رۋحانيات ادەبي الەم

التى الاشقا جول تارتار التى كىتاپ

kerey.kz

 |  Apr 1, 2019

ء(جادي شاكەنۇلىنىڭ جاڭا كىتاپتارىنىڭ تۇساۋكەسەرى)

11 ءساۋىر 2019 جىلى الماتى قالاسى قازاقستان جازۋشىلار وداعىنىڭ ادەبيەتشىلەر ۇيىندە قازاقستان جازۋشىلار وداعىنىڭ باسقارماسى، «ەر جانىبەك حالىقارالىق قوعامدىق قورى»، «ەل اماناتى» قوعامدىق بىرلەستىگىنىڭ ۇيىمداستىرۋىمەن قازاقستان جازۋشىلار وداعىنىڭ، ەۋرازيا جازۋشىلار وداعىنىڭ مۇشەسى. حالىقارالىق شىڭعىسحان اكادەمياسىنىڭ اكادەميگى ءجادي شاكەنۇلىنىڭ التى شىعارماشىلىق ەڭبەگى التى الاشقا جول تارتپاق. قازاقستان جازۋشىلار وداعى باسقارماسى توراعاسىنىڭ ورىنباسارى، اقىن باۋىرجان جاقىپ مىرزانىڭ جۇرگىزۋىمەن وتەتىن ايتۋلى كەشتىڭ تۇساۋكەسەرىنە كورنەكتى ادەبيەتشى عالىمدار مەن قالامگەرلەر: تەمىرحان تەبەگەنوۆ، جانات احمادي،سەرىكقازى قوراباي، داۋلەتبەك بايتۇرسىن، جاركەن بودەشۇلى، عالىم جايلىباي، مۇرات شايماران، ت.ب. سونىمەن قاتار، باسپا ءسوز وكىلدەرى قاتىسادى دەپ كۇتىلۋدە.

ج.شاكەنۇلى 1967 جىلى 5 مامىردا قىتاي اۋماعىنا قاراستى ءور التايدا تۋعان. 1997 جىلى اتاجۇرتقا قونىستانعان.  تاۋەلسىز ەلگە كەلگەنەن باستاپ، ەل مەن ۇلتتىڭ قامى ءۇشىن ەڭبەك ەتۋگە كىرىسىپ كەتكەن ادۋىندى جازۋشى  «شالقار»،  «قازاق ادەبيەتى»، «جاس قازاق ءۇنى» گازەتتەرىندە، دۇنيەجۇزى قازاقتارى قاۋىمداستىعىندا  جاۋاپتى ادەبي قىزمەتتەر اتقارعان.

پروزادا «ءبىر ۋىس ساۋلە»، «جۇرەك نەگە جىلايدى»   اڭگىمەلەر جيناعى، «قارالى كوش» – تاريحي رومانى جارىق كورگەن. «قارالى كوش» كىتابى تۇرىك تىلىنە اۋدارىلعان. بالالار ادەبيەتى تاقىرىبىندا «اق بالاپان»، «ارمانشىل بالا» كىتاپتارىن جازعان. ءبىر ءبولىم مىسال اڭگىمەلەرى وقۋلىقتارعا كىرگەن. «اق بالاپان» كىتابى تۇركيادا لاتىن جازۋىندا شىققان. ادەبيەتتىك سىن-زەرتتەۋ تاقىرىبىندا «جالعىزدىڭ ءۇنى» كىتابى جارىق كورىپ، ونىڭ ىشىندەگى «شىنجاڭداعى قازاق ادەبيەتى» ماقالاسى ادەبيەت تەورياسى جيناقتارىنا كىرگەن. قازىرگە دەيىن جازۋشىنىڭ اۆتورلىق تۋىندىلارىنان 12 كىتاپ، قۇراستىرعان ەڭبەكتەرىنەن 20 كىتاپ جارىق كورگەن.

بۇدان سىرت ا.تاتانايۇلىنىڭ «ەل قورعانى – ابىلاي»، م.رازدانۇلىنىڭ «التايدىڭ اقيىقتارى»، س.ابىلقاسىمۇلىنىڭ «قۋعىن»، ق.شابدانۇلىنىڭ «قىلمىسى»، ت.ب. كوپتەگەن كىتاپتاردى رەداكتسيالاپ، اتا جۇرتتا جارىق كورۋىنە وزىندىك ۇلەسىن قوستى. جازۋشى شىعارماشىلىعى حاقىندا – ت.كاكىشەۆ، ت.بەيىسقۇلوۆ، م.ءراش، ت.تەبەگەنوۆ، ز.سەيىتجان، ج.احمادي، ءا.قارا، ن.ءتۇسىپحان، ب.جىلقىبەك، ب.ءبامىش، ت.ب. قالامگەر-عالىمدار قۇندى زەرتتەۋ ماقالالارىن جازعان. ءمولدىر داۋكەنوۆا ەسىمدى ستۋدەنت «قارالى كوش» رومانى حاقىندا ماگيسترلىك ەڭبەك قورعاعان.

وسى رەتتە ءجادي شاكەنۇلىنىڭ «بوزمۇنار» رومان-حيكاياتتار كىتابى، «التاي الىپتارى»، «وسپان باتىر جانە شىعىس تۇركىستان ماسەلەلەرى» اتتى زەرتتەۋ ەڭبەكتەرى، «قىتاي قازاقتارىنىڭ ادەبيەتى» اتتى ادەبي سىن-زەرتتەۋلەرى، «بەگزات ءسوز» اتتى قالامگەر شىعارماشىلىعى جايىندا جازىلعان وزگە اۆتورلاردىڭ ماقالالار جيناعى سىندى بەس كىتابى جارىق كورىپ وتىر. سونىمەن بىرگە وقىرماندار سۇرانىسى بويىنشا «قارالى كوش» كىتابى ا.بايتۇرسىن ۇلگىسىندەگى توتە جازۋدا جارىق كورۋدە. ساليقالى كەزدەسۋدە اسەم اندەر شىرقالىپ، كەش مەرەيىن اسىرادى. بىرەگەي جازۋشىعا «ارمان» اكو ۇجىمى شىعارماشىلىق تابىس، زور دەنساۋلىق تىلەيمىز.

رۋحاني ازىق بولارلىق رۋحانياتتىڭ ورداسىندا التى الاشقا جول تارتار التى كىتاپتىڭ تۇساۋكەسەرىنىڭ كۋاسى بولۋعا شاقىرامىز.
پودروبنەە: http://arman-ako.com/zhanalyktar/altyi-alashqa-zhol-tartar-altyi-kitap.html