Қасиетті Құран Кәрімде «Бақара» сүресінің 255-аяты «Әл- Күрсидің» алар орны ерекше. Пайғамбарымыз (с.ғ.с.): «Әрбір парыз намазынан кейін «Аятәл-Күрсиді» оқыған адамды жұмақтан тек өлім ғана бөліп тұрады» – деген.  Сондай-ақ, «Аят-әл-Күрси» оқылған үйден шайтан қашады.

Бұл аятта Алланың 17 көркем есімі қамтылған. Онда
55 сөз бар, оның әрқайсысында 55 жақсылықтан бар.

Бірде Алла елшісі (с.ғ.с.) Әлиге (р.а.): «Сен «Бақара» сүресіндегі «аятуль-курсиді» оқуың керек. Оның әрбір әрпінде мың береке, мың рахымшылық бар» деген болатын.

«Кімде – кім парыз етілген намаздардан кейін «аятуль-курсиді» оқитын болса, одан соңғы намазға дейін аман-есен болады».

       Бисмилләәһир-рахмаанир-рахиим
       «Аллаһу ләә иләәһә илләә һуәл-Хайюл-Қайюм, ләә тәъхузуһу синәту уә ләә нәум, ләһу мәә фис-сәмәәуәәти уә мәә фил-ард, мән зәлләзии яшфа’ъу

ъ’индаһу иллә би-изниһ, иаъламу мәә бәйнә әйдиһим уә мәә халфаһум, уә ләә юхитууна бишәййм-мин ъилмиһи илләә бимәә шәә, уасиъа курсиюһус-сәмәуәти уәл-ард, уә ләә иәудуһу хифзуһумә уә һуәл-ъАлиюл-′Азиим».

       Мағынасы: 
       «(Бір) Алла, Одан басқа құдай жоқ. Ол – Хай (мәңгі тірі), Қаюумм (еш нәрсеге арқа сүйемей күллі болмысты бір Өзі тіреп, меңгеріп тұрушы). Ол әсте қалғымайды, Оны (ғапылдық та), ұйқы да баспайды. Күллі аспан әлеміндегі һәм жердегі барлық нәрсе бір Өзіне тиесілі. Оның дәргейінде рұқсатынсыз біреу үшін шапағат етіп, ара түсе алатын кім бар? Ол күллі жаратылыстың алдындағы болашағын да, артындағы өткенін де толық әрі жақсы біледі. Ал олар болса, Оның шексіз ілімінен еш нәрсені толық ұға да, меңгере де алмайды, тек Өз қалауымен ұғындырып, үйреткен нәрсесі болса, оның жөні басқа. Оның (шексіз билігінің көрінісі болған) Күрсісі күллі аспан әлемі мен жерді толық қамтыған. Күллі аспан әлемі мен жерді қызғыштай қорып, сақтап тұру Ол үшін түк те қиын емес, Ол – Алий (бәрінен биік, асқақ), Азим (бәрінен ұлы)».

mazhab.kz