قازاعىم تاعى ءبىر ابىزىنان ايىرىلدى، ادەبيەتتانۋشى، پروفەسسور تۇرسىنبەك كاكىشەۆ 89 جاسىنا قاراعان شاعىندا قايتىس بولدى. الاش بالاسىنا قايعىرا كوڭىل ايتامىز!

kerey.kz

كاكىشەۆ تۇرسىنبەك (1927 جىلى تۋعان) – ادەبيەتشى، عالىم، سىنشى. فيلولوگيا عىلىمدارىنىڭ دوكتورى، پروفەسسور،قازاقستان رەسپۋبليكاسىنىڭ ەڭبەك سىڭىرگەن عىلىم قايراتكەرى.

«وڭاشا وتاۋ» (1982) كىتابىنا ەنگەن «ابايتانۋدىڭ العاشقى اسۋلارى»اتتى ماقالاسىندا قازاق ادەبي سىنىنداعى اباي شىعارماشىلىعى توڭىرەگىندە اتقارىلعان ىستەرگە، ونىڭ ۇلتتىق سىني- عىلىمي ويدىڭ دامۋ ەۆوليۋتسياسىنداعى كورىنىسىنە، اباي شىعارمالارىن زەرتتەۋشى عالىمداردىڭ بۇل ىسكە قوسقان ۇلەسىنە، جەكەلەگەن زەرتتەۋلەر مەن ماقالالارعا تالداۋ جاسايدى. اۆتور مۇندا ابايتانۋ عىلىمىنىڭ العاشقى كەزەڭىندەگى زەرتتەۋلەردىڭ قازاق ادەبي، عىلىمي سىنىنا نەگىز بولعانىن ەرەكشە ءبولىپ ايتادى. كاكىشەۆ «ابايدىڭ ساتيراسى» (اباي تاعىلىمى، الماتى, 1986) جانە «اسىلدىڭ سىنىعى» («لەنينشىل جاس»، 20. 05. 1970) اتتى ماقالالارىندا اباي شىعارمالارىنىڭ تاقىرىپتىق- يدەيالىق جانە كوركەمدىك ەرەكشەلىكتەرىنە نازار اۋدارسا، «ورىس وريەنتاليستەرى اباي تۋرالى» دەگەن ماقالاسىندا («ەرتىس»، 22. 09. 1963) ورىس زەرتتەۋشىلەرىنىڭ اباي جايىندا ايتقان پىكىرلەرى مەن بەرگەن باعالارىنا تالداۋ جاسايدى.