«شىمكەنتسكي ۆاريانت»
فوتو: ماقسات شاعىرباەۆ
شىمكەنت تۋرالى ەل اراسىندا نەشە ءتۇرلى اڭگىمەلەر ايتىلادى. «شىمكەنتسكي ۆاريانت»، «شىمكەنتتىك كەلىندەر»، «شىمكەنت – تەحاس»، «ماسەلەنى شىمكەنتشە شەشىپ تاستاۋ» دەگەن سوزدەردى ءجيى ەستيمىز. شىمكەنتتىكتەردى وزگەلەردەن پىسىق ءارى قۋ دەپ ساناۋ جۇرتتىڭ ساناسىنا ابدەن ءسىڭىپ العان. قازاقستاننىڭ باسقا ايماقتارىنىڭ تۇرعىندارى شىمكەنتتىكتەردىڭ جۇرمەيتىن جەرى جوق دەپ ويلايدى. ولار شىمكەنتتىكتەردىڭ قاي جەرگە كوشىپ بارسا دا، تەز ۇيرەنىسىپ كەتەتىنىن العا تارتادى.
«كارتوپتى ءسۇيىپ جەيتىن نارىنقول»
فوتو: ALASHAINASY.KZ
الماتى وبلىسى رايىمبەك اۋدانىنا قاراستى اۋىلدى بۇكىل قازاقستان بىلەدى. نارىنقول دەسە جۇرت ولاردى كارتوپتى ءسۇيىپ جەيتىن حالىق دەپ ەلەستەتەدى. ويتكەنى بۇل بۇرىننان بەرى كارتوپ وسىرۋدە الدا كەلە جاتقان ايماق. كوپشىلىك نارىنقولدى ازىلدەپ “نورۆەگيا” دەپ اتايدى. نارىنقول اقىن مۇقاعالي ماقاتاەۆتىڭ ولەڭدەرىنەن جۇرتقا جاقسى تانىس.
«نايمان»
كورنەكى سۋرەت الەۋمەتتىك جەلىدەن الىندى
جوعارىدا اتالعان “شىمكەنتسكي ۆاريانتپەن” قاتار ەلىمىزدە “نايمانسكي ۆاريانت” دەگەن بىرجاقتى پىكىر قالىپتاسقان. نايمان رۋىنان شىققانداردى كوپشىلىك ايلاكەر، قۋ دەپ قابىلدايدى. سونداي-اق بىلمەيتىن جۇرت سەمەيلىكتەردىڭ ءبارىن نايمان دەپ ويلايدى. كوپشىلىگى نايمانداردىڭ پىسىق ەكەنىن، ويلاعان ءىستى ەلدەن بۇرىن جاساپ تاستايتىنى تۋرالى ايتادى.
«شۋدىڭ ءشوبى»
شۋ القابى. فوتو: VOXPOPULI
تەك شۋ القابىندا ەمەس، تەگىس ورتالىق ازيا ەلدەرىندە وسەتىن قاراسورا ءشوبى شۋدىڭ اتىنا جابىستى دا قالدى. جۇرت شۋ دەسە كوز الدىنا ەسىرتكى دايىندايتىن وسى ءبىر ءشوپتىڭ اتاۋى ەرىكسىز ويعا ورالادى. «شۋدىڭ ءشوبى» وسى ايماقتىڭ اتاعىن شىعارىپ تۇر. سوندىقتان بىلمەيتىن جۇرت شۋدان كەلگەن ادامعا كۇمانمەن قارايتىنى راس.
«قىلمىسقا تولى تاراز»
كورنەكى سۋرەت: BROD.KZ
تاراز قالاسىنا بايلانىستى ەل اراسىندا “قاراقشىعا تولى كريمينالدى مەكەن” دەگەن ستەرەوتيپ قالىپتاسقان. تارازعا بارىپ كورمەگەن ادام ول جاقتا اتىس-شابىس ءجيى بولىپ تۇرادى دەپ ويلايدى. تۇنگى تارازدىڭ تىرشىلىگى ولارعا ازىرەيىلدەي كورىنۋى مۇمكىن. ءتىپتى سول قالادا تۋىپ-وسكەن رەجيسسەر نۇرتاس ادامباي دا وسى ماندەس فيلم تۇسىرگەنى بەلگىلى.
«استانانىڭ جەلى مەن بورانى»
كورنەكى فوتو: 24.KZ
استانانىڭ اتاۋى كۇندىز-ءتۇنى سوققان جەلىمەن، قىستىگۇنى ۇيىتقىعان بورانىمەن قاتار اتالادى. “بىزدە اياز قاتتى، قالپاعىڭدى ەمەس، ادامنىڭ ءوزىن ۇشىرىپ اكەتەدى»، – دەيدى ەلباسىنىڭ ءوزى دە استانانىڭ قاتاڭ كليماتى تۋرالى.
«يۋجان»
فوتو: VLAST.KZ
باتىس، سولتۇستىك، ورتالىق قازاقستان ايماعىنداعى جۇرت وڭتۇستىك وبلىستاردىڭ تۇرعىندارىن «يۋجان» دەپ اتايدى. ولار «يۋجانداردى» تىلىندەگى ديالەكتىلەردەن، قىلىقتارىنان بىردەن بايقاپ قويادى. وزگە ايماق حالقى ولاردى اككى، پىسىق دەپ ويلاپ، ولارعا جولاماي، الىستان ارالاسۋ كەرەك دەيدى.
“جابايى باتىس”
فوتو:KINOPOISK.RU
باتىس قازاقستان تۇرعىندارىن جۇرت قىزۋقاندى، ەشكىمگە سىرىن الدىرمايتىن، مىنەزى بىربەتكەي دەپ قابىلدايدى. ولاردىڭ جاي سويلەگەنىن باسقا ايماق تۇرعىندارى ۇرسىسىپ تۇر دەپ ويلاۋى مۇمكىن. ويتكەنى ولاردىڭ سويلەۋ مانەرى باسقالارعا دورەكى ەستىلەدى.
دەرەككوز: Nur.kz
پىكىر قالدىرۋ