ساياسات سالاسىندا جۇرگەندەر قاشان دا ەل اۋزىندا. ولاردىڭ وتباسى دا حالىق نازارىنان تىس قالمايدى. ەلىمىزدە ساياساتتىڭ تۇتقاسىن ۇستاعان تانىمال ازاماتتاردىڭ ۇلدارىن comode.kz باسىلىمى تىزبەكتەدى.

ءنۇرالى اليەۆ

اناسى: داريعا نازارباەۆا. اتاسى: قازاقستان پرەزيدەنتى نۇرسۇلتان نازارباەۆ.

ءنۇرالى اليەۆ ساياساتتان گورى بيزنەسكە كوبىرەك بەت بۇرعان. ءنۇرالى – Capital Holding كومپانياسىنىڭ، پوليمەتاللدار وندىرەتىن “زەرتتەۋ” كەن ورنىنىڭ قوجايىنى. Hit Fm, Alma TV, نتك جانە “تەلەكروندا” ۇلەستەرى بار. سوڭعى جىلدارى ءنۇرالى قۇرىلىس پەن مەيرامحانا كاسىبىنە دە قىزىعۋشىلىق تانىتۋدا. الماتىداعى Donatello بۋتيك-مەيمانحاناسى اليەۆتىڭ يەلىگىندە.

بۇدان وزگە اليەۆ استانا قالاسى اكىمىنىڭ ورنىباسارى قىزمەتىنە تاعايىندالعان. ول اباي اتىنداعى قازاق ۇلتتىق ۋنيۆەرسيتەتىن ەكونوميكا جانە قارجى مامانداعى بويىنشا، پەپپەردين ۋنيۆەرسيتەتىن (بيزنەس-اكىمشىلەندىرۋ) جانە يمادەك ۋنيۆەرسيتەتىنىڭ ماگيستراتۋراسىن (بيزنەس-اكىمشىلەندىرۋ) تامامداعان.

ماكسيم بوجكو

اكەسى: 2007-2014 جىلدار ارالىعىندا توتەنشە جاعدايلار ءمينيسترى بولعان ۇلتتىق قاۋىپسىزدىك كوميتەتىنىڭ گەنەرال-لەيتەنانتى ۆلاديمير بوجكو.

تانىمال شەنەۋنىكتىڭ ۇلى كوبىنە رەسەيلىك ەكونوميكا نارىعىندا كوزگە ءتۇسىپ ءجۇر. بىرنەشە اگروونەركاسىپتىك كەشەندەردىڭ باسشىسى قازاقستاننىڭ اۋىل شارۋاشىلىعىن دامىتۋدا. “اقمولا فەنيكس” پەن “شاڭىراق گرۋپپ” كومپانيالارىنىڭ يەسى باق-قا سيرەك سۇحبات بەرەدى. سوڭعى مالىمەتتەرگە سايكەس، ماكسيم لوندوندا تۇرادى. ول استانا مەن ماسكەۋگە ءىس-ساپارمەن ءجيى كەلەدى.

پاۆەل كۋلاگين

اكەسى: اقمولا وبلىسىنىڭ اكىمى سەرگەي كۋلاگين.

اقمولا وبلىسى اكىمىنىڭ ۇلى مەكتەپ بىتىرە سالىسىمەن ماسكەۋگە كوشكەن. سول جەردە لومونوسوۆ اتىنداعى مەملەكەتتىك ۋنيۆەرسيتەتتى ءتامامداپ، رەسەي مەملەكەتتىك قىزمەت اكادەمياسىن بىتىرگەن. 2004 جىلدان باستاپ پاۆەل تەك كوممەرتسيالىق قۇرىلىمداردا قىزمەت ەتۋمەن بولعان. 2007 جىلدىڭ باسىندا پاۆەل ساياساتقا ارالاسا باستادى. ەكى جىل بۇرىن ول استانادا كوممۋنالدى شارۋاشىلىقتى باسقارۋدى قولعا العان. پاۆەل ازىرگە ۇيلەنبەگەن جانە كوپ ۋاقىتىن جۇمىسقا جۇمسايدى.

عالىمجان ەسەنوۆ

اكەسى: گەولوگيا عىلىمدارىنىڭ دوكتورا شاحماردان ەسەنوۆ. قايىن-اتاسى: الماتى اكىمى احمەتجان ەسىموۆ.

الماتى اكىمىنىڭ كۇيەۋ بالاسى قارجى سالاسىندا ورنىعىپ ۇلگەرگەن. ول “سەيمار” ينۆەستيتسيالىق توبىن باسقارىپ، “اليانس بانكى” ديرەكتورلار كەڭەسىنە مۇشە بولعان. KNG Finance باس ديرەكتورى، “اتف بانكى” ديرەكتورلار كەڭەسىنىڭ توراعاسى قىزمەتتەرىن اتقارادى. ەكى جىل بۇرىن عالىمجان Shakhmardan Yessenov Foundation عىلىم-ءبىلىم قورىنىڭ نەگىزىن قالاپ، اكەسىنىڭ ءىسىن جالعاستىرادى. 7 جاسقا دەيىنگى بالالارى بار جاس انالارعا ءۇي ۇسىناتىن “دوم مامى” جوباسىن باسقاردى. عالىمجاننىڭ ءبىر ۇل بار.

