласында әлеуеті зор екені баршамызға мәлім. Ал, 2025 жылға қарай Жетісуға 3,5 млн адам келеді. Бұл туралы Алматы облысының әкімі Амандық Баталов халықпен онлайн форматта өткізген бапсасөз мәслихатында баяндады. Жер Жәннаты Жетісуда көптеген туристік орындар бар. Олардың ішіндегі маржаны – Алакөл. Сондықтан көлдің жағалауындағы инженерлік инфрақұрылымды дамытуға көп көңіл бөлінуде. Бүгінде мұнда әуежай салынып, теміржол байланысы орнатылды. Ақши ауылына апаратын 23 км жол төселді. «Туристерге арнап жасалған жағдай нәтижесінде бір маусымда демалушылар саны 1,3 млн адамнан асады. Жыл сайын туристер саны артып келеді. Біз Алакөл жағалуын дамыту жұмыстарын жалғастыра береміз. Мен өткен аптада Прьемер-Министр Асқар Маминның қабылдауында болдым. Іскерлік кездесуде Алматы облысындағы бірқатар мәселелер айтылды. Оның ішінде

  • Жол картасы: Алматы облысында 60 мыңнан астам жұмыс орны ашылды

    Алматы облысында былтыр 1051 жобаға 105 миллиард теңге бөлінген. Жоба Президент Қасым-Жомарт Тоқаевтың тапсырмасы «Жұмыспен қамту 2020 жол картасы» аясында атқарылған. Бағдарлама аясында 60 мыңнан астам жұмыс орны құрылды. Карантин кезеңінде жұмысынан босап қалған азаматтардың дені жұмыспен қамту орталықтары арқылы жұмысқа орналастырылған. «Бағдарламаның негізгі міндеттері: өзін-өзі жұмыспен қамтығандарды, жұмыссыздарды және халықтың нысаналы топтарына кіретін азаматтарды жұмыспен қамтуға жәрдемдесу шараларын орындау, кадрлық әлеуетті дамыту. Биыл біз бұл салаға көп көңіл бөлеміз»,- деп атап өтті Амандық Баталов. «Жұмыспен қамтудың жол картасы» аясында 18 миллиард теңгеге 216 ауылдың жолы жөнделді. Еңбеккерлер жұмыспен қамту орталықтары арқылы жұмысқа алынып, ең азы 85 мың теңге жалақы алып отырған. Осы бағдарлама арқылы жұмысқа орналасқан Фархат Мансапбековтың айтуынша,

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: