Ninety One tobı YUNISEF-tiñ izgi niet elşileri atandı
Azattıq radiosı Ninety One tobınıñ müşeleri men YUNISEF ökilderi baspasöz mäslihatında. Almatı, 16 mamır, 2023 jıl. Q-pop janrında än salatın Ninety One tobı BWW Balalar qorınıñ (YUNISEF) Qazaqstandağı izgi niet elşileri atandı. Bügin, 16 mamırda Almatıda ötken baspasöz mäslihatında YUNISEF-tiñ Qazaqstandağı ökili Artur van Dizen top müşelerine osınday sertifikat tapsırdı. Top müşeleri qormen birge balalar qwqığın qorğauğa küş salmaq. – Ninety One tobı wsınısımızdı qabıl alğanı – biz üşin ülken märtebe. Qazaqstandağı balalardıñ eñ özekti mäselelerine nazar audartuda toptıñ talantı men tanımaldığı öte mañızdı röl atqaradı. Qazir birlesken mañızdı is-şara boyınşa jwmıs istep jatırmız. Jaqında Ninety One tobın UNICEF Talks-ta (jastar konferenciyası – red.) köretin bolasızdar, – dedi YUNISEF-tiñ Qazaqstandağı ökili