يگور شكولنيك

اكەسى: ەنەرگەتيكا ءمينيسترى ۆلاديمير شكولنيك.

2015 جىلدىڭ مامىرىندا Forbes جۋرنالى يگوردى قازاقستاننىڭ ەڭ قالتالى 50 ازاماتتارى قاتارىنا كىرگىزدى. 2011 جىلى باق ونىڭ ەڭ ايتۋلى قادامىن – رەسەيلىك مۇناي وڭدەۋ زاۋىتىن ساتىپ الۋىن تالقىلاۋمەن بولدى. يگور – ءۆلاديميردىڭ ورتانشى ۇلى. ونىڭ ساياساتقا ارالسا بەرمەيتىن قارىنداسى مەن باۋىرى بار. بۇگىندە يگور اكەسىنەن وقشاۋ ءوز كاسىبىن جالعاستىرۋدا. ول الماتىعا سيرەك كەلەدى. كوپ ۋاقىتىن ماسكەۋ مەن ومسكىدە جۇمسايدى.

قۋاندىق بىشىمباەۆ

اكەسى: پارلامەنت ءماجىلىسىنىڭ دەپۋتاتى ءۋاليحان بىشىمباەۆ.

33 جاستاعى تانىمال شەنەۋنىك “سامۇرىق-قازىنا” قورى باسقارماسىنىڭ توراعا ورىنباسارى قىزمەتىن اتقارادى. قۋاندىق اقش-تاعى دجوردج ۆاشينگتون ۋنيۆەرسيتەتىندە ءبىلىم العان. 21 جاسىندا قازاقستان دامۋ باكىنىنىڭ باس مەنەدجەرى بولىپ تاعايىندالۋىنا وراي، وقۋدى جەدەل اياقتاۋىنا تۋرا كەلگەن. ءبىر جىلدان كەيىن ەكونوميكا جانە بيۋدجەتتىك جوسپارلاۋ مينيسترلىگىنە قىزمەتكە تۇرادى. 2006-2012 جىلدار اراسىندا قۋاندىق مانساپ جولىندا ءبىراز جەتىستىكتەرگە جەتتى. پرەزيدەنت كومەكشىسى، ەكونوميكالىق دامۋ جانە ساۋدا-ساتتىق ۆيتسە-ءمينيسترى، بىرنەشە كورپوراتسيا باسقارمالارىنىڭ توراعاسى قىزمەتتەرىن اتقاردى. قۋاندىقتىڭ ءۇش ۇلى بار. ەڭ كىشىسى 4 جاستا.

سامات ءابىش

اعاسى: پرەزيدەنت نۇرسۇلتان نازارباەۆ.

پرەزيدەنتتىڭ نەمەرە ءىنىسى ۇلتتىق قاۋىپسىزدىك كوميتەتىندە جۇمىس ىستەمەي تۇرىپ، اسكەري بورىشىن وتەگەن. وتكەن جىلى گەنەرال-مايور اتاعىن يەلەندى. مەملەكەتتىك قىزمەتپەن قاتار سامات بيزنەسپەن دە اينالىسادى. باق-تا ونى باۋىرى قايرات ساتىبالدىنىڭ ءىزىن باسۋشى دەپ اتايدى. قايرات ساتىبالدى 34 جاسىندا قازاقستاندىق ارنايى قىزمەتتىڭ ەڭ جاس گەنەرالى اتانعان. سامات باق-تا ءجيى كورىنبەيدى جانە كوپ ۋاقىتىن ايەلى مەن ەكى بالاسىنا جۇمسايدى.

مارات بەكەتاەۆ

اكەسى: ادىلەت ءمينيسترىنىڭ كەڭەسشىسى بەكەتاەۆ باقىتجان.

2000 جىلى مارات لوندوندىق ەكونوميكا جانە ساياسي عىلىمدار مەكتەبىن ءتامامداپ، الماتىدا بريتاندىق كەڭەستىڭ قۇقىقتىق ماسەلەلەر بويىنشا كونسۋلتانتى قىزمەتىن اتقارادى. مارات بۇگىندە ادىلەت مينيسترلىگىنىڭ جاۋاپتى حاتشىسى. وتباسىلى. الينا جانە ماليكا ەسىمدى ەكى قىزى بار.

ەسكە سالساق، بۇعان دەيىن قازاقستاندىق تانىمال ساياساتكەرلەردىڭ ەل اۋزىندا جۇرگەن قىزدارىنىڭ ءتىزىمىن جاريالاعان بولاتىنبىز.