Elbası qatısuşılarğa arnağan sözinde Qazaqstan halqınıñ ömirinde dinniñ erekşe röl atqaratının atap ötip, memleket tarapınan dini qarım-qatınastardı retteu üşin qabıldanıp jatqan şaralarğa toqtaldı.

– Memleket bwl mäselege erekşe köñil bölip otır. Problemalarğa taldau jasap, osı salağa qoldau körsetetin arnaulı ministrlik qwrdıq.

Jaqında men tarihi jäne ruhani baylığımızdı saqtay otırıp, onı arttıru, sananı jañğırtu qajettigi turalı maqala jariyaladım. Patriotizm, otandı süyu, el işindegi jäne öñirlerdegi twraqtılıq – bizdiñ bolaşağımız. Sol üşin biz birlese jwmıs isteuge tiispiz, – dedi Memleket basşısı.

Nwrswltan Nazarbaev cifrlıq tehnologiyalar damığan däuirde Qazaqstan öziniñ wlttıq qwndılıqtarın, mädenieti men salt-dästürin saqtauğa tiis ekenin ayttı.

Sonday-aq, Qazaqstan Prezidenti destruktivti dini ağımdarğa qarsı küres jürgizu qajettigine nazar audardı.

– Qazaqstannıñ aumağı wlan-baytaq jäne tabiği qazba baylıq pen resurstarğa bay ekeni barşağa belgili. Osınıñ bärine qızğanışpen qaraytındar da bar. Olar – bizge qastıq oylap, qoğamımızdıñ ıntımağın bwzuğa tırısuşılar. Halqımızdıñ arasına teris dini ağımdardı engizu bizge sırttan ıqpal etudiñ bir täsili bolıp sanaladı. Soñğı uaqıtta osınday ürdis bayqalıp otır. Biz memlekettigimizge qauip töndiretin kez kelgen qwbılıspen küresuge tiispiz. Sondıqtan sizderdiñ aldarıñızda zor mindetter twr, – dedi imamdarğa arnağan sözinde Elbası.

Memleket basşısı Qazaqstan mwsılmandarı dästürli türde hanafi mazhabın wstanatının, islamnıñ osı bağıtınıñ negizin tüsindiruge maşıqtanğan mamandar dayarlau qajettigin atap ötti.

– Büginde Qazaqstan mwsılmandarı dini basqarmasında 3800 imam jwmıs isteydi. Olardıñ jartısı dini sauattılıqtı arttıru kurstarınan ötken. Alayda, mwnıñ jetkiliksiz ekenin ayta ketken jön. Bizge osı salada jwmıs isteytin imamdar men mamandardıñ bilim deñgeyin arttıru jayın oylastıru qajet.

Oqığan imam ğana dwrıs bilim bere aladı. Ol öz dinin tereñ tanıp, özge dinderdiñ erekşelikterin zerttep, basqa da bilimderdi igergen adam boluğa tiis. Imamdar şeşendik önerdi, adam psihologiyasın meñgergen ideologtarğa aynaluı kerek, – dedi Nwrswltan Nazarbaev.

Äñgime barısında Qazaqstan Prezidenti «Nwr Mübarak» universitetiniñ jwmısımen jäne onı bwdan äri damıtu josparımen tanıstı.

Elbası jas wrpaqtıñ dini sauatsızdığına ayrıqşa nazar audardı.

– Dini sauatsızdığınıñ nätijesinde jastarımız saqal qoyıp, şalbarınıñ balaqtarın qısqartıp tastaydı. Qara köylek kiip, beti-auzın twmşalağan qızdarımızdıñ qatarı köbeydi. Bwl bizdiñ dästürimizge de, halqımızğa da jat. Bwğan zañnamalıq deñgeyde tıyım salu mäselesin pısıqtau kerek. Qazaq qara kiimdi qaralı kezde ğana kiedi, – dedi Memleket basşısı.

Nwrswltan Nazarbaev qazaq mädenietiniñ tarihına, qazaq äyelderiniñ dästürli kiimine toqtalıp, qara kiim men din arasında eşqanday baylanıs joq ekenin ayttı.

– Eger jastarımız halqımızğa jat uağızdarğa erse, memleketimizdiñ bolaşağı ne bolmaq? Biz bwğan jol bermeymiz. Täuelsiz Qazaqstannıñ bolaşağı jarqın, wltımız tatu bolıp, elimiz zayırlı memleket retinde odan äri damuğa tiis. Biz özimizdiñ igi maqsatımızğa qarsı şıqqandarğa köne almaymız. Bwl – memlekettik apparattıñ ğana emes, barşa Qazaqstan halqınıñ, onıñ bolaşağınıñ müddesi, – dedi Qazaqstan Prezidenti.

Elbası halıq arasındağı dini sauattılıqtıñ mañızdılığın atap ötip, imamdardıñ öz qızmeti barısında patriottıq tärbiege den qoyuğa tiis ekendigine nazar audardı.

– Nağız mwsılmandı kigen kiiminen emes, işki imanınan tanidı. Kimniñ jüreginde süyispenşilik bolsa, sonıñ imanı bar. Biz örkenietti älemge qaray qadam basıp, ğılım men bilim esigin aşuımız qajet. XVIII-XIX ğasırlarğa deyin mwsılman düniesi bükil älemde köşbasşı boldı. Ol ğılımnıñ qaynar közi, filosoftardıñ, därigerler men jazuşılardıñ otanı boldı. Qazir biz bwl jağınan köşbasşılıq ornımızdan ayırılıp qaldıq.

Büginde azamattarımız internet arqılı türli mälimetter aladı. Osılayşa, dästürli emes ağımdardıñ da uağızın tıñdap jür. Ol üşin türli ädister men tehnologiyalar qoldanıluda. Biz de olarmen küres jürgizu üşin aqparattıq tehnologiyalardı qoldanuımız kerek. Qajet bolğan jağdayda, memleket Qazaqstan mwsılmandarı dini basqarmasına qoldau körsetuge dayın.

Men özimniñ maqalamda «Tuğan jer» bağdarlamasına erekşe köñil böldim. Ol bizge är öñir, är eldi meken turalı mol mağlwmat aluğa mümkindik beredi. Ärqaysımızdıñ jüregimizde patriotizm boluğa tiis. Osı orayda öz uağızdarıñızda Otandı süyu taqırıbına ayrıqşa köñil böluleriñizdi swraymız, – dep tüyindedi Memleket basşısı.

Sonday-aq, kezdesuge qatısuşılar dästürli emes dini ağımdarğa qarsı kürestegi özara is-qimıl mäseleleri jönindegi oyların ortağa saldı.