SIRIYA KELİSSÖZİ SÄTSİZ BOLDI

Euronews jañalıqtar saytı “Siriyada “qauipsizdik aymaqtarın” qwru kelissözi sätsizdikke wşıradı” degen maqalasında şildeniñ 6-sı küni Astanada ötken Siriya jönindegi beybit kelissözdiñ besinşi kezeñiniñ nätijesi jaylı jazğan.

Azattıq bwğan deyin habarlağanınday, Astanadağı kelissöz kezeñi sätsiz ayaqtalğannan soñ Siriya ükimeti delegaciyasın bastap kelgen Başar äl-Jaafari jurnalisterge “qauipsizdik aymaqtarına” qatıstı kelisimge Türkiya qarsı boldı dep aytqan. Siriya janjalın retteu kelissözine qatısqan Resey prezidentiniñ arnayı ökili Aleksandr Lavrent'evtiñ mälimdeuinşe, Türkiyanıñ resmi twlğaları qarulı köterilisşiler men Siriya prezidenti Başar äl-Asad äskeriniñ arasın bölip twratın aymaqtardı qwruğa qatısu mäselesin üylestiru üşin qosımşa uaqıt swrağan.

“Bwl sätsizdik bükil älem atsalısıp jatqan Siriyadağı azamat soğısın retteu isine jospar qwrıp, jetekşilik etuge wmıtılıp otırğan Mäskeu üşin keri ketu bolıp sanaladı” dep jazadı Euronews. Bwğan qosa, tamızdıñ ayağında Astanada ötkizu josparlanıp otırğan kezekti kezeñge deyin ortaq wstanımğa qol jetkizu üşin Resey, Türkiya men Irannıñ qatısuımen jwmıs tobı qwrılğanı jaylı habarlandı.

Siriyanıñ Rakka qalasında “Islam memleketi” ekstremistik tobına qarsı soğısıp jürgen kürd jasağı. 3 şilde 2017 jıl.

“Resey, Türkiya jäne Iran Siriyada qauipsizdik aymaqtarın qwru jönindegi ortaq kelisimge kele almadı” degen maqalasında Reuters agenttigi de Astana kelissöziniñ sätsizdikke wşırauına qatıstı kommentariy bergen. “Lavrent'ev oñtüstiktegi qauipsizdik aymağına qatıstı jayttardı ol jaqta ornalasqan köterilisşilerdi qoldaytın AQŞ jäne Iordaniyamen kelisu kerektigin ayttı” dep jazadı Reuters.

Biraq şildeniñ 7-sinde Gamburgte AQŞ prezidenti Donal'd Tramp pen Resey prezidenti Vladimir Putinniñ arasında bolğan kelissözderden keyin AQŞ, Resey jäne Iordaniya şildeniñ 9-ınan bastap Siriyanıñ oñtüstik-şığısındağı bitim jäne “deeskalaciya” jaylı taraptar ortaq kelisimge kelgeni turalı jariyalandı. “Ülken jiırmalıqtıñ” Gamburgtegi sammitinde mwnı AQŞ memlekettik hatşısı Reks Tillerson men Resey sırtqı ister ministri Sergey Lavrov ta rastadı, dep habarlaydı Reuters.

ASTANAĞA MADAQ

Germaniya, Kanada, Singapur jäne Japoniyada tirkelgen In Depth Newshalıqaralıq jañalıqtar saytında Qazaqstan diplomatiyasınıñ 25 jıldığı qwrmetine “Diplomatiya Qazaqstan astanası – Astananı älemge tanıttı” degen maqala şıqtı. Maqtau maqalasınıñ avtorı Rameş Djaura juırda Astanada ötken ŞIW sammiti, EHRO-2017 halıqaralıq körmesiniñ aşıluı, Astana ekonomikalıq forumı jäne Euraziya media-forumı tärizdi Qazaqstannıñ sırtqı sayasatınıñ jetistikterin tizip şıqqan. Bwğan qosa, eldiñ yadrolıq qarudı taratpauğa qosqan ülesin, türli janjaldardı retteu kelissözderi, mısalı Ukrainadağı ahual boyınşa Minsk sammitiniñ eki kezeñi jäne Siriya beybit kelissözderiniñ Astanada ötkenin Qazaqstannıñ jetistikteri qatarına jatqızğan.

EXPO-2017 halıqaralıq körmesi aumağındağı nısandar. Astana, 22 mausım 2017 jıl.

Qazaqstan prezidenti Nwrswltan Nazarbaevtıñ BWW-ın reformalau, mısalı ştab-päterin Aziyağa köşiru jaylı wsınısına qatıstı da kommentariy bergen. “Prezident Nazarbaev Astana men euraziyalıq el – Qazaqstandı resmi türde san aluan mädeni mwrası bar demokratiyalıq, zayırlı, unitarlı äri konstituciyalıq respublika dep sanaytın sıñaylı” dep jazadı In Depth News.

Ötken aptada Batıstıñ birqatar belgili basılımdarında osınday sarındağı maqalalar şıqqan. Olar amerikalıq Foreign Policy jurnalınıñ tilşisi Djeyms Palmer biılğı mausımnıñ 15-i küni şığını tım köp, al biraq jwmsalğan “bes milliard dollardıñ” nätijesi mardımsız EHRO-2017 körmesin Qazaqstannıñ qalay wyımdastırğanı turalı sıni maqalası jariyalağannan keyin jarıqqa şıqqan.

QAZAQSTANDI TURISTERGE QAUİPSİZ ELGE JATQIZDI

Wlıbritaniyanıñ Liverpool Echo basılımınıñ saytı “Jaña bayandamağa säykes, bwlar – baratındar üşin eñ qauipti elder” degen maqalasında Şveycariyada ornalasqan “Düniejüzilik ekonomikalıq forum” ükimettik emes qorınıñ juırda jariyalanğan esebine qatıstı kommentariy bergen. “Sayahat pen turizmniñ bäsekege qabilettiligi – 2017 bayandamasında” (The Travel & Tourism Competitiveness Report 2017) turister üşin “qauipti” elderdiñ reytingi jariyalanğan.

Ayagöz qalasındağı temir jol stanciyası. Şığıs Qazaqstan oblısı, 3 tamız 2014 jıl.

Bayandamada 136 eldi zorlıq-zombılıq jäne terrorizm qateri siyaqtı körsetkişter boyınşa bağalağan, biraq bwl tizimge Siriya, Auğanstan jäne Irak enbey qalğan, sebebi oğan erteden qalıptasqan dästür boyınşa, äueli ekonomikası damığan elderdi, sosın ğana damuşı elderdi qosadı.

Qazaqstan atalğan reytingte 5,5 wpaymen 58-orında (mısalı, Franciya 67-şi, Wlıbritaniya – 78, al AQŞ 84-şi orında) twr.

Finlyandiya, BAÄ, Islandiya, Oman jäne Gonkong eñ qauipsiz elder retinde atalğan. Turister üşin eñ qauipti elder qatarına qazaqstandıqtar jii baratın Türkiya (116-orın), Tailand (118-orın) jäne Egipet (130-orın) tärizdi elder engen.                                   Azat Europa / Azattıq radiosı