Memleket basşısı Astanağa älemniñ 39 elinen kelgen Düniejüzilik qwrıltaydıñ barlıq qatısuşılarına arnap söz söyledi.

Elbası alğaşqı Qwrıltay ötkennen bergi 25 jıl işinde Qazaqstannıñ jetken jetistikterin jäne elimizde jürgizilgen reformalardı atap ötti.

Nwrswltan Nazarbaev ruhani jañğıru ayasında iske asırılıp jatqan 6 jobağa, sonıñ işinde qazaq qarpiniñ latın älipbiine köşui, gumanitarlıq bağıttağı üzdik 100 oqulıqtı qazaq tiline audaru, «Tuğan jer», «Qazaqstannıñ kieli jerleriniñ geografiyası», «Jahandağı zamanaui qazaqstandıq mädeniet», «Qazaqstandağı 100 jaña esim» siyaqtı jobalarğa erekşe toqtaldı.

Qazaqstan Prezidenti memleketimiz ben qoğam tarapınan qandastarımızdı qoldaudıñ mañızdılığın aytıp, «Otandastar» qorın qwrudı tapsırdı.

– Qor Düniejüzi qazaqtarınıñ qauımdastığımen birlesip, qandastarımızğa qoldau körsetudiñ tetikterin anıqtap, tiisti keşendi bağdarlama äzirleui qajet, – dedi Elbası.

Sonday-aq, Memleket basşısı elşilikterge Qazaqstanğa oraluşılardıñ qwjattarın dayındau jäne olarğa keñes beru jönindegi jwmıstardı küşeytudi tapsırdı.

– Sonımen qatar, jastarğa qoldau körsetu qajet. Ükimetke otandastarımızdıñ joğarı bilim aluın qoljetimdi etu üşin olarğa bölingen kvotanı 2 ese köbeytudi tapsıramın. Ükimet şeteldegi qandastarımızdıñ ana tilinde bilim alu mümkindikterin qarastıruı kerek, – dedi Nwrswltan Nazarbaev.

Bwdan bölek, Qazaqstan Prezidenti irgeles elderde memlekettik telearnalardıñ körsetilui men merzimdi baspasözdiñ taralu mäselelerin pısıqtau, qandastarımız arasındağı darındı jäne käsibi mamandardı elge tartıp, olardı beyimdeu tetikterin qarastıru, elimizdiñ oñtüstiginen soltüstik oblıstarına qonıs audaru bağdarlamasına qatısqan azamattarımızdıñ ornalasuına jağday jasap, olardı jwmıspen qamtu jöninde tapsırmalar berdi.

Elbası söziniñ soñında Qwrıltayğa qatısuşılarğa Astananı aralap körip, «EKSPO-2017» mamandandırılğan körmesin tamaşalau jöninde wsınıs ayttı.

Qwrıltay soñında Memleket basşısı şeteldegi ağayınnıñ Atamekendi wmıtpay, onı ärdayım qwrmet twtuğa şaqırdı.

– Şeteldegi qazaqtardıñ elge jii kelip, tuğan jerimen baylanıstarın nığaytıp otırğanı dwrıs. Qay elde twrsañızdar da, ärdayım Qazaqstandı jürekteriñizdiñ törinde wstañızdar. Qazaqtıñ tarihi otanı bireu-aq. Ol – Qazaqstan, – dep tüyindedi Nwrswltan Nazarbaev.