«بىرتەكتىلىك» كوكەيگە قونباي تۇر
kerey.kz
كەيىنگى كەزدە بىرقاتار رەسمي قۇجاتتاردا قازاقستاندىقتاردىڭ بىرتەكتىلىگى جونىندە ءجيى ايتىلاتىن بولىپ ءجۇر. وسى ارەكەت ماعان قيىلىسپايتىن نارسەلەردى قيىلىستىرعىسى كەلگەن الدامشى تەوريا سياقتى كورىنەدى. ويتكەنى بىرتەكتىلىكتى قالىپتاستىراتىن نەگىزىنەن – ءتىل. اقش جۇرتى بىرتەكتى بولسا ول اعىلشىن ءتىلىنىڭ توڭىرەگىنە توپتاسىپ بىرتەكتى بولىپ تۇر. رەسەيدە جۇرت ورىس ءتىلىنىڭ توڭىرەگىنە توپتاسقان. بىزدەگى بيلىك ايتاتىن بىرتەكتىلىك سوندا قاي ءتىلدىڭ توڭىرەگىنە توپتاسادى؟
قازاقستانداعى حالىقتىڭ 70 پايىزىنا جاقىنداپ قالعان قازاق حالقى ەندى ءولىپ كەتسە دە باسقا ءتىلدىڭ توڭىرەگىنە توپتاسپايدى! قازاقتاردى ورىستاندىرىپ بىرتەكتى ەتۋ ءتىپتى كرەملدىڭ دە قولىنان كەلمەيدى!
ەلىمىزدەگى 130 ەتنوستىڭ ەشقايسىسى ءوز ەتنوسىنىڭ نە قازاققا، نە ورىسقا ءسىڭىسىپ اسسيملياتسيانالىپ كەتۋىن قالامايدى. سوندىقتان كوكەيگە قونبايتىن «بىرتەكتىلىك» يدەياسى ىشتەي ءولى تۋعان «بالا ما» دەپ ويلايمىن!
ەڭ دۇرىسى بيلىك قازاقستان حالقىن قازاق حالقىنىڭ توڭىرەگىنە توپتاسۋعا، قازاق مەملەكەتتىلىگىن بىرلەسىپ نىعايتۋعا شاقىرعانى جاراسادى. كەيبىرەۋلەر قانشاما كەدەرگى جاساعىسى كەلگەنىمەن اللا قالاسا، ءتۇپتىڭ تۇبىندە قازاقتىڭ ۇلتتىق مەملەكەتتىلىگى ۇلكەن سەرپىنمەن داميتىنى كۇمانسىز. قازاق ءتىلى باسىم تىلگە اينالاتىنى دا ايداي اقيقات. مۇنى تۇسىنگىسى كەلمەگەندەردىڭ كۇندەردىڭ كۇنىندە تاريح قوقىسىنا لاقتىرىلاتىنىن دا بىلگەنى جاقسى.
پىكىر قالدىرۋ