قازاق بالاسى ءۇشىن قۋانۋ بىزگە قيىندىق تۋدىرا ما؟ 17 جاسىندا باۋىرجان ەسەباەۆتىڭ «ارمان» انىمەن بارشا تىڭدارماننىڭ جۇرەك تۇكپىرىنەن ورىن الىپ، وسى انمەن تانىلدى. «ارمان» ءانىن قايراتتىڭ الدىندا بىرنەشە ورىنداۋشىلار ورىندادى. بىراق، بۇل ءاننىڭ باعىن قايرات اشتى، ءان قايراتتىڭ باعىن اشتى. بۇل ءاننىڭ ءىزىن باسىپ كوپتەگەن اندەر شىقتى. “قىزدار-اي” دەپ اۋەلەتىپ ءان سالىپ ەدى، تولاسسىز قوڭىراۋلار سوعىلىپ، ەسەپسىز حاتتار جازىلدى. سودان سوڭ قايرەكەڭ «كوز جاسىڭ كومەكتەسپەيدى» دەدى. سەبەبى، سەزىمىن بىلدىرەتىن قىزداردا ەسەپ جوق بولاتىن. «ساعىنسام قالاي شىدايمىن» دەدى دە، ارتىنشا «ەشكىمگە كورسەتپەيمىن» دەپ شىرقاي ءتۇستى. قايراتتىڭ ورنىندا كىم بولسا دا كورسەتپەۋشى مە ەدى، كىم بىلەدى؟! بىراق، حالىق نە دەسە دە «اق قۇسى» بار ما، جوق پا ول جاعى – قۇپيا. ۇيلەنگەنىندە نە ۇيلەنبەگەنىندە بىرەۋگە كەلىپ كەتەرى جوق. جەكە ءومىرىن ەمەس، ونەرى مەن ەنبەگىن باعالاساق جەتىپ جاتىر. يسلامدا دا، اماناتقا العان ايەلىن ەل كوزىنەن تاسا ۇستاۋ قاجەتتىگى ايتىلعان. دەمەك، ءوزىنىڭ ارى، نامىسى سانالاتىن ايەلىن سىرت كوزدەن جاسىرىپ، “ەشكىمگە كورسەتپەۋى” ورىندى-اق… قايراتتىڭ بارلىق ءانى حيت. بىراق مىنا حيت ءاننىڭ ورنى ەرەكشە بولدى. ول ءاننىڭ اكەسى ء(انىن جازعان) باۋىرجان ەسەباەۆ، شەشەسى ء(سوزىن جازعان) ولجاس وتار. “اۋىرمايدى جۇرەك، اۋىرمايدى!” بىراق، قايدان اۋىرماسىن، اياقتان شالىپ، بالاقتان تارتىپ جاتسا؟

