Qazaq balası üşin quanu bizge qiındıq tudıra ma? 17 jasında Bauırjan Esebaevtıñ «Arman» änimen barşa tıñdarmannıñ jürek tükpirinen orın alıp, osı änmen tanıldı. «Arman» änin Qayrattıñ aldında birneşe orındauşılar orındadı. Biraq, bwl änniñ bağın Qayrat aştı, än Qayrattıñ bağın aştı. Bwl änniñ izin basıp köptegen änder şıqtı. “Qızdar-ay” dep äueletip än salıp edi, tolassız qoñıraular soğılıp, esepsiz hattar jazıldı. Sodan soñ Qayrekeñ «Köz jasıñ kömektespeydi» dedi. Sebebi, sezimin bildiretin qızdarda esep joq bolatın. «Sağınsam qalay şıdaymın» dedi de, artınşa «Eşkimge körsetpeymin» dep şırqay tüsti. Qayrattıñ ornında kim bolsa da körsetpeuşi me edi, kim biledi?! Biraq, halıq ne dese de «Aq qwsı» bar ma, joq pa ol jağı – qwpiya. Üylengeninde ne üylenbegeninde bireuge kelip keteri joq. Jeke ömirin emes, öneri men enbegin bağalasaq jetip jatır. Islamda da, amanatqa alğan äyelin el közinen tasa wstau qajettigi aytılğan. Demek, öziniñ arı, namısı sanalatın äyelin sırt közden jasırıp, “Eşkimge körsetpeui” orındı-aq… Qayrattıñ barlıq äni HIT. Biraq mına hit änniñ ornı erekşe boldı. Ol änniñ äkesi (änin jazğan) Bauırjan Esebaev, şeşesi (sözin jazğan) Oljas Otar. “Auırmaydı jürek, auırmaydı!” Biraq, qaydan auırmasın, ayaqtan şalıp, balaqtan tartıp jatsa?

Soñğı jıldarı Qayrattıñ atın paydalanıp, payda tapqısı keletin pısıqaylar köbeyip ketti. “Jıldar men joldar” onı talay soqpaqqa saldı. Qanday bılıqtı jer bolsa, sol jerde atıŞULI änşimizdiñ esimi atalıp jatadı. Qanday BAQ ökili bolmasın, Qayrattıñ atın estise aqparat aluğa asığatını jasırın emes. Asığı alşısınan tüsip jürgen basqa emes, özimizdiñ qazaqtıñ wlı ğoy. Dausı joq dersiz, basqa dersiz. Biraq biz jasalıp jatqan eñbekti bağalauımız kerek. Dausı bar dep sanaytındarıñızdan kim bwlay jasap jatır?
- Dauısı joq bolsa, el aralap jandı dauısta koncert qoyarma edi?
- Jii-jii koncert qoyadı, tıñdarmanımen tığız baylanısta.
- Bir änmen eldi jalıqtırmaydı, ünemi izdeniste! Özin jan-jaqtı qırınan tanıtıp jürgen onıñ, jaqsı jağın sanamalasaq jetip artıladı.
«Mamasınıñ balası» deysizder onıñ nesi ayıp, nesi min? Basqanıñ emes tuğan anası ğoy. Jwmaqtı jaqsı körip, qwrmettey alğan perzent, basqanıñda qadirine jete aladı. Osınşa jetistikke jetui prodyusseriniñ şın janaşır boluında şığar. Basqa adam kezinde Qayrattı qoldağan bolsa, däl bügingidey därejege jetpes pe edi, belgisiz. Suıq künde toñdırmaytın, qarnı aşsa toydıratın äkesi, anasımen birge eñbek etip keledi. Bwl onıñ wtqan wpayı dep esepteymin.
«Ökiniş» dep kino tüsirdi. Kinonıñ oqiğa jelisi änşiniñ öz ömirinen alınğan. Kino är türli keri tartpa pikirler tuındattı: baylıqqa mas bolıp maqtandı, üyin, maşinaların, qımbat zattarın körsetti degen ispettes. Onday dünielerdi almaytın bolsa, äueli özine qaraspasa, kimdi jarılqaydı? Jırtıq-jırtıq kiim kiip jürse, tağı da jerden alıp, jerge salar edik qoy. Al, ekinşi jaq bwl pikirlerge qarsı şığıp jattı. Kino wnamasa, öziñe wnaytın kinonı tüsirip köriñizşi… Ärine qoldan kelse. Uşıqqan ängimege qaramastan KN jurnalın, KN brendtik kiimderin şığardı. Jurnal şıqqan soñ bilikti mamandardan sındarlı sın da, keketulerde boldı. Biraq, halıq äppaq tilegin ädettegidey jaudırdı. Jau alısta bolmaydı, äriptesterinen kelip jatqan soqqı dep topşıladım. Kiim dükeni aşılğan soñ da däl osınday körinistiñ kuäsi boldıq. Halıq japa tarmağay kiimderdi satıp alıp jattı. Al, äriptester… Qıtayda jasalğan, taza brend emes t.b.
Osınday jağdaylar şarşatsa kerek, änderiniñ biri, azulı aqın Aqmaral Leubaevanıñ sözine jazılğan «Jaralı jannıñ äni bwl».
“Küñdestik deytin qoñırau,

Soñınan erip äli jür

Tilegin aytar el bar da,

Jüregim aytar äli jır.

Jaratqan Iem sen barda,

Jeñemin bärin, bäribir!».

Kim ne dese de Qayrat eñbekqor! Tınım tappay izendedi,halıqtıñ köñilinen şığuı üşin ünemi eñbek etedi. Beynebayandarı da köñilden şığarlıq. TIÑDA, MEYLİ, TIÑDAMA, Qayrat NWRTAS mega jwldız! Bäribir, halıq Qayrattıñ önerin jaqsı köredi. Halıqtıñ mahabbatına bölengen änşi. Basqanıñ bärin satıp aluğa boladı, tek HALIQTIÑ MAHABBATIN EMES.

Araylım AYTQOJA,

“Şın-aqparat”