سوڭعى جىلدارى قايراتتىڭ اتىن پايدالانىپ، پايدا تاپقىسى كەلەتىن پىسىقايلار كوبەيىپ كەتتى. “جىلدار مەن جولدار” ونى تالاي سوقپاققا سالدى. قانداي بىلىقتى جەر بولسا، سول جەردە اتىشۋلى ءانشىمىزدىڭ ەسىمى اتالىپ جاتادى. قانداي باق وكىلى بولماسىن، قايراتتىڭ اتىن ەستىسە اقپارات الۋعا اسىعاتىنى جاسىرىن ەمەس. اسىعى الشىسىنان ءتۇسىپ جۇرگەن باسقا ەمەس، ءوزىمىزدىڭ قازاقتىڭ ۇلى عوي. داۋسى جوق دەرسىز، باسقا دەرسىز. بىراق ءبىز جاسالىپ جاتقان ەڭبەكتى باعالاۋىمىز كەرەك. داۋسى بار دەپ سانايتىندارىڭىزدان كىم بۇلاي جاساپ جاتىر؟
- داۋىسى جوق بولسا، ەل ارالاپ جاندى داۋىستا كونتسەرت قويارما ەدى؟
- ءجيى-ءجيى كونتسەرت قويادى، تىڭدارمانىمەن تىعىز بايلانىستا.
- ءبىر انمەن ەلدى جالىقتىرمايدى، ۇنەمى ىزدەنىستە! ءوزىن جان-جاقتى قىرىنان تانىتىپ جۇرگەن ونىڭ، جاقسى جاعىن سانامالاساق جەتىپ ارتىلادى.
«ماماسىنىڭ بالاسى» دەيسىزدەر ونىڭ نەسى ايىپ، نەسى ءمىن؟ باسقانىڭ ەمەس تۋعان اناسى عوي. جۇماقتى جاقسى كورىپ، قۇرمەتتەي العان پەرزەنت، باسقانىڭدا قادىرىنە جەتە الادى. وسىنشا جەتىستىككە جەتۋى پروديۋسسەرىنىڭ شىن جاناشىر بولۋىندا شىعار. باسقا ادام كەزىندە قايراتتى قولداعان بولسا، ءدال بۇگىنگىدەي دارەجەگە جەتپەس پە ەدى، بەلگىسىز. سۋىق كۇندە توڭدىرمايتىن، قارنى اشسا تويدىراتىن اكەسى، اناسىمەن بىرگە ەڭبەك ەتىپ كەلەدى. بۇل ونىڭ ۇتقان ۇپايى دەپ ەسەپتەيمىن.
«وكىنىش» دەپ كينو ءتۇسىردى. كينونىڭ وقيعا جەلىسى ءانشىنىڭ ءوز ومىرىنەن الىنعان. كينو ءار ءتۇرلى كەرى تارتپا پىكىرلەر تۋىنداتتى: بايلىققا ماس بولىپ ماقتاندى، ءۇيىن، ماشينالارىن، قىمبات زاتتارىن كورسەتتى دەگەن ىسپەتتەس. ونداي دۇنيەلەردى المايتىن بولسا، اۋەلى وزىنە قاراسپاسا، كىمدى جارىلقايدى؟ جىرتىق-جىرتىق كيىم كيىپ جۇرسە، تاعى دا جەردەن الىپ، جەرگە سالار ەدىك قوي. ال، ەكىنشى جاق بۇل پىكىرلەرگە قارسى شىعىپ جاتتى. كينو ۇناماسا، وزىڭە ۇنايتىن كينونى ءتۇسىرىپ كورىڭىزشى… ارينە قولدان كەلسە. ۋشىققان انگىمەگە قاراماستان KN جۋرنالىن، KN برەندتىك كيىمدەرىن شىعاردى. جۋرنال شىققان سوڭ بىلىكتى مامانداردان سىندارلى سىن دا، كەكەتۋلەردە بولدى. بىراق، حالىق اپپاق تىلەگىن ادەتتەگىدەي جاۋدىردى. جاۋ الىستا بولمايدى، ارىپتەستەرىنەن كەلىپ جاتقان سوققى دەپ توپشىلادىم. كيىم دۇكەنى اشىلعان سوڭ دا ءدال وسىنداي كورىنىستىڭ كۋاسى بولدىق. حالىق جاپا تارماعاي كيىمدەردى ساتىپ الىپ جاتتى. ال، ارىپتەستەر… قىتايدا جاسالعان، تازا برەند ەمەس ت.ب.
وسىنداي جاعدايلار شارشاتسا كەرەك، اندەرىنىڭ ءبىرى، ازۋلى اقىن اقمارال لەۋباەۆانىڭ سوزىنە جازىلعان «جارالى جاننىڭ ءانى بۇل».
“كۇڭدەستىك دەيتىن قوڭىراۋ،

سوڭىنان ەرىپ ءالى ءجۇر

تىلەگىن ايتار ەل بار دا،

جۇرەگىم ايتار ءالى جىر.

جاراتقان يەم سەن باردا،

جەڭەمىن ءبارىن، ءبارىبىر!».

كىم نە دەسە دە قايرات ەڭبەكقور! تىنىم تاپپاي ىزەندەدى،حالىقتىڭ كوڭىلىنەن شىعۋى ءۇشىن ۇنەمى ەڭبەك ەتەدى. بەينەباياندارى دا كوڭىلدەن شىعارلىق. تىڭدا، مەيلى، تىڭداما، قايرات نۇرتاس مەگا جۇلدىز! ءبارىبىر، حالىق قايراتتىڭ ونەرىن جاقسى كورەدى. حالىقتىڭ ماحابباتىنا بولەنگەن ءانشى. باسقانىڭ ءبارىن ساتىپ الۋعا بولادى، تەك حالىقتىڭ ماحابباتىن ەمەس.

ارايلىم ايتقوجا،

“شىن-اقپارات”